தொலைந்த கனவு...

180-திரை விமர்சனம்

2011-06-29T08:56:00.003+05:30

திருமண வாழ்க்கையை சந்தோஷமாகத் துவக்கும் நாயகனுக்கு,'180' நாட்கள்தான் அவனால் உயிர் வாழமுடியும் எனத் தெரிய வருகிறது.இந்நிலையில் அவனின் வாழ்வில் புதிதாக ஒரு பெண் வேறு நுழைகிறாள்.அதன்பின் என்ன நடக்கிறது என்பதுதான் '180' படத்தின் கதை.

மரணத்தை எதிர்நோக்கி இருக்கும் இளைஞன் வேடத்திற்கு சித்தார்த் கச்சிதமாகப் பொருந்துகிறார்.படத்தின் ஆரம்பத்தில் 'தீர்க்காயுசா' இருப்பா என்று வாழ்த்தும் சாமியாரைப் பார்க்கும் பார்வையிலும்,சிறுவன் மூலமாகத் தன் வாழ்க்கையை உணரும் தருணத்திலும்,தனக்கு ஏற்பட்ட நிலையை எண்ணி பின்பாதியில் வருந்தும் இடங்களிலும் சித்தார்த்தின் நடிப்பில் நல்ல முதிர்ச்சி.இரு பெரு கண்களை(யும்) உடைய நித்யா மேனனை விட,பிரியா ஆனந்திற்குத்தான் 'ஸ்கோப்' அதிகம்.அவரும் அதை நன்கு பயன்படுத்தியிருக்கிறார்.

சித்தார்த்திற்கு அவர் மனைவி அருகில் இருக்கும்போது மட்டும்,கயிற்றுடன் ஒருவர் அவர் கண்களுக்கு மட்டும் தெரிவது நன்றாக இருக்கிறது.அதேபோல்,மனிதனின் உண்மையான சந்தோஷம் குழந்தைகளோடு இருக்கையில்தான் கிடைக்கிறது என்பதைக் காட்சிப்படுத்தியிருப்பதிலும் இயக்குனர் 'ஜெயேந்திரா' வெற்றி பெற்றிருக்கிறார்.இரண்டாம் பாதியில் படம் மெதுவாகச் செல்வதைத் தவிர்த்து இருக்கலாம்.இடைவேளைக்குப் பின் கதை எதை நோக்கி நகருகிறது என்பதையும் ஊகிக்க முடிகிறது.

படத்தின் மெயின் ஹீரோ 'பாலசுப்ரமணியத்தின்' காமெராதான்.அவர் காமெரா கண்கள் வழியாகத் தெரியும் காட்சிகள் அனைத்தும் அத்தனை துல்லியம்(சித்தார்த்தின் தலையில் இருக்கும் ஒரே ஒரு வெள்ளை முடி கூட துல்லியமாகத் தெரிகிறது).ஷரத்தின் இசையில் 'நியாயம் தானா' மற்றும் 'சிறு சிறு கனவுகள்' மனதை வருடுகின்றன‌.

180-முதல் பாதி இளமைத் துள்ளல்;இரண்டாம் பாதி உணர்ச்சிக் குவியல்

ஆரண்யகாண்டம்-திரை விமர்சனம்

2011-06-16T09:18:00.003+05:30

ஒரு கேங்க் லீடரின்(ஜாக்கி ஷெராஃப்) கீழே வேலை பார்க்கும் அடியாள் சம்பத்திற்கு ஜாக்கி ஷெராஃப் போல் லீடராக ஆசை. அதே நேரத்தில் ஜாக்கி ஷெராஃபிடம் மாட்டிக் கொள்ளும் பெண்ணிற்கு அவருடைய பணத்தின் மேல் ஆசை.தாங்கள் ஆசைப்பட்டதை அடைவதற்காக ஒரு ஆணும்,பெண்ணும் எவ்வாறு புத்திசாலித்தனத்துடன் வெவ்வேறு விதமாகக் காய்களை நகர்த்துகின்றனர் என்பதுதான் அறிமுக இயக்குனர் தியாகராஜன் குமாரராஜா இயக்கத்தில்,எஸ்.பி.பி சரண் தயாரிப்பில் வெளிவந்திருக்கும் 'ஆரண்யகாண்டம்' படத்தின் கதை.

படத்தில் கிளைக்கதைகளாக வரும் ரவிகிருஷ்ணா,வாழ்ந்து கெட்ட ஜமிந்தார் மற்றும் அவருடைய சிறு பையன்,எதிர் குரூப் லீடர் கஜேந்திரன் என்று படத்தின் அனைத்து பாத்திரங்களுமே படத்தின் திரைக்கதைக்கு உதவியாக இருக்கின்றன. தமிழில் கேங்க்ஸ்டர்ஸின் வாழ்க்கையைப் பிரதானமாகக் கொண்டு,பாடல்களே இல்லாமல் வெளிவந்திருக்கும் முதல் படம் இதுவாகத்தானிருக்கும் என்று தோன்றுகிறது.

தன்னுடைய லீடரான ஜாக்கி ஷெராஃப்பே தன்னைக் கொல்வதற்காகத் தன் மனைவியைக் கடத்தி சென்று விட்ட பிறகு, எதிர் குரூப் ஆட்கள் தன்னைக் கொல்ல வருகையில்,ஓடிக் கொண்டே சம்பத்,ஒவ்வொரு பிரச்சனையையும் ஆராய்ந்து கொண்டே அவர் உடனடியாக முடிவெடுக்க வேண்டியது எது எனத் திட்டமிடும் இடம் அசத்தல்.படத்தின் முன் பாதியில் வரும் சில காட்சிகளைத் தவிர்த்து விட்டு பார்த்தால்,மொத்தப் படமுமே மிக நன்றாகப் படமாக்கப்பட்டிருக்கிறது.

படத்தின் பின்னணியில் ஒலிக்கும் பழைய பாடல்களையும்,படங்களின் வசனங்களையும்(டிவியில்) காட்சிக்கு ஏற்றவாறு தேர்வு செய்திருப்பது நன்றாக இருக்கிறது.உதாரணத்திற்கு ரவி கிருஷ்ணா ஹீரோயின் யாஸ்மின் பொன்னப்பாவுடன் படுக்கையில் இருக்கையில் டி.வி யில் '16 வயதினிலே' சப்பாணி கமல் பேசிக் கொண்டிருப்பது என்று பார்த்து பார்த்து செலக்ட் செய்திருக்கிறார்கள்.அதேபோல் வாழ்ந்து கெட்ட ஜமீந்தார் போதைப் பொருட்களை பறிகொடுக்கையில்,அவரின் பையன் கையில் இருந்து ஐஸ் கீழே விழுவ‌து டைர‌க்ட‌ர் ட‌ச்.

யுவ‌ன்ச‌ங்க‌ர் ராஜாவின் பின்ன‌ணி இசை,வினோத்தின் ஒளிப்ப‌திவு ம‌ற்றும் ப‌ட‌த்தின் வ‌ச‌ன‌ங்க‌ள்('புத்த‌ருக்கு போதிம‌ர‌ம் மாதிரி,கேங்ஸ்ட‌ர்சுக்கு சேசிங்','ப‌ய‌ம் போக‌லை;ஆனால் தைரிய‌ம் வ‌ந்திடுச்சு','கப்பு பார்த்தா மப்பு இல்லை') ந‌டிக‌ர்க‌ளின் தேர்வு என்று அனைத்துமே மிக‌ சிற‌ப்பாக‌ வ‌ந்திருக்கிற‌து.

ஆர‌ண்யகாண்ட‌ம்-'ஆ'ச்ச‌ர்ய‌ காண்ட‌ம்.

அழகர்சாமியின் குதிரை--திரை விமர்சனம்

2011-05-15T22:14:00.003+05:30

திருவிழாவிற்காகக் காத்துக் கொண்டிருக்கும் 'சாமி' அழகரும், திருமணத்திற்காகக் காத்துக் கொண்டிருக்கும் 'ஆசாமி' அழகரும் தத்தம் குதிரைகளைத் தொலைத்து விடுகிறார்கள்.குதிரை கிடைத்து திருவிழாவும்,திருமணமும் நடந்ததா என்பதுதான் சுசீந்திரன் இயக்கத்தில் வெளிவந்திருக்கும் 'அழகர்சாமியின் குதிரை' படத்தின் கதை.

பாஸ்கர் சக்தியின் 'அழகர்சாமியின் குதிரை' குறுநாவலை சிதைக்காமல் அப்படியே படம் எடுத்ததற்காக சுசீந்திரனுக்கு ஒரு சல்யூட்.கிராமத்து மக்களின் வாழ்க்கையை அப்படியே படமாக்கிவிட வேண்டும் என்று முனைந்ததில் படத்தின் பெரும்பாலான காட்சிகள் நாடகம்போல் ஆகிவிட்டிருப்பதுதான் சோகம்.அப்புகுட்டியின் வருகைக்குப் பிறகு படம் வேகமெடுத்தாலும்,க்ளைமாக்ஸில் கோட்டைவிட்டு விட்டார்கள்.

அப்புகுட்டிக்கும்,சரண்யா மோகனுக்குமான காதல் அழகான கவிதை.அப்புக்குட்டிக்கும் குதிரைக்குமான உறவும் நன்றாகப் படமாக்கப்பட்டிருக்கிறது.இளையராஜாவின் பின்னணி இசையும்,'பூவைக் கேளு' பாடலும் காதுகளில் இன்னும் ரீங்காரம். அதுபோலவே தேனி ஈஸ்வரின் கேமராவும் கண்களுக்கு குளிர்ச்சி.ஊர் திருவிழாவிற்கு வரி கொடுக்க யோசிக்கும் மக்கள்,வெளியூர் கோடாங்கிக்குப் பணத்தை அள்ளிக் கொடுப்பது நிதர்சனம்.

மெதுவாக நகரும் திரைக்கதையில் பாஸ்கர் சக்தியின் வசனம் பெரிய ஆறுதல்.'வாசல் தெளிக்கிற மாதிரி பெய்யுது மழை','கோடாங்கிக்கு கிறுக்கா பிடிச்சிருக்கா;இல்லை சாமி பிடிச்சிருக்கு;ரெண்டும் ஒண்ணுதான்','காட்டேரி பூஜை கட்டு,இல்லை இன்னொரு பொண்டாட்டி கட்டு,ஆனால் என் தாலியை அக்காதே' என்று கிடைத்த இடங்களில் சிக்ஸர் அடித்திருக்கிறார்.

வறுமையில் உழலும் கிராமத்து மக்கள் திருவிழாக் காலங்களில் மட்டும் மகிழ்ச்சியாக இருப்பது போல் படமும் சில இடங்களில் மட்டும் சுவாரசியமாக இருக்கிறது.

அழகர்சாமியின் குதிரை-மரக் குதிரை

ஆடுகளம்-திரை விமர்சனம்

2011-01-28T23:48:00.002+05:30

சேவல்களுக்கிடையே வன்முறை,குரூரம் போன்றவற்றை உருவாக்குவதில் தேர்ந்தவனான ஒருவன்,அதே பகை,வன்முறை போன்றவற்றை மனிதர்களுடையே உருவாக்கும்போது என்ன நேர்கிறது என்பதுதான் வெற்றிமாறன் இயக்கத்தில் தனுஷ் நடிப்பில் வெளிவந்திருக்கும் 'ஆடுகளம்' படத்தின் கதை.

சேவல் வளர்ப்பின் நுணுக்கங்களை 'பேட்டைக்காரன்' தன்னுடைய சிஷ்யர்களான கிஷோர்,தனுஷிற்கு சொல்லிக்கொடுக்கிறார். ஒரு கட்டத்தில் தனுஷ் பேட்டைக்காரனை விடவும் அதில் நிபுணத்துவம் பெற நேர்கையில் என்ன நடக்கிறது என்பதை மதுரை மண்ணின் உக்கிரத்துடனுடம்,நாட்டுக் கோழியின் சுவையுடனும் படமாக்கியிருக்கிறார்கள்.

தனுஷிற்கும்,தபஸிற்கும்(பேர் பொருத்தமே நன்றாக இருக்கிறது) நடுவில் வரும் காதல் நன்றாக இருந்தாலும்,தபஸிக்கு தனுஷ் மேல் உடனே காதல் வருவது செயற்கையாக உள்ளது. தபஸியைப் பார்த்துக் கொண்டிருக்கையில் நாமும் கொஞ்சம் கொஞ்சமாய் தனுஷாக மாற ஆரம்பித்து விடுகிறோம்.

தனுஷ் சில இடங்களில் மதுரை பாஷையில் கொஞ்சம் திணறினாலும், நடிப்பில் வெளுத்திக் கட்டியிருக்கிறார். அதுவும் சில காட்சிகளில் முகத்தில் உணர்ச்சியே இல்லாமல் நடித்திருப்பது,அவர் எவ்வளவு தூரம் அந்த கேரக்டரை உள்வாங்கி நடித்திருக்கிறார் என்பதைக் காட்டுகிறது.தபஸி அவரைக் காதலிக்கவில்லை என்று சொல்லும்போது,அவர் தபஸியுடன் கற்பனையில் வாழ்ந்த வாழ்க்கையையும்,முதல் குழந்தைக்கு நாம் மொட்டை போடும்போது நீ சேலையில் இருக்கிறாய் என்று சொல்வதும் அருமை. படத்தில் நடித்திருக்கும் அனைவருமே மிகவும் நன்றாக நடித்திருக்கின்றனர்.இடைவேளையின் போது வரும் சேவல் சண்டையும், கிளைமாக்ஸில் தனுஷும்,கிஷோரும் சேவல்கள் போன்று உக்கிரமாக சண்டையிடுவதும் நன்றாகப் படமாக்கப்பட்டிருக்கிறது.ஜி.வி.பிரகாஷின் பின்னணி இசை சில இடங்களில் 'ஓவர்' டோஸாக தெரிந்தாலும் பல இடங்களில் மிகவும் நன்றாக வந்திருப்பதும் உண்மை;யாத்தே யாத்தே பாடல் இன்னும் காதுகளில் ஒலிக்கிறது.

படத்தின் மிகப் பெரிய பலமே,அந்தந்த கேரக்டர்கள் பேசும் வசனங்கள்.தனுஷின் அம்மா இறந்தவுடன் அவர் சொல்லும் "இவ்வளவு சின்ன வீட்டிலேயே எங்கம்மா ஞாபகம் எனக்கு இவ்வளவு இருக்கையில்,காரை வீட்டில் எங்கப்பாவுடன் அம்மா வாழ்ந்த வாழ்க்கை அவருக்கு எவ்வளவு தூரம் ஞாபகத்தில் இருந்திருக்கும்" என்பதும், "உன்கூட வருகின்ற பெண்தான் நாம் வாழ்க்கையில் எவ்வளவு தூரம் போகின்றோமென்பதை முடிவு பண்ணுபவள்" , குறிப்பாக தனுஷ் கிளைமாக்ஸில் பேட்டைக்காரனிடம் சொல்லும் 'நீங்க சாகுடான்னு நானே செத்திருப்பேன்' என்பது கச்சிதம். அதேபோல் பேட்டைக்காரன் தன்னுடைய மனைவியை பிரிந்திருக்கையில் அவர்,தனுஷை தபஸியுடன் பார்க்கையில் பேட்டைக்காரனாக நடித்திருக்கும் ஜெயபாலனின் உணர்ச்சிகள் அழகு.

ஆடுகளம்-சொல்லி ஆடியிருக்கிறார்கள்.

கேள்வித் தீ

2011-01-27T10:26:00.002+05:30

எல்லா சாத்தியங்களும்
சாத்தியமற்றுப்போன ஒரு நிலையில்
விடையில்லாக் கேள்விகள்
என்னைத் துரத்தத் தொடங்கின!

ஒவ்வொரு கேள்வியும்
என்னுயிரைக் கொஞ்சம் கொஞ்சமாய்
தின்னத் தலைப்பட்ட கணத்தில்
உன்னை யாசித்துக் கிடந்தேன்!

பதில்கள் அடைத்து வைக்கப்பட்டிருந்த
அறையின் சாவியை
தூக்கி எறிந்துவிட்டு
புன்னகைக்கிறாய் நீ!

கேள்விகள் என்னை
தின்னத் தொடங்கு முன்பே
இறக்கத் தொடங்குகிறேன் நான்.

பிரிய‌சகி-7

2011-01-04T21:41:00.002+05:30

எல்லா ந‌திக‌ளும்

ரோமை நோக்கி செல்வ‌து போல்

என் எல்லாப் பாதைகளும்

உன்னை நோக்கியே இருக்கின்ற‌ன‌!

உன‌க்குப் பைய‌ன் வேண்டுமா

இல்லை பெண் வேண்டுமா? என்றாய்

நீதான் வேண்டுமென்றதில்

குரோமோஸோம்க‌ளெல்லாம்

கும்மி அடிக்க‌த் தொட‌ங்கின‌!

க‌ன்ன‌த்தில்

கை வைக்காதே!

நினைப்ப‌து ந‌ட‌க்காதென்றாய்

உன் க‌ன்ன‌த்தில் கை வைத்தேன்

நினைக்காததெல்லாம் ந‌ட‌ந்த‌து!

முத்த‌ம் கேட்கையில்

ப‌ணிவாய் கேள்

அதிகார‌மாய் கேட்காதே என்கிறாய்

காம‌த்துப் பாலும்

ஒரு அதிகாரம்தானே என்கிறேன் நான்!

உன்னுடம்பின் மச்சங்களை

எத்தனை முறை

எண்ணிச் சொன்னாலும்

எண்ணிக்கையில் ஒன்று

குறைகிறது என்கிறாய்!

இரவுகளில் உருகும் இசை

2010-12-28T00:08:00.004+05:30

இன்று 'வாலன்டைன்ஸ் டே' என்பதால் கண்டிப்பாக அவன் ஆஃபிஸிற்கு வருவான் என்று தோன்றியது.நான் இந்த உலகத்தில் இவனை விட யாரையும் அதிகமாய் வெறுத்ததுமில்லை;அதே நேரத்தில் அதிகமாய் காதலித்ததுமில்லை..

இப்ப வரைக்கும் எனக்கு புரியாத விசயம் என்னவென்றால் இவனை ஏன் எனக்குப் பிடித்து தொலைத்தது.என் மனதின் ஒவ்வொரு கிளையாய் பற்றி வேர் வரை என்னை ஆட்சி செய்கிறான். இப்பொதெல்லாம்,இவனைப் பற்றி நினைத்துக் கொண்டிருக்கும் போதோ, இல்லை இவனைப் பார்த்துக் கொண்டிருக்கும்போதே, நான் என்னையே கொஞ்சம் கொஞ்சமாய் இழக்கத் தொடங்கி விடுகிறேன். எத்தனையோ முறை என் காதலை இவனிடம் இலை மறை காயாய் வெளிப்படுத்தியதை இவன் உண்மையிலேயே புரிந்து கொள்ளவில்லையா; இல்லை புரிந்து கொண்டும் நடிக்கிறானா என்பது எனக்கு இன்னமும் புரியாத விசயம்.

இமயமலையாய் என் கண்களில் பெருகும் காதல்,அவன் இதயக் கதவின் காலிங் பெல்லைத் தொடர்ந்து அடித்துக் கொண்டிருக்கிறது.ஒரு பெண் வேண்டுமானால் பையன் மீதான தன் காதலை எளிதில் மறைத்து விடலாம்.ஆனால் பையனால் முடியவே முடியாது என்ற என் நினைப்பைக் கொஞ்சம் கொஞ்சமாய் தகர்க்கத் தொடங்கி விட்டான்.என்னைப் பார்க்கும் போதெல்லாம்,நேரில் பேசும் வார்த்தைகளுக்கு கூட அவுட்கோயிங் சார்ஜ் இருப்பது போன்று மிக மிக குறைவான வார்த்தைகளைக் கொண்டே பேசுவான்.ஆனாலும் என் மீதான அவன் காதல் அவனையுமறியாமல்,சில நேரங்களில் அவன் கண்களில் தெரிவதைப் பார்க்கும்போது,மனம் குதூகலிக்கும். சில நேரங்களில் என்னை நேரில் பார்த்து,என் கண்களைப் பார்த்து பேச அவன் தடுமாறுவதை பார்க்கும்போது,பரிதாபமாகவும் இருக்கும்.

இப்படியெல்லாம் ஒரு ஆண் முழுமையாய் நம்மை ஆக்கிரமிக்க முடியுமா என்று ஆச்சரியமாய் இருக்கிறது.காலையில் கண் விழிப்பதிலிருந்து,எப்போதாவது இரவு நேரங்களில் கண் அயரும் வரை கடவுள் போன்று நான் பார்க்கும் இடங்களிலெல்லாம் பரவி நிற்கிறான்.வார இறுதி நாட்களிலெல்லாம்,அவன் ஞாபகம் தோன்ற ஆரம்பித்து என்னையுமறியாமல் ஆஃபிஸ் போய் உட்கார்ந்து கொள்கிறேன்.ஆஃபிஸில் அவனுடைய சீட்டைப் பார்த்துக் கொண்டே இருப்பது,ஓரளவிற்கு ஆறுதலளித்துக் கொண்டிருக்கிறது.ஏதாவது ஒரு வார இறுதியிலாவது அவன் ஆஃபிஸ் வந்தானென்றால் எவ்வளவு நன்றாக இருக்கும் என்று நினைக்கும் போதெல்லாம்,இறக்கைகளெல்லாம் முளைத்து தேவதையாக மாறுவது போன்று இருக்கும்.

இப்போதெல்லாம்,அவனாகத் தன் காதலை சொல்வான் என்ற என் நம்பிக்கையைக் கொஞ்சம் கொஞ்சமாய் இழக்கத் தொடங்கியிருந்தேன்.ஒரு நாள் எதுவுமே பேசாமல்,நான் யாரோ என்பது போல் நடந்து கொள்கிறான்.மறு நாளோ,என் மீதான அவன் காதலைத் தன் கண்களில் கடலளவுக்கு காட்டிக் கொண்டு உட்கார்ந்திருப்பான்.அவன் கண்களில் என் ஒற்றைக் காதல் படகு மட்டும் இருப்பதை நினைத்து மனம் குதூகலிக்கத் தொடங்கும்.சில நாள் நாங்கள் பேசிக் கொண்டிருக்கையில்,ஏதோ என்னிடம் சொல்ல வந்து அவன் தடுமாறி நிற்பதைப் பார்க்கும்போது,அவனை ஏன் கஷ்டப்படுத்துவானேன்,நாமே அவ‌னிட‌ம் காத‌லை சொல்லிவிட‌லாமா என்றும் தோன்றும்.

இந்த வாரத்திலிருந்து,இன்னும் ஒரு வாரம்தான்,வால‌ன்டைன்ஸ் டேக்கு இருக்கிறது என்ப‌தை நினைக்கும் போது சிலிர்ப்பாக‌ இருக்கிறது.ஊரில் இருந்த மிக‌ப் பெரிய‌ பியூட்டி பார்ல‌ருக்கு சென்றேன்.என் உட‌ம்பில் ஒவ்வொரு துளியாய் பூச‌ப்பட்ட‌ கிரீம்க‌ளில் அவ‌ன் வ‌ழிந்து கொண்டிருந்தான். இன்னொரு முக்கியமான விச‌ய‌மாய் இந்த‌ வ‌ருட‌த்து வால‌ன்டைன்ஸ் டே வேறு ச‌னிக்கிழமை வருகிற‌து.ஆஃபிஸில் வேறு யாரும் எங்களை டிஸ்ட‌ர்ப் ப‌ண்ண மாட்டார்க‌ள்;அவ‌னோடு முழு நாளையும் செல‌வ‌ழிக்க‌லாம் என்று நினைக்கும் போது பெண்ணாய் பிற‌ந்த‌த‌ன் பேரின்ப‌ம் கிடைக்கத் தொட‌ங்கிய‌து.

இந்த அதிகாளை வேளையில்,எந்த‌ உடை அணிவ‌து என்று ப‌ல‌ வ‌ண்ண உடைக‌ளை மூன்று ம‌ணி நேர‌மாய் அணிய‌ ஆர‌ம்ப‌த்திருந்ததில் காலை ஏழு ம‌ணி ஆகியிருந்தது. இன்று ஆஃபிஸில் என்னைப் பார்த்த‌வுட‌னே, அவ‌னுள் பெருக்கெடுத்து ஓடும் காத‌லை நினைத்து எனக்கு சிலிர்ப்பாய் இருந்தது. இன்னும் இர‌ண்டு ம‌ணி நேர‌ங்க‌ள் காத்துக் கொள்ளடா க‌ண்ணா! இந்த‌ ராதை உன‌க்குத்தான் என்று க‌ண்ணாடியின் முன் நின்று அவ‌னுட‌னான‌ என் வாழ்க்கையை ந‌ட‌த்திக் கொண்டிருந்தேன்.

இன்று எட்டு ம‌ணிக்கே ஆஃபிஸிற்கு சென்று அவ‌ன் க‌ண்டிப்பாக வ‌ருவான்;காத‌ல‌ர் தினமான‌ இன்று த‌ன் காதலை சொல்வான் என்று காத்திக் கொண்டிருக்கிறேன்.அவ‌ன் என்ன‌ உடையில் இன்று வ‌ருவான்;எப்ப‌டி த‌ன் காத‌லை என்னிடம் சொல்வான் என்று கனவுலகத்தில் மூழ்கிக் கொண்டிருந்ததில்,நேர‌ம் வேறு ப‌த்து ம‌ணி ஆகியிருந்த‌து.

இந்தப் பாடலை வேறு எனக்கு ஏன் பிடித்துத் தொலைத்தது என்று புரியவில்லை. காலையிலிருந்து இந்தப்பாடலை மட்டுமே தொடர்ந்து கேட்டுக் கொண்டிருக்கிறேன்.

இரவுகளில் உரு(க்)கும் இசை போன்று அவன் நினைவுகளில் உருகிக் கொண்டிருக்கிறேன்.உண்மையிலேயே என்னை அவ‌ன் காத‌லிக்கிறானா;அப்ப‌டியெனில் இந்நேர‌ம் அவன் ஆஃபிஸ் வந்து தன் காதலை என்னிட‌ம் சொல்லியிருக்க‌ வேண்டுமே என்று என் இத‌ய‌ம் தாறுமாறாக‌ துடிக்க‌ ஆர‌ம்பித்த‌து. அவ‌ன் வ‌ருகைக்காக‌ ஒவ்வொரு நொடியும், ம‌று பிற‌வி எடுத்து காத்துக் கொண்டிருக்கிறேன்.த‌லையில் வைத்திருந்த‌ பூக்க‌ளெல்லாம், என்னைக் கேலி செய்ய வேறு ஆர‌ம்பித்த‌ன. எங்க‌ள் தூக்க‌த்தைப் ப‌றித்து, உயிரைக் கொன்ற‌த‌ன் ப‌ல‌னை உன‌க்கு கொடுக்காமல் விட‌மாட்டோம்;இல்லாவிடில் உன் கூந்த‌லிலிருந்து ஒவ்வொரு பூவாய் கீழே விழுந்து உயிர் மாய்த்துக் கொள்வோம் என்ப‌து போன்று, ஒவ்வொரு பூவாய் உதிர்ந்து உயிரை மாய்த்துக் கொள்ள ஆர‌ம்பித்து விட்ட‌ன‌. நேர‌ம் வேறு ஆறு மணியைக் க‌டந்து விட்டது.இனிமேலும் அவ‌ன் வ‌ருவான் என்ற‌ ந‌ம்பிக்கையைக் கொஞ்சம் கொஞ்சமாய் இழக்கத் தொடங்கியிருந்தேன்.அவ‌னுட‌ன் நான் பேச‌ நினைத்த‌ வார்த்தைக‌ள் ஒவ்வொன்றும், என் தலையின் மேல் என்னைக் கேலி பேசி சுற்றிக் கொண்டிருந்த‌ன‌. என் க‌ண்ணீர் துளிக‌ள் ஒவ்வொன்றாய்,
இதய‌த்தில் ப‌ட‌ர்ந்து ஆறுத‌ளித்துக் கொண்டிருந்த‌ன.

இந்த‌ ச‌னிக்கிழமை வேளையில்,ஆஃபிஸில் இப்படி த‌னியாய் அம‌ர்ந்து, அட‌க்க‌ முடியாத‌ க‌ண்ணீருட‌ன் அம‌ர்ந்து கொண்டிருப்பதை நினைத்து,எனக்கு என்னாலேயே ஆறுத‌ல் சொல்ல‌ முடிய‌வில்லை.ஓங்கி அழ வேண்டுமென்ப‌து போல் இருந்த‌து.கர்சீஃபில் வந்து விழுந்து கொண்டிருந்த கண்ணீர் துளிகளெல்லாம் நிரம்பி வழிந்து ஷாலை நனைத்துக் கொண்டிருந்தன.கைகளெல்லாம் நடுங்கி,இதயம் பட படவென்று துடிக்கத் தொடங்கியது.எங்கே என் இதயம்,மார்பை உடைத்துக் கொண்டு வெளியே வந்து விழுந்து,அவனுக்கு காயம் ஏற்பட்டு விடுமோ என்றும் தோன்றியது.வீட்டிற்கு சென்றாலாவ‌து நிம்ம‌தியாக‌ அழுது விட்டு வ‌ர‌லாம் என்று ஆஃஸை விட்டுக் கிளம்பிக் கொண்டிருக்கிறேன்.

இப்போதுதான் ஞாபகத்திற்கு வருகிற‌து,அவன் பெயரையே அனுதினமும் உச்சரித்துக் கொண்டிருந்ததில்,இந்தக் கதையின் ஒவ்வொரு பாராவின் முதல் எழுத்தையெல்லாம், அவ‌ன் பெயரின் முதல் எழுத்தை வைத்தே எழுதியிருந்தது.இதயத்திலிருந்து அவனைப் பிடுங்கி எறிய முடியாத ஆத்திரத்தில்,'இ' எழுத்தை 'key board' லிருந்து பலம் கொண்ட மட்டும் பிடுங்கி வெளியே எறிந்தேன்.ப்போது ஏனோ மனதிற்கு கொஞ்சம் நிம்மதியாய் ருக்கிறது.

மன் மதன் அம்பு-திரை விமர்சனம்

2010-12-24T10:03:00.014+05:30

தன் காதலியான த்ரிஷாவை சந்தேகப்படும் மாதவன்,அவரை உளவு பார்ப்பதற்காக எக்ஸ் மிலிட்டரி ஆஃபிஸர் கமலை அனுப்புகிறார்.அதன் பின் என்ன நடக்கிறது என்பதுதான் கமலின் கதை,திரைக்கதை,வசனத்தில் கே.எஸ்.ரவிக்குமார் இயக்கத்தில் வெளிவந்திருக்கும் மன்மதன் அம்பு படத்தின் கதை.

தன்னை சந்தேகப்படும் மாதவனை விட்டுப் பிரிந்து,மன நிம்மதிக்காக த்ரிஷா ஐரோப்பா கண்டத்திற்கு பயணம் செல்வதில் படம் ஆரம்பிக்கிறது.தன் நண்பனின் கேன்ஸர் ட்ரீட்மெட்டிற்கான பணம் மாதவனிடமிருந்து கிடைப்பதற்காக,கமல் ஒரு பொய் சொல்கிறார்.கடைசியில் த்ரிஷா மாதவனைக் கைப்பிடிக்கிறாரா இல்லையா என்பதைக் காமெடி,சென்டிமென்ட் முலாம் பூசி கொடுத்திருக்கிறார்கள் கமலும்,ரவிக்குமாரும்.

பையனின் கட்டை விரல் ஆடுவதை வைத்து சங்கீதா,தன் பையன் தூங்கிகிறானா இல்லையா என்பதை தெரிந்து கொள்வது.பின்னால் நடந்து வருபவர்க்கு என்னைக் கடந்து போய் கொள்ளுங்கள் என்று கேண்ட் சிக்னல் காட்டுவது.பசங்களுக்கு பெண்களைப் பற்றி 33% அளவிற்காவது தெரியாமல் இருக்குமா என்று கமல் த்ரிஷாவிடம் கேட்பது,ஒரு உயிரும் காதலும் ஊசலாடுகிறது என்று மலையாளத் தயாரிப்பாளர் தன் படத்திற்கான டைட்டிலைப் பிடிப்பது,இன்னைக்கு மாதவன் தன்னிடம் ஸ்வீட்டாகப் பேசினார் என்று த்ரிஷா சொல்வதற்கு, தண்ணியோ என்று சங்கீதா கேட்பது,துப்பறிய ஐடியா கொடுத்தது உங்க அம்மாவா என்று மாதவனின் அப்பா அவரிடம் கவலையாய் கேட்பது,'லைன்ல பிராப்ளம் இருக்கு, கேட்கலை என்று சங்கீதா மாதவனிடம் ஃபோன் பண்னியவுடன் சொல்வது' என்று படத்தின் ப‌ல காட்சிகளில் நம்மை மனம் விட்டு சிரிக்க வைக்கிறார்கள்.அதேபோல் மலையாளத் தயாரிப்பாளர் சங்கீதாவின் பையனைப் பார்த்து 'நீ மலையாளியோ' என்று கேட்பதும், தப்பு கதா என்று கமல் தெலுங்கில் மாதவனிடம் சொல்வதற்கு மாதவன் கமலிடம், தப்பாத்தான் போயிட்டிருக்கு கதை என்பதும் கமல் டச்.

இன்டெர்வல் திருப்பம்,நீலவானம் பாடலை ரிவர்ஸிங் முறையில் படமாக்கியிருப்பது(அதுவும் வெள்ளை சுவரில் தெரியும் பெயின்டிங் கலக்கல்),கண்ணோடு கண்ணை கலந்தாளென்றால் கவிதையை ஒரே ஷாட்டில் படமாக்கியிருப்பது என்று பல இடங்களில் நம்மை புருவம் உயர்த்த வைக்கிறார்கள்.."சில நினைவுகளை மறைச்சு வைச்சுடலாம்,ஆனால் மறக்க முடியாது","நான் முட்டாள் இல்லை,இல்லைனா அந்த மாதிரி பேசாதீங்க","வீரத்தோட மறுபக்கம் மன்னிக்கிறது,வீரத்தோட உச்சகட்டம் அஹிம்சை","அவனை நோக்கி வந்துக்கிட்டு இருக்காங்க என்று மாதவனிடம் கமல் சொல்வது" என்று வசனகர்த்தா கமல் பல இடங்களில் பளிச்சிடுகிறார்.

படத்தின் பெரிய பலம் படத்தில் நடித்திருக்கும் கமல்,மாதவன்,த்ரிஷா,சங்கீதா,ரமேஷ் அரவிந்த் உள்பட அனைவரின் நடிப்பு. த்ரிஷாவின் குரலும்,டாட்டுவும் நன்றாக இருக்கின்றன.ரமேஷ் அரவிந்தின் சென்டிமென்ட் காட்சிகளும் நன்றாகப் படமாக்கப்பட்டு இருக்கின்றன.

தேவி ஸ்ரீ பிரசாத்தின் பாடல்கள் பெரிதாக கவரவில்லையென்றாலும்,படத்தின் பின்னனி இசை நன்றாக இருக்கின்றது. அதுவும் படத்தின் ஆரம்பக் காட்சிகளில் வானில் பறவைகள் பறக்கையில் நீல வானம் பாடலின் இசையை உபயோகித்திருப்பது புத்திசாலித்தனம்.மனுஷ் நந்தனின் கேமரா ஐரோப்பா கண்டத்தை அழகாகப் படம் பிடித்திருக்கிறது.

முதல் பாதி மெதுவாக செல்வது சில நேரங்களில் அயர்ச்சியை ஏற்படுத்துகிறது.,படத்தின் நீளத்தைக் கொஞ்சம் குறைத்திருக்கலாம்.அதேபோல் கமலின் படங்களில் பொதுவாக வரும் ஆள்மாறட்டக் காமெடியும் உண்டு.கடைசியில் மாதவன் சங்கீதாவிடம் காதல் கொள்வதில் எந்த லாஜிக்கும் இல்லை.

படத்தின் அடிநாதமே த்ரிஷா ஆண்கள் பெண்களை எவ்வாறு தப்பாக நினைகிறார்கள் என்று சொல்லும் கவிதையும்,பெண்களுக்கு எந்த மாதிரி ஆண் தேவை என்று கமல் அவரிடம் சொல்லும் கவிதையும்தான்.

மன்மதன் அம்பு-வச்ச குறி தப்பவில்லை(ஓரளவிற்கு).

பூ-மாலை

2010-12-20T23:01:00.002+05:30

என்னைப் பார்க்க வரும்

எல்லோரும் கைகளில்

பூக்களையே கொண்டு வருகிறார்கள்!

என் முன்னே

சாவகாசமாக அமர்ந்து

என்னுடன் பேசிக்கொண்டே

பூ தொடுக்க ஆரம்பிக்கிறார்கள்!

அழகிய பூக்களெல்லாம்

மாலையாகத் தொடங்கு முன்பே

இறக்கத் தொடங்கி விடுகிறேன் நான்!

ஈசன்-திரை விமர்சனம்

2010-12-18T17:30:00.003+05:30

தன்னுடைய அக்காவின் வாழ்வை சீரழித்தவர்களை, தம்பி 'சிவனாக' மாறி பழிவாங்கும் 'புதுமையான' கதைதான் சசிகுமார் இயக்கத்தில் வெளிவந்திருக்கும் 'ஈசன்' படத்தின் கதை.

முதல் பாகம் முழுவதும் அரசியல்வாதியான அழகப்பனின் அட்டூழியங்களும்,அவரின் பையன் வைபவ் அவருடைய நண்பர்களுடன் அடிக்கும் கொட்டங்களும்,அவருக்கும் பிஸினெஸ் மேக்னட்(விஜய் மல்லையா(?)) ஒருவரின் பெண்ணிற்கும் நடக்கும் காதலை நாடகப் பாணியிலும், இரண்டாவது பாதியில் போலிஸான சமுத்திரக்கனி எவ்வாறு 'தொலைந்து போன' வைபவ்வைத் தேடிக் கண்டுபிடிக்கிறார் என்பதையும், அபினயாவின் கிராமத்து வாழ்க்கையையும் கொஞ்சம் விறு விறுப்பாக சொல்ல முயற்சித்து தோற்றிருக்கிறார் சசிக்குமார்.

படத்தின் பெரிய பலவீனமே படத்தில் நடித்திருக்கும் ஒவ்வொரு மெயின் கேரக்டர்களின் வாழ்க்கையையும், மிகவும் விலாவரியாகச் சொல்லியிருப்பது.வைபவ் பார்ட்டிகளுக்கு நண்பர்களுடன் செல்கிறார் என்பதற்கே மூன்று பாடல்கள்(இதுதான் இயக்குனர் அனுராக் காஷ்யப் 'தேவ்‍டியில், சசிக்குமாரைப் பாதித்த விதமா)என்றால் என்ன சொல்வது?.இதற்கு நடுவில் அரசியல்வாதிக்கும்,பிஸினஸ்மேனிற்கும் நடுவில் நடக்கும் ஈகோ வேறு.பின்பாதியில் அபினயாவின் கிராமத்துக் காட்சிகளும்,அவருடைய அப்பாவான மலையாள இயக்குனர் பிளெஸ்ஸிக்கு வரும் சாமி அருள் என்று அதைப் பற்றியெல்லாம் விரிவாக எழுதினால், இந்தப் பதிவும் படம் போன்றே, படிப்பவர்களை சோர்வடையச் செய்யும்.அதிலும் படம் முடிந்தது என்று நினைக்கையில் வரும் வன்முறைக் காட்சிகள் 'வெந்த புண்ணில் வேல்'

படத்தின் ஒரே ஆறுதல் 'கண்ணில் அன்பை சொல்வாளே' பாடலும்,அப்பாடல் படமாக்கப்பட்ட விதமும்தான்.அபினயாவின் தம்பியாக நடித்திருக்கும் பையனின் நடிப்பும் நன்றாக இருக்கிறது.1980 களில் நடப்பது போன்ற கதையானாலும் 'சுப்ரமணியபுரம்' மாடர்னாக எடுக்கப்பட்டிருந்தது. மாடர்ன் உலகத்தைப் பற்றிப் பேச முயற்சிக்கும் 'ஈசன்' ,1980 களில் வெளிவந்த படம் போன்று இருக்கிறது.

இந்தப் படம் பார்க்க வருவதற்கு முன்பு 'சுப்ரமணியபுரம்' படத்தை மறந்துட்டு தியேட்டருக்குள் வாங்க என்று தன்னுடைய பேட்டியில் சசிகுமார் சொல்லியிருந்தார். ஆனால் இந்தப்படத்தைப் பார்த்துவிட்டு உடனே மறந்துவிடுவது நமக்கு நல்லது.

ஈசன்‍- ஈ.ஈ.ஈ

விரலைப் பிரிந்த நகம்

2010-12-15T23:16:00.004+05:30

ஏகாந்த இரவு
சுகமான தென்றல் காற்று
மார்கழி மாதப் பனி
புதிதாய் வாங்கிய புத்தக மணம்
இளையராஜாவின் இனிமையான இசை
மனதைத் தூண்டும் பெண்களின் பேச்சு
நண்பர்களின் உற்சாக அரவணைப்பு
மேலதிகாரியின் பாராட்டுப் பத்திரம்
உற்றார்களின் உண்மையான அன்பு
இவை எல்லாவற்றையும்
ஒரே நொடியில் ம‌றக்கச் செய்து விடுகிறது
நீ எனைப் பிரிந்த தருணம்

Top 10 Songs-December

2010-12-14T23:45:00.000+05:30

1) அய்யய்யோ-‍‍ஆடுகளம்-‍‍இசை:G.V.பிரகாஷ்குமார்

2) நெஞ்சில் நெஞ்சில்-‍‍எங்கேயும் காதல்-‍‍இசை:ஹாரிஸ் ஜெயராஜ்

3) யாரது யாரது-‍‍காவலன்-‍‍இசை:வித்யாசாகர்

4) என் நெஞ்சு-‍‍உத்தமபுத்திரன்-‍இசை:விஜய் ஆண்ட‌னி

5) மேகம் வந்து போகும்-‍‍ மந்திரப்புன்னகை-‍‍இசை:வித்யாசாகர்

6) திக்கி திக்கி‍‍‍-‍‍நகரம்-‍‍இசை:தரன்

7) நீல வானம்-‍‍மன்மதன் அம்பு-‍‍இசை: தேவி ஸ்ரீ பிரசாத்

8) சின்ன சின்ன காட்டுலே-‍‍தென்மேற்கு பருவக்காற்றே-‍‍இசை: NR.ரகுநாதன்

9) பூவே பூவே‍‍ -‍‍சிங்கம்புலி-‍‍இசை:மணிசர்மா

10) கண்ணில் அன்பை-‍‍ஈசன்-‍‍இசை:ஜேம்ஸ் வசந்தன்

ரத்த சரித்திரம்-திரை விமர்சனம்

2010-12-07T22:31:00.003+05:30

இரு இளைஞர்களின் வாழ்வில் அரசியல் உள்ளே நுழையும்போது அவர்களின் வாழ்வு எப்படி சின்னா பின்னமாகிறது என்பதுதான் ராம் கோபால் வர்மாவின் இயக்கத்தில் சூர்யா,விவேக் ஓபராய் நடிப்பில் வெளிவந்திருக்கும் 'ரத்த சரித்திரம்' படத்தின் கதை.

கோட்டா சீனிவாச ராவின் சூழ்ச்சியால் தன் அப்பாவை இழக்க நேரிடும் விவேக் ஓபராய், ரவுடியாகவும் பின்னர் அரசியல்வாதியாகவும் மாற நேரிடுகிறது.அவரால் தன் குடும்பத்தை இழக்க நேரிடும் சூர்யா,விவேக் ஓபராயை எப்படி பழிவாங்குகிறார் என்பதை ராம்கோபால் வர்மா,ரத்தமும் சதையுமாக கொடுத்திருக்கிறார்.

குறைந்தபட்சம் இரண்டு கொலைகளாவது பண்ணியிருக்கும் ரவுடிகளுக்குக் கூட,படத்தில் வன்முறை கொஞ்சம் அதிகம் இருப்பது போல் தோன்றும்.முதல் முறையாக நெகட்டிவ் கேரக்டரில் நடித்திருக்கும் சூர்யா நன்றாகவே நடித்திருந்ந்தாலும்,ஒரு வேளை விக்ரம் நடித்திருந்தால் இன்னும் நன்றாகவே இருந்திருக்குமோ என்று தோன்றுகிறது.பிரியாமணியை விட,ராதிகா ஆப்டேவிற்குத்தான்(பொண்ணு அவ்வளவு அழகு!) நடிப்பில் ஸ்கோர் பண்ணுவதற்கு வாய்ப்பு அதிகம்.

படத்தின் பெரிய பலமே சூர்யா,விவேக் ஓபராயின் நடிப்பும்,படத்தில் வரும் வசனங்களும்தான். கோட்டா சீனிவாச ராவ் இறந்தவுடன் அவர் வீட்டு நாய் குரைப்பது, சூர்யாவிற்கு பின்னால் பிரியாமணி நிற்பது போலவும், ஆனால் அவர் முன்னாடி பார்த்து பேசுவதும்,கடைசியில் சூர்யாவின் பின்னால் தெரியும் பிரியாமணியின் பிம்பம் கண்ணாடியிலிருந்து தெரிவது போன்ற காட்சி அமைப்பு ஆகட்டும், விவேக் ஓபராய் சூர்யாவிடம் என்னைக் கொல்றதுக்கு கனவு கண்டுட்டே இரு என்பதும் அதற்கு சூர்யா அவரிடம் 'முடிஞ்சா நீ தூங்கு' என்பதும் ராம் கோபால் வர்மா டச். அதே போல் படத்தில் சூர்யா பேசும் வசனங்களெல்லாம் அருமை. "நான் சாகப் பயப்படலை;ஆனால் அவன் சாகுறதுக்கு முன்னாடி செத்துடுவனோன்னு பயமா இருக்கு", "யாருக்காகவெல்லாம் அவனைப் பழிவாங்கக் கூடாதுன்னு நினைச்சனோ அவங்க எல்லோரையும் கொன்னுட்டான்", "பாடிகார்டோட வேலை உயிரோட இருக்கிறவனுக்குப் பாதுகாப்பு கொடுப்பது,செத்தவனுக்காக உயிரைக் கொடுப்பதில்லை" என்று வசனகர்த்தாவின் பேனா நன்றாகவே வேலை செய்திருக்கிறது.

ஒவ்வொரு காட்சியையும் பரபரப்பாகவும்,அதே நேரத்தில் மெதுவாகவும் நகர்த்திச் செல்லும் ராம்கோபால் வர்மாவின் யுக்தி,இந்தப் படத்திற்குப் பெரிதும் உதவவில்லை என்றே தோன்றுகிறது.ஆரம்பத்தில் விறு விறுப்பாக செல்லும் படம்,அதன் பின் நம் பொறுமையைச் சோதிக்கிறது.கடைசியில் பத்து வருடங்களுக்கு முன் வெளிவந்த டப்பிங் படத்தைப் பார்க்கும் உணர்வுதான் மேலோங்கி நிற்கிறது.

ரத்த சரித்திரம்-வெறும் ரத்தம் மட்டும்தான்

மைனா-திரை விமர்சனம்

2010-11-30T21:14:00.003+05:30

ஒரு மலை கிராமத்தில் வசிக்கும் சுருளிக்கும்,மைனாவிற்கும் இடையேயான சிறு வயது நட்பு,அவர்கள் வளர்ந்த பிறகு காதலாக மாறுகிறது.அவர்களுடைய அந்த அந்நியோன்யமான காதல் கடைசியில் என்னவாகிறது என்பதுதான் பிரபு சாலமன் இயக்கத்தில் 'மைனா' படத்தின் கதை.

சுருளி,மைனா இவர்கள் இருவருக்குமிடையேயான காதல் அவ்வளவு அழகாகப் படமாக்கப்பட்டிருக்கிறது.சுருளிக்கு மைனா மேல் இருககும் காதல் பெரிதா அல்லது மைனாவிற்கு சுருளி மேல் இருக்கும் காதல் பெரிதா என்று பட்டிமன்றமே வைக்கலாம்.மைனாவாக நடித்திருக்கும் அமலாபாலின் கண்களைப் போன்று பவர்ஃபுல்லான கண்களை உடைய எந்த நடிகையையும் சமீபத்தில் பார்த்தாக ஞாபகத்தில் இல்லை(கடைசியாக 'இவன்' படத்தில் சௌந்தர்யாவின் கண்கள்).அவருடைய அந்த அழகான பெரிய விழிகனுள்ளே,சுருளியுடன் சேர்ந்து நாமும் உள்ளே விழுந்து விடுகிறோம்.சுருளி,மைனாவாக நடித்திருக்கும் விதார்த்தும்,அமலாபாலும் பொருத்தமான தேர்வுகள்.

மைனா பரிட்சைக்குப் படிக்கையில்,சுருள் சைக்கிள் டைனமோ மூலம் வெளிச்சம் கொண்டு வருவதும்,மின் மினிப் பூச்சிகளைப் பாட்டிலில் அடைத்து வெளிச்சம் உருவாக்குவதும் கவிதையான காட்சிகள்.வெள்ளந்தியாக இருக்கும் சுருளியால் காப்பற்றப்படும் போலிஸ்காரர்கள் அவருக்கு நன்றி சொல்லும் இடம் நெகிழ்ச்சி.தீபாவளி போன்ற பண்டிகை நாட்களிலும்,கைதிகளைத் தேடி அலைந்து கொண்டிருக்கும் போலிஸ்காரர்களின் சிரமங்களையும் அழகாகக் காட்சிப்படுத்தியிருக்கிறார் இயக்குனர்.

தம்பி ராமையாவின் காமெடி படத்தின் இறுக்கத்தைக் குறைப்பதில் பெரிதும் உறுதுணை யாய் இருக்கிறது.சுருளியும்,தம்பி ராமையாவும் எச்சில் படாமல் பீடி புகைப்பதும்,சுருளியும் மைனாவும் போலிஸ்காரராக இருக்கும் தம்பி ராமையாவிற்கு கணக்கு நன்றாக வருகிறது,அவரையே நாம் ஆரம்பிக்கப்போகும் கடைக்கு கணக்குப் பிள்ளையாக வைத்துக் கொள்ளலாம் என்று கலாய்ப்பதும் புன்னகை புரிய வைக்கும் இடங்கள்.காமெடிக் கதாபாத்திரத்தில் நடித்திருந்தாலும் உடனடியாக வில்லத்தனத்தை தன் முகத்தில் கொண்டு வருவதிலும் வெற்றி பெற்றிருக்கிறார் தம்பி ராமையா.தேனியிலிருந்து மூணாறு செல்லும் அழகான,ஆபத்தான பாதையை அழகாகப் படம் பிடித்திருக்கிறது காமெரா.இமானின் பாடல்களும்,பின்னணி இசையும் நன்றாக இருக்கின்றன.

படத்தின் இடைவேளைக்குப் பிறகு,மலை கிராமத்திலிருந்து தேனிக்கு வரும் காட்சிகள் கொஞ்சம் இழுவை.சின்ன சின்ன குறைகள் இருந்தாலும் "ஒரு மனிதன் மரணத்தின் விளிம்பு வரை செல்கையில்,அவனுக்குள்ளிருக்கும் கோபம்,வெறி,வன்முறை போன்ற கெட்ட குணங்களெல்லாம் மறைவது போல்,அவனுக்கு நெருக்கமான ஒருவரின் மரணத்தில் இந்த கெட்ட குணங்களெல்லாம் வெளிப்பட்டு விடுகின்றன" என்பதை உணர்த்துவதில் வெற்றி பெற்றிருக்கிறார் படத்தின் இயக்குனர் பிரபு சாலமன்.

மைனா-படத்தின் தலைப்பே போலவே படமும்.

பிருந்தாவனம்-திரை விமர்சனம்(தெலுங்கு)

2010-10-20T09:29:00.002+05:30

கார்த்திக்,கௌசல்யா நடிப்பில்,செல்வா இயக்கத்தில் சில வருடங்களுக்கு முன் வந்த 'பூவேலி' படத்தை, அதிகமான மசாலா தூவி இயக்குனர் வம்சி தெலுங்கில் கொடுத்திருக்கும் படம்தான் 'பிருந்தாவனம்'.

சமந்தாவைக் காதலித்துக் கொண்டிருக்கும் ஜூனியர் என்.டி.ஆருக்கு,ஒரு சந்தர்ப்பத்தில் காஜலின் காதலனாக நடிக்க நேரிடுகிறது.ஆரம்பத்தில் ஜூனியர் என்.டி.ஆரை வெறுக்கும் காஜல் குடும்பத்தினர் படிப்படியாக ஜூனியர் என்.டி.ஆர் மேல் அன்பு பாராட்ட ஆரம்பிக்கின்றனர்.ஜூனியர் என்.டி.ஆருக்கு காஜல் மேல் காதல் வரும் நேரத்தில்,சமந்தாவும் காஜலின் குடும்பத்திற்குள் நுழைகிறார்.அதன் பின் என்ன நடக்கிறது என்பதுதான் பிருந்தாவனம் படத்தின் கதை.

கார்த்திக் வேடத்தில் ஜூனியர் என்.டி.ஆரை நினைத்துப் பார்ப்பதற்கே கொடுமையாக இருந்தாலும்,சில காட்சிகளில் அவருடைய துள்ளலான நடிப்பும்,டான்ஸும் நன்றாக இருக்கின்றன.படத்தில் கஜோலின் வீடாகக் காட்டப்படும் செட்டிங்ஸும் அந்த கிராமமும் அவ்வளவு அழகாக இருக்கின்றன.இடைவேளைக்குப் பிறகு பிரமானந்தமும்,வேணுவும் அடிக்கும் காமெடிகள் அதகளம்.படத்தில் வரும் 'சில' சென்டிமென்ட் காட்சிகள் நன்றாகப் படமாக்கப்பட்டிருக்கின்றன.

அழகான பெண்ணின் இரு கன்னங்களில் எந்த கன்னத்தில் முத்தமிடுவது என்று நாம் தடுமாறுவது போல்,காஜலும்,சமந்தாவும் வரும் காட்சிகளில் யாரைப் பார்த்துக் கொண்டிருப்பது என்று தெரியவில்லை.இவர்கள் இருவரும் வரும் காட்சிகளிலெல்லாம் காமராமேனுக்கு லைட்டிங் வைத்திருக்க வேண்டிய அவசியமே இருந்திருக்காது.சமந்தாவை விட காஜலுக்குத்தான் ஸ்கோப் அதிகம்.அவருடைய சோகமான முகமும் அவருடைய வேடத்திற்கு நன்றாகவே பொருந்துகிறது.சோட்டா கே.நாயுடுவின் ஒளிப்பதிவுஅட்டகாசம்.தமனின் இசையும் பரவாயில்லை ரகம்.

அழகான காதல் கதையை அதிகமான மசாலா தூவி இந்த அளவிற்கு சிதைத்திருக்க வேண்டாம்.பூவேலியில் ஹீரா,கார்த்திக்கை ஆரம்பத்தில் காதலிக்காமல் இருப்பதால்,கார்த்திக்கிற்கு கௌசல்யா மேல் காதல் வருவது இயல்பாக இருந்தது. சமந்தாவும் ஜூனியர் என்.டி.ஆரும் ஏற்கெனவே காதலித்துக் கொண்டிருக்கையில்,ஜூனியர் என்.டி.ஆருக்கு காரணமேயில்லாமல் காஜல் மேலும் காதல் வருவது கிடைத்த வாய்ப்பை மிஸ் பண்ணிடக்கூடாது என்று அவர் கங்கனம் கட்டிக் கொண்டிருந்தது போல்தான் தெரிகிறது.

பிருந்தாவனம்-'கொஞ்சம்' ரணம்.

எந்திரன் ஸ்பெஷல்(5) - ‍எந்திரன் திரை விமர்சனம்

2010-10-02T20:22:00.004+05:30

இரும்பிலே செய்யப்பட்ட 'ரோபோ'விற்கு மனிதனுக்கு இருப்பது போன்று உணர்ச்சிகளைப் புகுத்துகையில்,மற்ற எல்லா உணர்ச்சிகளையும் எளிதில் சமாளித்துவிடும் ரோபோ,மனிதர்களைப் போலவே காதலை சமாளிக்க முடியாமல் எவ்வாறு தடம் பிறழ்கிறது என்பதுதான் ரஜினி,ஐஸ்வர்யாராய் நடிப்பில்,ரகுமான் இசையமைப்பில்,ஷங்கர் இயக்கி வெளிவந்திருக்கும் 'எந்திரன்' படத்தின் கதை.

விஞ்ஞானத்தின் மூலமாக நல்ல விசயங்களைப் பண்ண முடியும் என்பதைப் படத்தின் முதல் பாதியிலும்,கெட்ட விசயங்களையும் செய்ய முடியும் என்பதைப் படத்தின் இரண்டாம் பாதியிலும் மிக அழகாகக் காட்சிப்படுத்தியிருக்கிறார்கள்.ரஜினி படங்களில் பொதுவாக வரும் நம்ப முடியாத சண்டைக் காட்சிகளை,இதில் ரோபாவாய் இருக்கும் ரஜினி பண்ணுவ‌தாகக் காட்டியிருப்பதில் ஷங்கரின் புத்திசாலித்தனம் தெரிகிறது.பொதுவாக ஷங்கரின் படங்களில் அவரின் கதாநாயகர்கள் ஒன்றுக்கும் மேற்பட்ட கெட்டப்புகளில் வருவது போல்,இதிலும் ரஜினி மூன்று வேடங்களில்(விஞ்ஞானி,நல்ல ரோபோ,கெட்ட ரோபோ) வந்து கலக்குகிறார்.ரஜினியின் உழைப்பைப் பார்க்கும்போது அவருக்கு 61 வயதாகிறது என்பதை நம்புவதற்கு மிகவும் கடினமாக உள்ளது.குறிப்பாக ரோபாவாக வரும் ரஜினியின் உடலசைவுகள் க‌லக்கல்.

படத்தின் இரண்டாம் பாதியில் கெட்ட ரோபோ செய்யும் அட்டகாசகங்கள் சில இடங்களில்'ஆளவந்தானை' ஞாபகப்படுத்தினாலும்,இந்திய சினிமாவிலும் பணம் செலவழித்து ஹாலிவுட் தரத்தைக் கொண்டு வர முடியும் என நிரூபித்திருக்கிறார்கள்.அதேபோல் ரோபோ அட்டூழியம் செய்வதாக வரும் காட்சிகளில்,டைரக்டரின் கிரியேட்டிவிட்டிக்கும்,டெக்னிக்கல் டீமிற்கும் ஒரு சபாஷ்.கெட்ட ரோபாவாக வரும் ரஜினி,மூன்று முகம் அலெக்ஸ்பாண்டியனைக் ஞாபகப்படுத்தினாலும்,முப்பது வயதில் தான் பண்ணியதை,தன்னுடைய அறுபது வயதிலும் பண்ண முடியும் என்பதை ரஜினி நிரூபித்திருக்கிறார்.விஞ்ஞானியாக வரும் ரஜினியைப் பார்க்கும்போது மட்டும் பாவமாக இருக்கிறது.

ஷங்கரின் இயக்கம் பல இடங்களில் பளிச்.ஆயுத பூஜையில் மற்ற ஆயுதங்களோடு ரோபோ ரஜினியையும் உட்கார வைப்பது,நல்ல ரோபோ மனித உணர்ச்சி வந்தவுடன்,தன்னால் இறந்து போன பெண்ணின் சமாதியில் சென்று மலர் வைப்பது,ரோபோ ரஜினி பிரசவம் செய்யும் காட்சி என்று படம் முழுவதும் தன் ஆளுமையைக் காட்டியிருக்கிறார்."கணிப்பொறியையும் காதலிக்க வைக்கும் கன்னிப் பொறி நீ","கல்யாணம் பண்ணிக்கிட்டு நீங்கள் மெஷினையும்,நான் தனிமையையும் கட்டிக்கிட்டு அழனுமா?"அட்ரஸ் கேட்கும் நபரிடம் ரஜினி தன் ஐ.பி அட்ரஸ் சொல்வது,கடவுள் இருக்கிறாரா இல்லையா என்பதற்கு ரோபோ கொடுக்கும் பதில் என்று பல இடங்களில் படத்தின் வசனங்களில் மறைந்த 'சுஜாதா' பளிச்சிடுகிறார்.ரத்ன வேலுவின் கேமராவும்,சாபு சிரிலின்(ப‌ட‌த்தின் ஒரு காட்சியில் வ‌ருகிறார்) செட்டிங்ஸும் ந‌ன்றாக‌ இருக்கின்றன.

ரோபாவாக வரும் ரஜினி எப்படி நடிக்க வேண்டும் என்று இயக்குனர் சொன்னதை,ஐஸ்வர்யாராய் தன்னிடம்தான் சொல்கிறார் என்று தப்பாக நினைத்துவிட்டார் போல்.ரஜினியைத் தவிர படத்தில் வரும் வேறு நடிகர்கள் யாவரும் மனதில் நிற்கவில்லை.ரகுமானின் பின்னணி இசை பல இடங்களில் நன்றாகவும்,சில இடங்களில் ஓவர் டோஸாகவும் தெரிகிறது.கலாபவன் மணி வரும் காட்சிக்கு கத்திரி போட்டிருக்கலாம்.இரண்டாம் பாதியில் வரும் சில கிராஃபிக்ஸ் காட்சிகளுக்கு இன்னும் கொஞ்சம் மெனக்கிட்டிருந்திருக்கலாம்.

'அவதார்' திரைப்படம் டெக்னாலஜியில் உலக சினிமாவின் உச்சம் என்று சொன்னால்,எந்திரனை இந்திய சினிமாவின் உச்சம் என்று தாராளமாக சொல்லலாம்.

எந்திர‌ன்-மன‌தை ம‌ய‌க்கும் ம‌ந்திர‌ன்.

எந்திரன் ஸ்பெஷல்(4)-ர‌ஜினிகாந்த்

2010-10-01T01:09:00.004+05:30

தமிழ் நாட்டின் சூப்பர் ஸ்டாரய் கோலோச்சிக் கொண்டு இருக்கும் ரஜினி,தென் இந்தியாவின் சூப்பர் ஸ்டாராய் மாறி,இப்போது இந்தியிலும் பல வருடங்களுக்குப் பிறகு தன்னுடைய 'எந்திரன்' படம் மூலமாக நுழைகிறார்.

எனக்கு சின்ன வயதில் மிகவும் பிடித்த நடிகரென்றால் அது ரஜினிதான்(இப்போது கமல்).அப்போதெல்லாம் ரஜினி படங்கள் பார்த்தால் வீட்டிற்கு நடந்து கூட வரத் தோன்றாது.தியேட்டரிலிருந்து வீட்டிற்கு ஓடித்தான் வரத் தோன்றும்.ரஜினியின் ஆக் ஷன் படங்கள் பார்த்துவிட்டு எனக்குள் ரத்த ஓட்டம் அதிகமாகி,புதுவித உற்சாகமும் உத்வேகமும் கிடைக்கும்.சின்ன வயதில் பார்த்த படங்களில் நான் போட்ட சவால்,கழுகு,மாவீரன்,நல்லவனுக்கு நல்லவன்,படிக்காதவன் போன்ற படங்களெல்லாம் மிகவும் பிடித்திருந்தன.அதன்பின்னர் வந்த குரு சிஷ்யன்,தர்மதுரை,மன்னன்,தளபதி படங்கள் வரை ரஜினி படங்களைப் பார்ப்பது போன்ற மனதுக்கு நிறைவான ஒரு விசயம் அந்த காலகட்டத்தில் வேறு எதுவும் இல்லை.

நான் பார்த்த ரஜினியின் படங்கள் 'கம்பம்' சக்திபாலா,'தேனி' கிருஷ்ணா,'மதுரை' குரு,'சென்னை' ஆல்பர்ட் முதற்கொண்டு எங்கு பார்த்தாலும் ரசிகர்களின் உற்சாகம் ஒரே மாதிரிதான் இருந்திருக்கின்ற‌து.ரஜினியின் ரசிகர்களுக்கு அவருடைய படங்களைப் பார்பதை விட சந்தோஷத்தைத் தரக் கூடிய வேறு விசயங்கள் மிகவும் குறைவுதான்.நான் இப்போது வரை ரஜினியிடம் ஆச்சரியப்பட்டுக் கொண்டிருக்கும் ஒரே விசயம் அவரால் எப்படி மக்களின் மனதை எளிதாகப் புரிந்து கொண்டு அவர்கள் விரும்பும்படி தன்னுடைய படங்களைத் தொடர்ந்து கொடுத்துக் கொண்டிருக்க முடிகின்றது என்பதுதான்.பாட்ஷாவிற்கு பிறகு படையப்பா தவிர்த்து வேறு எந்த ரஜினியின் படங்களும் எனக்குப் பிடிக்கவில்லையென்றாலும்,அவர் கடந்த 17 வருடங்களில் கொடுத்த ஃபிளாப் படங்கள் மிகவும் குறைவு.தன்னுடைய ரசிகர்களுக்கும்,பெரும்பாலான மக்களுக்கும் எந்த மாதிரியான படங்கள் பிடிக்கும் என்று சரியாகத் தெரிந்துகொண்டு,அதுபோன்ற‌ படங்களில் நடிப்பது சாதரணமான விசயம் கிடையாது.பாபா படத்தைக் கூட ரஜினி தேர்ந்தெடுத்ததற்கு காரணம்,அந்தப் படம் வெளிவருவதற்கு சில மாதங்களுக்கு முன் வெளிவந்து வெற்றி பெற்ற 'தாலி காத்த காளியம்மன்' போன்ற படங்களோ என்று தோன்றுகிறது.(சாமி படங்களுக்கு மார்க்கெட் வந்து விட்டது என்று நினைத்து பாபா போன்ற படத்தில் நடித்தாரோ என்னவோ).

அதேபோல் பாபா படத்தின் தோல்விக்குப் பிறகு,படத்தில் தனக்குப் பெரிய மெயின் ரோல் இல்லையென்றாலும்,மக்களுக்கு பிடிக்கும் என்று நினைத்து எடுத்த சந்திரமுகி,மறுபடியும் மக்களின் ரசனையை சரியாகப் புரிந்து கொண்டவர் ரஜினி என்பதைக் காட்டியது.எந்த மாதிரி படங்களில் இனிமேல் நடிப்பது என்று ரஜினி திணறிக் கொண்டிருந்த காலகட்டத்தில் அவருக்குக் கிடைத்த சரியான இயக்குனர்தான் ஷங்கர்.இன்றைய‌ கால‌க‌ட்டத்தில் ஷ‌ங்க‌ர் போன்று ம‌க்க‌ளுக்குப் பிடித்தாற்போல் ப‌ட‌ங்க‌ள் இய‌க்கும் இய‌க்குன‌ர்க‌ள் மிக‌வும் குறைவு.ர‌ஜினிக்கு,ஷ‌ங்க‌ர் போன்ற‌ ஒரு இய‌க்குன‌ர் தேவைப்ப‌ட்டார்.ஷ‌ங்க‌ருக்கும்,ர‌ஜினியைப் போன்ற‌ ஒரு பெரிய‌ ந‌டிக‌ர் தேவைப்ப‌ட்டார்.இந்த‌ இரு பெரும் ச‌க்திக‌ளும் சேர்ந்த‌தால்தான் கலாநிதிமாற‌னால் '150' கோடிக்கும் அதிக‌மான‌ ப‌ட்ஜெட்டில் ஒரு ப‌ட‌த்தைத் த‌யாரிக்க‌ முடிந்திருக்கின்ற‌து.

ர‌ஜினியிடம் அவ‌ரின் எளிமை,அட‌க்க‌ம்,ப‌ந்தா ப‌ண்ணாம‌ல் இருப்ப‌து,பிடித்திருந்தால் ம‌ற்ற‌வ‌ர்களை உட‌ன‌டியாக‌ப் பாராட்டுவ‌து,க‌ஷ்ட‌த்தில் இருக்கும் தயாரிப்பாளர்க‌ளுக்கு ப‌ட‌ம் ப‌ண்ணிக் கொடுப்ப‌து என்று ப‌ல‌ விச‌ய‌ங்க‌ள் பிடித்திருந்தாலும் அவ‌ரிட‌ம் பிடிக்காத‌ ஒரே விச‌ய‌ம் த‌ன்னுடைய‌ ப‌ட‌ம் ந‌ன்றாக‌ ஓட‌ வேண்டுமென்ப‌த‌ற்காக, த‌ன் ப‌ட‌ம் வெளிவ‌ரும் நேர‌ங்க‌ளில் எல்லாம் தேவையில்லாம‌ல் பேசி மாட்டிக்கொள்வ‌து.முன்பு த‌ன்னுடைய‌ ப‌டங்க‌ளில் அர‌சிய‌ல் ச‌ம்ப‌ந்த‌ப்ப‌ட்ட‌ வ‌ச‌ன‌ங்க‌ளைப் பேசி தன்னுடைய படங்களின் மேல் எதிர்பார்ப்பை உண்டு ப‌ண்ணிக் கொண்டிருந்தார்.அப்புற‌ம் அவ‌ர் அர‌சிய‌லுக்கு வ‌ர‌வே மாட்டார் என்று தெரிந்து விட்ட‌ இன்றைய‌ நிலையிலும் கூட, ஒரு ப‌ர‌ப‌ர‌ப்பிற்காக‌ எந்திர‌ன் ஆடியோ கேசட் ரிலீஸ் ஃப‌ங்ச‌னில் ஷ‌ங்க‌ர்,க‌லாநிதிமாற‌ன்,ர‌குமான் போன்ற‌வ‌ர்களின் கூட்ட‌ணியில் வெளிவ‌ரும் எந்திர‌ன் ப‌ட‌த்தை மன‌தில் வைத்துக் கொண்டு "இந்த‌ மாதிரி ஒரு கூட்ட‌ணி கிடைத்தால் 234 தொகுதிக‌ளிலும் நிற்க‌லாம்' என்று பேசுவ‌தெல்லாம் ர‌ஜினியின் சுய‌ந‌ல‌த்தைத்தான் காட்டுகிற‌து.

த‌மிழ் சினிமாவில் ம‌ட்டும‌ல்ல‌ தென் இந்திய சினிமாவிலேயே த‌விர்க்க‌ முடியாத‌ ச‌க்தியாக‌ விளங்கும் ர‌ஜினி,த‌மிழ் ப‌ட‌ங்க‌ளுக்கான‌ மார்க்கெட்டை உல‌க‌ அளவில் ப‌ர‌ப்பிய‌தில் முக்கிய‌மான‌வ‌ர்.இன்று ர‌ஜினியின் ப‌ட‌ங்க‌ள் இந்தியாவில் உள்ள‌ அத்த‌னை முக்கிய‌மான‌ ந‌க‌ர‌ங்க‌ளிலும் த‌மிழிலேயே ரிலிஸாகிக் கொண்டிருக்கின்ற‌ன‌.இந்தியாவில் உள்ள வேறு எந்த‌ ந‌டிக‌ர்க‌ளையும் விட‌ ர‌ஜினியின் ப‌ட‌ங்க‌ளுக்கு இருக்கும் வெற்றி வாய்ப்பு மிக‌வும் அதிக‌ம்.இனிமேல் எந்திர‌ன் போன்ற ஒரு ப‌ட‌த்தில் தற்போது 61 வ‌ய‌தாகும் ர‌ஜினி நடிப்ப‌து இயலாத‌ காரிய‌ம் என்றே தோன்றுகிற‌து.அதேபோல் ர‌ஜினியும் த‌ன‌க்குக் கிடைத்த‌ இந்த‌ வாய்ப்பை முழுமையாக‌ப் ப‌ய‌ன்ப‌டுத்திக் கொண்டிருக்கிறார் என்று நம்புகிறேன்.ரோபோ போல் வ‌ரும் ர‌ஜினியையும்,வில்ல‌னாக‌ வ‌ரும் ர‌ஜினியையும் பார்க்கையில்,ர‌ஜினி த‌ன்னுடைய‌ ர‌சிக‌ர்க‌ளுக்கு ம‌ட்டும‌ல்லாது அனைத்து த‌ர‌ப்ப‌ட்ட‌ ம‌க்க‌ளுக்கும் ஒரு பெரிய‌ விருந்தை எந்திர‌னில் குடுப்பார் என்ற‌ ந‌ம்பிக்கையில், எந்திர‌ன் திரைப்ப‌ட‌ம் மாபெரும் வெற்றி பெற‌ வாழ்த்துக‌ள்.

எந்திரன் ஸ்பெஷல்(3)-‍ஷ‌ங்க‌ர்

2010-09-30T23:15:00.003+05:30

ஷங்கர் இயக்கத்தில் அவரின் பத்தாவது படமாக‌ 'எந்திரன்' நாளை வெளிவருகிறது.ஷங்கரைப் பொறுத்தவரை அவர் பெரும் பொருட்செலவில் தன்னுடைய படங்களை எடுத்து வந்தாலும்,அவர் தமிழில் எடுத்த அனைத்து படங்களும் தொடர்ந்து வெற்றி பெற்றே வருவதால் அவரை நம்பி எவ்வளவு பணம் வேண்டுமானாலும் செலவழிப்பதற்கு தயாரிப்பாளர்கள் தயாராக இருக்கிறார்கள் என்பதற்கு உதாரணம்தான் '150' கோடிக்கும் மேற்பட்ட செலவில் வெளிவரும் 'எந்திரன்'.

ஷங்கருக்கு முன்னாடியே பிரமாண்டமான படங்களை இயக்கிய இயக்குனர்கள் பலர் தமிழில் இருந்தாலும்,அவரளவிற்கு தன்னுடைய படங்களில் டெக்னாலஜியைப் புகுத்திய இயக்குனர்கள் மிகவும் குறைவு.தன்னுடைய முதல் படமான 'ஜென்டில்மேன்' தொடங்கி அவர் பண்ணிக் கொண்டிருக்கும் டெக்னிக்கலான சில விசயங்கள்,பெரும் மார்க்கெட்டைக் கொண்டிருக்கும் இந்திப்படங்களில் கூட பொதுவாக வருவதில்லை.தன்னுடைய ஒவ்வொரு படத்திலும் டெக்னிக்கலாகப் புது புது விசயங்களை அறிமுகப்படுத்தும் ஷங்கர்,இப்போதும் வேறு எந்த இந்திய மொழிகளிலும் முயற்சிக்காத பல விசயங்களை தன்னுடைய 'எந்திரன்' படம் மூலமாகக் கொண்டு வருகிறார்.
‌
தென்னிந்தியாவில் உள்ள மற்ற இயக்குனர்களுக்கெல்லாம் இல்லாத ஒரு பெருமை ஷங்கருக்கு உண்டு.அவர் தமிழ் தவிர்த்து வேறு எந்த தென்னிந்திய மொழிகளிலும் இதுவரை படங்கள் இயக்கியதில்லை.தெலுங்கில் படம் பண்ணச் சொல்லி எத்தனையோ தெலுங்குப்பட தயாரிப்பாளர்கள் வற்புறுத்தியும் ஏனோ இதுவரை மறுத்தே வந்திருக்கிறார்.ஆனாலும்,எந்த ஹீரோவைக் கொண்டு ஷங்கர் படங்கள் வெளிவந்தாலும் தமிழ்,ஆந்திரா,கேரளம்,கர்நாடம் என்று அனைத்து மாநிலங்களிலும் அவர் படங்களுக்குப் பெரிய வரவேற்பு இருக்கிறது.இதே போன்ற வரவேற்பு மணிரத்னம் படங்களுக்கும் இருக்கிறது என்றாலும் அவர் தெலுங்கு,கன்னடம்,மலையாளம் போன்ற மொழிகளில் தலா ஒரு படமாவது இயக்கியுள்ளார்.அதேபோன்று சிவாஜி படத்திலிருந்தே ஷங்கரின் படங்களுக்கு இந்தியிலும் மார்க்கெட் உருவாகி வருவது ஒரு நல்ல விசயம்.இந்த மாதிரி வரவேற்பு இருந்தால் மட்டுமே ஒரு இயக்குனரால் மிகப் பெரும் பொருட் செலவில் தன்னுடைய படங்களை எடுக்க முடியும்.இந்த மாதிரி ஒரு நிலையை அடைவது எளிதான விசயமும் அல்ல.எல்லா மொழிகளிலும் தன்னுடைய படங்களுக்கான மார்க்கெட் வர வேண்டுமென்பதற்காகத்தான் ராம் கோபால் வர்மா, மோகன்லாலை தன்னுடைய படங்களில் நடிக்க வைப்பதன் மூலம் கேரளாவிலும்,கன்னட நடிகர் சுதீப்பை தன்னுடைய இந்திப் படங்களில் ஹீரோவாகப் போடுவதன் மூலம் கர்நாடகாவிலும்,இப்போது தன்னுடைய படத்தில் சூர்யாவை நடிக்க வைப்பதன் மூலமாக தமிழிலும் ஒரு இடத்தைப் பிடிப்பதற்காக மிகவும் சிரமப்பட்டுக் கொண்டிருக்கிறார்.கவுதம் வாசுதேவமேனன் கூட தெலுங்கு ரசிகர்களிடம் வரவேற்பைப் பெறுவதற்காக இரண்டு தெலுங்கு படங்கள் வரை இயக்கிவிட்டார்.ஆனால் ஷங்கர் தான் எடுக்கும் தமிழ் படங்களின் மூலமாகவே,அப்ப‌டங்க‌ளின் பிர‌மாண்ட‌த்தினாலும்,ப‌ட‌த்தின் க‌தைக்க‌ரு அனைத்து‌ த‌ர‌ப்ப‌ட்ட‌ ம‌க்க‌ளுக்கும் பொதுவாக‌ இருப்ப‌து போல் பார்த்துக்கொள்வதாலும்,அவ‌ருடைய‌ ப‌டங்க‌ள் ம‌ற்ற‌ மொழிக‌ளில் 'ட‌ப்' செய்ய‌ப்ப‌ட்டே ந‌ல்ல‌ இலாப‌த்தைக் கொடுத்துக் கொண்டிருக்கின்ற‌ன.

ஷ‌ங்க‌ர் ப‌ட‌த்தின் ஹீரோக்க‌ள் பெரும்பாலும் இர‌ட்டை வேட‌ங்க‌ளிலோ அல்ல‌து குறைந்த‌ப‌ட்ச‌ம் இர‌ண்டு வித‌ கெட்ட‌ப்புக‌ளிலாவ‌துதான் அவ‌ர் இயக்கிய‌ ப‌ட‌ங்க‌ளில் வ‌ந்திருக்கிறார்க‌ள்(காத‌ல‌ன்,பாய்ஸ் த‌விர்த்து).த‌ன்னுடைய‌ ப‌ட‌ங்க‌ளில் இந்தியாவில் சிறந்து விளங்கும் டெக்னீஷிய‌ன்க‌ளைத்தான் பய‌ன்ப‌டுத்தி வ‌ந்திருக்கிறார்.ர‌ஜினி ஒரு முறை ஷ‌ங்க‌ர் ப‌ற்றிக் குறிப்பிட்ட‌துதான் ஞாப‌க‌த்திற்கு வ‌ருகிற‌து."ஷங்க‌ர் ஒவ்வொரு துறைக‌ளிலும் சிற‌ந்த‌ ஆட்களாகத் த‌ன் ப‌க்க‌த்தில் வைத்துக் கொண்டிருப்ப‌தால்தான் அவரால் தொட‌ர்ந்து வெற்றி பெற‌ முடிகிற‌து".

ஷ‌ங்க‌ர் இய‌க்கிய‌ ப‌ட‌ங்க‌ளிலேயே எனக்குப் பிடிக்காத‌ ப‌ட‌மென்றால் அது சிவாஜிதான்.சிவாஜிப் படத்தை படம் வந்த இரண்டாவது நாளே பார்த்தாலும் கூட,இடைவேளை வ‌ரை அந்த‌ப் ப‌ட‌த்தை பார்த்தது மிக‌க் கொடுமையாக‌ இருந்தது.ஏதோ இடைவேளைக்குப் பிறகு படம் 'கொஞ்ச‌ம்' பரவாயில்லாம‌ல் இருந்த‌தாலும்,ர‌ஜினி ந‌டித்திருந்ததாலுமே அந்த‌ப் ப‌ட‌ம் வெற்றி பெற்றது என்று நினைக்கிறேன்.அதுவும் ர‌ஜினி போன்ற ஒரு ந‌டிக‌ரை வைத்து ஷங்க‌ர் அப்ப‌டி ஒரு 'மொக்கைப்' ப‌டம் கொடுத்த‌து கொஞ்ச‌ம் அதிர்ச்சிதான்.

க‌ம‌ல்,ஷாருக்கான் ந‌டிப்ப‌தாக‌ இருந்து இப்போது ர‌ஜினியை வைத்து ஷ‌ங்க‌ர் 'எந்திர‌ன்' ப‌டத்தை இய‌க்கியிருக்கிறார்.பொதுவாக ஷங்கர் தன்னுடைய ஒவ்வொரு படங்களுக்கும் மிகுந்த இடைவெளி விடுவார்.ஆனால் சிவாஜி முடித்த கையோடு எந்திரன் படத்தை உடனடியாக ஆரம்பித்தது ஆச்சரியம்தான்.ஷங்க‌ருக்கும் இந்த‌ப்ப‌ட‌ம் க‌ன‌வுப் ப‌ட‌மாக‌ இருப்ப‌தால் சிவாஜி ப‌ட‌த்தில் அவர் ப‌ண்ணிய‌ த‌வறையெல்லாம் நிவ‌ர்த்தி ப‌ண்ணி,இந்த‌ப் ப‌ட‌த்தை மிக‌வும் ந‌ல்ல‌ வித‌மாக‌க் கொடுத்திருப்பார் என்று நம்புகிறேன்.இந்தப் படத்தைத் தவற விட்டதை நினைத்து ஷாருக்கான் கண்டிப்பாக வருத்தப்படுவார் என்றும் தோன்றுகிறது.'எந்திர‌ன்' ப‌டமும் மிக‌வும் ந‌ன்றாக‌ வ‌ந்திருக்கும் என்றே தோன்றுகிற‌து(ப‌ட்சி வேற‌ அப்ப‌டித்தான் சொல்லுகிறது)

எந்திரன் ஸ்பெஷல்(2)-‍ஏ ஆர் ர‌குமான்

2010-09-30T20:40:00.002+05:30

இந்தியாவின் இப்போதைய இசையுலக சூப்பர் ஸ்டார் என்றால் அது கண்டிப்பாக ஏ ஆர் ரகுமான் தான். 1992 ஆம் ஆண்டு 'ரோஜா' படத்தின் மூலமாகத் தமிழ் சினிமாவிற்குள் நுழைந்த ரகுமானுக்கு, அவருடைய முதல் படமே இந்தியிலும் 'டப்' செய்யப்பட்டு வெற்றி பெற்றதால்,ஒரே படத்தின் மூலமாகவே இந்தியா முழுமைக்கும் பிரபலமாகிவிட்டார்.

ரோஜாவில் ஆரம்பித்த ரகுமானின் பயணம் தெலுங்கு,இந்தி,ஆங்கிலம் என்று இன்று,உலகின் ஒவ்வொரு மூலையிலும் பயணப்பட்டுக் கொண்டிருப்பதற்கு காரணம் அவருடைய கடுமையான உழைப்பும்,கிடைத்த வாய்ப்புகளை எல்லாம் சரியாகப் பயன்படுத்திக் கொண்டதாகத்தான் இருக்க முடியும். அதுவும் தமிழில் இளையராஜா போன்ற பெரிய ஆளுமைக்கு நடுவில் ரகுமான் அடைந்திருக்கும் உயரம் சாதரணமானது அல்ல.தென் இந்தியாவில் இருந்த மக்களை எல்லாம் இளையராஜா(என்னுடைய ஆல் டைம் ஃபேவரைட்)தமிழ் பாடல்களைக் கேட்க வைத்தாரென்றால்,ரகுமான் வட இந்திய மக்களுக்கும் தமிழ் பாடல்களின் மீதான ஆர்வத்தை உண்டு பண்ணினார்.

ரகுமானுக்கு அவரின் ஆரம்பக் காலத்தில் இருந்தே அவருடன் பணிபுரிந்து வரும் மணிரத்னம்,பாலசந்தர்,பாரதிராஜா,ஷங்கர்,கதிர் போன்ற இயக்குனர்கள்,அவரின் பாடல்கள் மிகக் குறுகிய காலத்திலேயே மிகப் பெரிய உயரத்தை அடைவதற்கு உதவியாக இருந்தார்கள்.தமிழ் சினிமாவில் பிரபுதேவாவின் வருகைக்குப் பிறகு ரகுமானின் ஆர்ப்பாட்ட இசைக்கு நன்றாக நடனம் ஆடுவதற்கு ஆட்களும் கிடைக்கத் தொடங்கி விட்டார்கள்.ர‌குமானின் வெற்றிக்கு ம‌ற்றொரு முக்கிய‌ கார‌ணம் அவ‌ருடைய‌ தொழில் நுட்ப‌ அறிவும்,ந‌ல்ல‌ குவாலிட்டியுட‌ன் த‌ன்னுடைய‌ பாட‌ல்க‌ளைக் கொடுக்க‌ ஆர‌ம்பித்ததும்தான்.அதுவும் அவ‌ருடைய‌ ப‌ட‌ப் பாடல்க‌ளை 'சோனி' நிறுவ‌ன‌ம் வாங்க‌த் தொட‌ங்கிய‌ பிறகு அவ‌ருடைய‌ பாட‌ல்க‌ள் கேச‌ட்க‌ளில் கேட்கும்போதும் கூடுதல் த‌ர‌த்துட‌ன் இருந்த‌ன‌.

ர‌குமான் ப‌ட‌ப் பாட‌ல்க‌ள் வ‌ரும்போது,அந்தப்படத்தின் நடிகர்,இயக்குனர் போன்றோரைப் பற்றியெல்லாம் கவலையே படாமல்,அவருடைய இசை ரசிகர்களெல்லாம்,அப்போதைய(இப்போதும்) கால‌க‌ட்ட‌த்தில் அவ‌ருக்காக‌ ம‌ட்டுமே கேச‌ட்டுக‌ள் வாங்கிக் கொண்டிருந்த‌ன‌ர்.அத‌னால்தான் பொதுவாக‌ ர‌குமான் ப‌ட‌ப் பாட‌ல்க‌ளை கேச‌ட்டுக‌ளில் ப‌திவு செய்வ‌தைத் த‌விர்த்து,ஒரிஜின‌ல் கேச‌ட்டையே விலைக்கு வாங்குவ‌தற்குக் கார‌ணம்,ப‌ட‌த்தின் எல்லாப் பாட‌ல்க‌ளுமே ந‌ன்றாக‌ இருந்த‌துதான்.
ர‌ங்கீலா பட‌த்திலிருந்து ரகுமான் இந்தியிலேயே அதிக‌மான‌ பட‌ங்க‌ள் ப‌ண்ண ஆர‌ம்பித்து விட்ட‌தால்,த‌மிழ் இசை ர‌சிக‌ர்க‌ளுக்கு கொஞ்ச‌ம் இழப்புதான்.முன்பாவ‌து,விக்ர‌ம‌ன்,அர்ஜீன்,ஜோதி கிருஷ்ணா போன்ற‌ இய‌க்குன‌ர்க‌ளின் ப‌ட‌ங்க‌ளுக்கு இசைய‌மைத்த‌ ர‌குமான்,இப்போது பெரிய‌ இய‌க்குன‌ர்க‌ள்,ந‌டிக‌ர்க‌ளின் ப‌ட‌ங்க‌ளுக்கு ம‌ட்டுமே இசையமைக்க ஆரம்பித்து விட்டார்.த‌மிழில் முத‌ல் ப‌ட‌ம் இயக்கும் இய‌க்குன‌ர்க‌ளுக்கு ர‌குமான் இன்று எட்டாக்க‌னிதான்.ர‌குமானுக்கு போன‌ வ‌ருட‌ம் அவ‌ரின் கேரிய‌ரின் உச்ச‌ம் என்று சொல்ல‌லாம்.இர‌ண்டு ஆஸ்கார் அவார்டுக‌ள் வாங்கிய‌து ம‌ட்டும‌ல்லாம‌ல்,சென்ற வ‌ருட‌ம் அவ‌ர் இந்தியில் இசைய‌மைத்த‌ க‌ஜினி,டெல்லி 6 போன்ற‌ ப‌ட‌த்தின் பாட‌ல்க‌ளெல்லாம் அவ‌ரை உச்ச‌த்தில் நிறுத்தி‌ன‌.

ஷ‌ங்க‌ர்,ர‌ஜினி,ர‌குமான் காம்பினேஷ‌னில் வ‌ரும் இர‌ண்டாவ‌து ப‌ட‌ம் 'எந்திர‌ன்'.உண்மையைச் சொல்ல‌ வேண்டுமானால் சிவாஜி ப‌ட‌ப் பாட‌ல்க‌ள் அளவிற்கு கூட‌ எந்திர‌ன் பாட‌ல்க‌ள் இல்லைதான்-ஒருவேளை ப‌டம் பார்த்தபிற‌கு பாட‌ல்க‌ள் இன்னும் பிடிக்க‌ ஆர‌ம்பிக்க‌லாம்.இப்போதெல்லாம் ரகுமான் பாடல்கள் மீது சில‌ வ‌ருட‌ங்க‌ளுக்கு முன்பு இருந்த‌துபோல் பெரிதாக‌ ஈர்ப்பு இல்லை.அத‌ற்கு கார‌ணம் அவ‌ருடைய‌ பாட‌ல்க‌ளின் த‌ர‌ம் குறைந்துவிட்ட‌தா இல்லை என்னுடைய‌ ர‌ச‌னை மாறி விட்டதாவென‌த் தெரிய‌வில்லை.

இன்றும் ர‌குமானின் பாட‌ல்க‌ள்,பெரும்பாலான இரவு நேர‌த் தூக்க‌த்திற்கு உத்திர‌வாத‌ம் அளித்துக் கொண்டிருக்கின்ற‌ன.பொதுவாக‌ ர‌குமானின் பெரும்பாலான‌ பாட‌ல்க‌ள் எனக்குப் பிடிக்குமென்றாலும்,எனக்கு மிக‌வும் பிடித்த‌ ர‌குமானின் ப‌த்து பாட‌ல்க‌ளைக் கீழே கொடுத்துள்ளேன்.

1) ச‌ந்தோஷக் க‌ண்ணீரே-உயிரே
2) கண்ணாளனே-ப‌ம்பாய்
3) மார்கழிப் பூவே-மேமாத‌ம்
4) புது வெள்ளை ம‌ழை-ரோஜா
5) அஞ்ச‌லி அஞ்ச‌லி-டூய‌ட்
6) க‌ரிச‌ல் த‌ரிசில்-தாஜ்ம‌ஹால்
7) க‌ண்ணும் க‌ண்ணும்-திருடா திருடா
8) காடு பொட்ட‌க் காடு-க‌ருத்த‌ம்மா
9) சிநேகித‌னே-அலைபாயுதே
10) உதயா உதயா-உதயா

எந்திரன் ஸ்பெஷல்(1)-சன் பிக்சர்ஸ்

2010-09-29T00:49:00.003+05:30

இந்தியாவிலேயே முதன் முறையாக‌ 150 கோடிக்கும் அதிகமான பொருட்செலவில் எடுக்கப்படும் 'எந்திரன்' படத்தின் தயாரிப்பாளர் என்னும் பெயரை தன்னுடைய சன் பிக்சர்ஸின் மூலமாக‌, சன் டிவி உரிமையாளர் கலாநிதி மாறன் இப்போது பெறுகிறார்.

இந்தியாவின் உச்ச நட்சத்திரங்களாக திகழும் ரஜினிகாந்த்,ஐஸ்வர்யாராய் நடிப்பில்,ஷங்கரின் இயக்கத்தில்,ஏ ஆர் ரகுமானின் இசையமைப்பில்,இந்தியாவின் மிகப் பெரிய டெக்னீஷியன்களைக் கொண்டு இரண்டு ஆண்டுகளுக்கும் மேலாக எடுக்கப்பட்ட எந்திரன் திரைப்படம் இந்த வாரம் உலகம் முழுவதும் ரிலீஸாகின்றது.

கலைஞர் குடும்பத்தினருடன் சில வருடங்களுக்கு முன் ஏற்பட்ட பிரச்சனையின் காரணமாக,கலாநிதி மாறன் 2008 ஆம் ஆண்டு சன் பிக்சர்ஸை ஆரம்பித்தார். இதுவரை மற்ற தயாரிப்பாளர்களிடமிருந்தே படங்களை விலைக்கு வாங்கி, சன் பிக்சர்ஸ் தன்னுடைய பெயரில் வெளியிட்டு வந்திருக்கின்றது. காதலில் விழுந்தேன் படத்தில் ஆரம்பித்து தெனாவெட்டு,தீ,படிக்காதவன்,மாசிலாமணி என்று மொக்கைப் படங்களை மட்டுமே இப்போது வரை வெளியிட்டும் வந்து உள்ளது.தங்களிடம் உள்ள சேட்டிலைட் டிவிக்களின் உதவி கொண்டு எவ்வளவு மோசமான படத்தையும் வெற்றி பெறச் செய்து விடலாம் என்ற நினைப்பை, சன் பிக்சர்ஸிடம் இருந்து கடைசியாக வெளிவந்த சில படங்கள் பொய்யாக்கியிருக்கின்றன.அதேபோல் சன்டிவி மேல் இருக்கும் நம்பிக்கையும் 'தில்லாலங்கடி' போன்ற படங்களை 'இப்போது வரை' நம்பர் 1(?) இடத்தில் வைத்திருப்பதால் அதன் மேல் உள்ள நம்பிக்கையும் மக்களிடம் கொஞ்சம் கொஞ்சமாக இழந்து கொண்டிருக்கின்றது.நாளையே இவர்கள் ஒரு நல்ல படம் எடுத்து,அந்தப் படத்திற்கு நம்பர் 1 இடம் கொடுத்தால் கூட மக்களுக்கு அந்தப்படம் மேல் நம்பிக்கை வருமாவென்று தெரியவில்லை.

சினிமாவில் உள்ள மற்ற எந்த தயாரிப்பாளருக்கும் இல்லாத வசதியாக சன் பிக்சர்ஸிற்கு,சன் குரூப் டிவி சேனல்கள்,தினகரன் பத்திரிக்கை,குங்குமம் வார இதழ் என்று விளம்பரப்படுத்துவதற்கு அவர்களுடைய பல ஊடகங்கள் துணை நிற்கின்றன.இவ்வளவு தூரம் பணம்,ஊடகங்கள் என்று வசதிகள் பல இருந்தாலும் சன் பிக்சர்ஸிடமிருந்து இதுவரை வந்திருக்கும் படங்கள் எதுவும் நம்பிக்கை அளிப்பது போல் இல்லை என்பதுதான் உண்மை. மொசர் பியர் நிறுவனத்தினடிமிருந்து வந்திருக்கும் படங்கள் அல்லது பிரகாஷ்ராஜின் டூயட் மூவிஸிடமிருந்து வந்திருக்கும் படங்கள் அல்லது குறைந்த பட்சம் ஷங்கரின் 'S' பிக்சரிஸிடமிருந்து வந்திருக்கும் படங்கள் போல், ஒரு படம் கூட சன் பிக்சர்ஸிடமிருந்து இதுவரை வந்த‌தில்லை.கலைஞர் குடும்பத்திலிருந்து படமெடுத்துக் கொண்டிருக்கும் தயாநிதி அழகிரி,உதயநிதி ஸ்டாலின் கூட நம்பிக்கை அளித்துக் கொண்டிருக்கிறார்கள்.

தமிழில் பெரும்பாலான நல்ல படங்கள் மக்களிடம் சரியாக விளம்பரப்படுத்தப்படாததினாலேயே ஃபிளாப் ஆகியிருக்கின்றன. ஒருவேளை சன் பிக்சர்ஸ் மட்டும் நல்ல படங்களை எடுக்க ஆரம்பித்தால்,அவர்களால் அவர்களுடைய ஊடகங்களின் துணைகொண்டு மக்களிடம் அத்தகைய நல்ல படங்களை எளிதாகக் கொண்டு செல்ல முடியும். ஒரு நல்ல மாற்றத்தை தமிழ் சினிமாவிற்குள்ளும் கொண்டு வர முடியும். இனிமேலாவது இவர்கள் நல்ல படங்களைக் கொடுப்பார்களா என்பதுதான் தமிழ் சினிமா ரசிகர்களின் எதிர்பார்ப்பாக இருக்க முடியும்.

இந்தியாவிலேயே பெரிய‌ சினிமா இன்ட‌ஸ்ட்ரி என்றால் இந்தி,அத‌ற்க‌ப்புற‌ம் தெலுங்கு,மூன்றாவ‌த‌க‌த்தான் த‌மிழ். இருந்தாலும், இந்தியாவிலேயே அதிக‌மான‌ பொருட் செல‌வில் எந்திர‌னைத் தமிழில் த‌யாரிப்ப‌த‌ற்கான கார‌ண‌ம் ர‌ஜினிக்கு இருக்கும் மார்க்கெட்தான்‌.தென்னிந்தியாவிலேயே அதிகமான‌ பொருட்செல‌வில் த‌மிழ் ந‌டிக‌ர்க‌ளைக் கொண்டு ம‌ட்டுமே இப்போதைய‌ கால‌ க‌ட்ட‌த்தில் ப‌ட‌ம் எடுக்க‌ முடியும்.ர‌ஜினியும்,க‌ம‌லும் த‌மிழ் சினிமாவின் சூப்ப‌ர் ஸ்டார்க‌ள் ம‌ட்டும‌ல்ல‌. இவ‌ர்களுக்கு தென்னிந்தியா முழுமைக்கும் ந‌ல்ல‌ மார்க்கெட் உள்ள‌து. ஆர‌ம்ப‌ கால‌க் க‌ட்ட‌ங்க‌ளில் அனைத்து மொழிக‌ளிலும் ப‌ட‌ங்க‌ள் ப‌ண்ணிய‌தால் க‌ம‌லுக்கும், க‌ட‌ந்த‌ சில‌ வ‌ருட‌ங்க‌ளாகவே ர‌ஜினியின் ட‌ப்பிங் ப‌ட‌ங்க‌ள் ஆந்திராவில் ச‌க்கைப் போடு போடுவ‌தால் ரஜினிக்கும்,இவ‌ர்க‌ளை ந‌ம்பிப் பெரிதாக‌ முதலீடு போட்டால் தயாரிப்பாளர்களுக்கு கொழுத்த இலாபம்.ரஜினி படம் வெளிவருகையில்,ஆந்திராவின் முன்னணி நடிகர்கள் கூட அவர்களுடைய படங்களைத் தள்ளிப் போடுகிறார்கள் என்றால் பார்த்துக் கொள்ளுங்கள்.ஆந்திராவின் சூப்ப‌ர் ஸ்டார்களாக‌ இருக்கும் சிர‌ஞ்சிவிக்கோ, நாக‌ர்ஜீனாவிற்கோ,மகேஷ் பாபு போன்றவர்களுக்கோ த‌மிழில் பெரிதாக‌ மார்க்கெட் இருப்ப‌தில்லை. அவ‌ர்களின் ப‌ட‌ங்க‌ள் சென்னையின் சில‌ தியேட்ட‌ர்க‌ள் ம‌ற்றும் ஒசூரில் வெளியாவ‌தோடு ச‌ரி. ஆனால் ரஜினி,கமலின் படங்கள் தமிழ்நாடு,கேரளா,ஆந்திரா மற்றும் கர்நாடகா போன்ற மாநிலங்களில் இன்றும் மிகப் பெரிய‌ ஓப்பனிங்கைக் கொண்டிருக்கின்றன.இவர்களைப் பின்பற்றித்தான் விக்ர‌மும்,சூர்யாவும் தெலுங்கிலும் கால் ப‌தித்து,இன்று இந்தியிலும் த‌ங்க‌ளுடைய‌ வேர்க‌ளைப் ப‌ர‌வவிட‌ ஆர‌ம்பித்துவிட்டார்க‌ள். உண்மையில் சொல்ல‌ வேண்டுமானால் விஜய்,அஜித்தை விட‌ விக்ர‌ம்,சூர்யாவிற்குத்தான் மொத்தமாக மார்க்கெட் வேல்யூ அதிக‌ம். அதனால்தான் என்ன‌வோ இப்போது அஜித் ம‌ங்காத்தா தெலுங்கு பதிப்பிலும்,விஜ‌ய் 3 இடிய‌ட்ஸ் தெலுங்கு ப‌திப்பிலும் ந‌டிக்க‌ முய‌ற்சித்துக் கொண்டிருக்கிறார்க‌ள்.

எந்திர‌ன் போன்ற‌ ப‌ட‌ங்க‌ள் வெற்றி பெறுவ‌து த‌மிழ் சினிமாவிற்குத்தான் மிக‌வும் ந‌ல்ல‌து.இத‌ற்க‌ப்புற‌ம் கம‌லின் க‌ன‌வு ப‌ட‌ங்க‌ளான‌ ம‌ர்ம‌ யோகி,ம‌ருத‌ நாய‌க‌ம் போன்ற ப‌ட‌ங்க‌ள் வெளிவ‌ருவ‌த‌ற்கான‌ வாய்ப்புக‌ள் அதிகம் உள்ளது.நாளைக்கே ச‌ன் பிக்ச‌ர்ஸ் இதே போன்ற பெரிய‌ ப‌ட்ஜெட் ப‌ட‌ங்க‌ளை விக்ர‌ம்,சூர்யாவைக் கொண்டும் எடுக்க ஆரம்பிக்க‌லாம்.த‌மிழ் சினிமா எப்ப‌டி தெலுங்கு ப‌ட‌வுல‌கில் இப்போது ப‌ல‌மாக‌ கால‌டி ப‌தித்து நிற்கின்றதோ, அதேபோல் இந்திப் ப‌ட‌வுல‌கிலும் இதுபோன்ற‌ ப‌டங்களின் மூல‌மாக மட்டுமே காலூன்ற‌ முடியும். ரோஜா,பம்பாய் போன்ற‌ ப‌ட‌ங்க‌ளுக்கு அப்புற‌ம் த‌மிழின் நேர‌டிப் ப‌டங்க‌ள் எதுவும் இந்தியில் பெரிதாக‌ வெற்றி பெற்ற‌தில்லை. எந்திர‌ன் த‌மிழில் ம‌ட்டும‌ல்லாது,இந்தியிலும் பெரிதாக‌ வெற்றி பெற‌ வேண்டும். அத‌ன் மூல‌ம் த‌மிழ் சினிமா,தென் இந்தியா ம‌ட்டும‌ல்லாது வ‌ட‌ இந்தியாவிலும் காலூன்ற‌ வேண்டுமென்ப‌துதான் எல்லோருடைய‌ ஆசையாக இருக்க முடியும். அத‌ற்கான‌ அடித்த‌ளத்தை அமைத்துக் கொடுத்திருக்கும், ச‌ன் பிக்ச‌ர்ஸ் இப்போதைய கால கட்டத்தில் பாராட்ட‌ப்ப‌ட‌ வேண்டிய‌வ‌ர்க‌ள்.

ச‌ன் பிக்ச‌ர்ஸ் த‌மிழில் க‌தை அம்ச‌முள்ள ப‌ட‌ங்க‌ளையும்,நல்ல ம‌சாலாப் ப‌ட‌ங்க‌ளையும் இதற்க‌ப்புற‌மாவ‌து கொடுக்கும் என்ற‌ ந‌ம்பிக்கையில் அவ‌ர்க‌ளுக்கு வாழ்த்துக‌ள்.

பிரிய‌சகி-6

2010-09-21T08:12:00.002+05:30

பவ‌ர் க‌ட்டான‌
ஒரு அமாவாசை இருட்டில்
நீ சிரிக்க‌த் தொட‌ங்கினாய்
திசை மாறிய பறவைகளெல்லாம்
கூட்டை நோக்கிப் ப‌ற‌க்க‌த் தொட‌ங்கின‌.

நல்ல கவிதையின்
ஒவ்வொரு வரிகளும்
அழகாய் இருப்ப‌து போல்
அழகாய் இருக்கும் உன்னில்
ஒவ்வொன்றும் அழகு.

ஆயிர‌க்க‌ணக்கில் ந‌ட்ச‌த்திர‌ங்க‌ள்
இருந்தாலும் என‌க்கான
விடிவெள்ளியாய்
நீ ம‌ட்டுமே தெரிகிறாய்.

அடிக்கிற‌ கைதான் அணைக்குமாம்
ஒரு அடி அடித்துவிட்டு
அணைத்துக் கொள்ளேன் என்றால்
த‌லையில் கொட்டி விட்டு
தேய்த்து விடுகிறாய்.

சந்திரகிரகணத்தை
நான் நேரில் பார்த்தது
நீ தாவணியை
சரி செய்யும் போதுதான்.

கொமரம் புலி-திரை விமர்சனம்(தெலுங்கு)

2010-09-11T16:34:00.002+05:30

எஸ்.ஜே.சூர்யா இயக்கத்தில்,ஏ.ஆர் ரகுமான் இசையில்,பவன் கல்யாண் நடிப்பில் வெளி வந்திருக்கும் தெலுங்கு படம் 'கொமரம் புலி'.

இந்தப் படத்தில் கதை முதற்கொண்டு எதுவுமே கிடையாதுங்க. இருந்தாலும்,கதை என்னன்னு தெரிஞ்சுகிட்டே ஆகனும்னு நினைக்கிறவங்க மட்டும் கீழே இருக்கிறதைப் படிங்க.

பவன் கல்யாண் ஒரு நேர்மையான போலீஸ் அதிகாரி.மக்கள் பிரச்சனையை தீர்க்கனும்கிறதுக்காக,ஒரு ரூபாய் காயின் பூத்திலிருந்து மக்கள் தன்னை நேரடியாக‌ தொடர்பு கொள்வது போல் ஏற்பாடு செய்கிறார்.அதற்கப்புறம் அவர்களின் பிரச்னையைத் தீர்த்துவிட்டு,படம் பார்த்துக் கொண்டிருக்கும் மக்களுக்கு புது பிரச்சனையைக் கொடுத்து,தியேட்டரை விட்டு வெளியே அனுப்புகிறார்.

படம் ஆரம்பத்தவுடனே 1985-ம் ஆண்டு என்று காட்டுகிறார்கள்.அப்போது வரும் காட்சிகளெல்லாம் அந்த ஆண்டில் வெளி வந்த படக் காட்சிகளை விடக் கொடுமையாக இருக்கின்றன.தன் மகனை போலிஸாக்கிப் பார்க்க நினைக்கும் சரண்யா லெஃப்ட்,ரைட் சொல்வதும் அதற்கு ஏற்றாற் போல்,வயிற்றுக்குள் இருக்கும் குழந்தை காலை ஆட்டுவதும் ஒரு பானை சோற்றுக்கு ஒரு சோறு.பவன் கல்யாணுக்கு படம் நன்றாக வரும் என்று பெரிதாக நம்பிக்கை இருந்திருக்கும் போல,உடம்பையெல்லாம் குறைத்து,ஓவர் ஆக்டிங்கோடு நடித்திருக்கிறார்.ஹீரோயினைப் பார்த்து நாம் பரிதாபப்படுவதா இல்லை படம் பார்த்துக் கொண்டிருக்கும் நம்மைப் பார்த்து அவர் பரிதாபப்படுவதா என்று தெரியவில்லை.

படத்தின் ஹீரோ அடிக்கடி பத்து,பதினைந்து நிமிடங்களுக்கு தொடர்ந்து வசனம் பேச ஆரம்பித்து விடுகிறார்.அவர் மூச்சு விடாமல் பேசி முடித்தவுடன்,நமக்கு தண்ணீர் குடிக்க வேண்டுமென்பது போல் இருக்கிறது.அதுவும் வில்லன் மனோஜ் பாஜ்பாய் பொய் சொல்கிறார் என்பதை "நடந்ததை உண்மையிலேயே,யோசித்து சொல்றவங்க மேலே பார்த்து பேசுவாங்க;பொய் சொல்பவர்கள் அக்கம் பக்கத்தில் இருப்பவர்கள் முகத்தைப் பார்த்து பேசுவார்கள்" என்கிறார் பாருங்கள்.சே! எஸ்.ஜே.சூர்யா மேலே பார்த்துட்டே கதை சொன்னதைப் பார்த்து,பவன் ஏமாந்துட்டார் போல.

ஏற்கெனவே கடுப்போடு படம் பார்த்துக்கொண்டிருக்கும் நமக்கு,மனோஜ் பாஜ்பாயின் நடிப்பும்,வசன உச்சரிப்பும்,அதிரடியாக எதிரணி ரன்கள் குவித்துக் கொண்டிருக்கையில்,இஷாந்த் சர்மாவிடம் பாலைக் கொடுத்து பவுலிங் போட சொல்வது போல் உள்ளது.ஷ்ரேயா ஒரு பாடலுக்கு கெஸ்ட் ரோலில் வருகிறார்.

படத்தில் உள்ள ஒரே உருப்படியான விசயம் ரகுமானின் இரண்டு பாடல்களான தோட்சே மற்றும் மாராலன்ட்டே(ஸ்லம்டாக் மில்லியனரில் வந்த Gangstar blues பாடலையே கொஞ்சம் மாற்றி 'தோட்சே' என்று போட்டிருந்தாலும்,ஸ்ரேயே கோஷலின் அழகிய குரலில்,ஸ்ரேயாவின் அழகிய.....இந்தப் பாடல் நம்மைக் கிறங்கடிப்பது உண்மை).

எஸ்.ஜே.சூர்யா முதல் முறையாக முழு நீள ஆக்ஷன் படத்தை இயக்கியிருக்கிறார்.நல்ல வேளைக்கு இந்தப் படத்தை இவர் தமிழில் இயக்கவில்லை.படம்தான் நன்றாக வரவில்லையே,படத்தையாவது இரண்டு அல்லது இரண்டே கால் மணி நேரத்தில் முடித்துத் தொலைத்தால் என்ன?.அட தேவுடா,மூன்று மணி நேர அளவிற்கு நம்மைக் கொடுமைப்படுத்தி வெளியே அனுப்புகிறார்கள்.

கொமரம் புலி-நிஜப் புலிகிட்ட மாட்டியிருந்தால் கூட,இந்த அளவிற்கு கஷ்டம் இருந்திருக்காது!

பாஸ் (எ) பாஸ்கரன்-திரை விமர்சனம்

2010-09-10T20:26:00.004+05:30

சிவா மனசுல சக்தி பட இயக்குனர் 'ராஜேஷ்' இயக்கத்தில் ஆர்யா,சந்தானம்,நயன் தாரா நடிப்பில் வந்திருக்கும் படம் 'பாஸ் (எ) பாஸ்கரன்.

இப்பவும் கூட போரடிக்கிறபோதெல்லாம் நான் பார்க்கிற படம் சிவா மனசுல சக்தி(முதல் பாதி மட்டும்). அதனால் இந்த படம் எப்படி இருக்கும் என்று எதிர்பார்த்து போனேனோ,அதை முழுவதுமாய் நிறைவேற்றியிருக்கிறார் இயக்குனர்.

வேலை வெட்டி எதுவும் இல்லாமல் தன் அரியர் படிப்பை படித்துக்கொண்டிருக்கும் ஆர்யாவின் வாழ்வில் நயன் தாரா வருகிறார். அதன் பின் ஆர்யா எவ்வாறு திருந்தி,முன்னேறி,நயன் தாராவைக் கைப்பிடிக்கிறார் என்பதைக் காமெடியைப் பிழிந்து கொடுத்திருக்கிறார் இயக்குனர் ராஜேஷ்.

பிட்டு கிட்டு அடித்தாவது பாஸாகிவிடு என்று சொல்லும் அம்மா,பிட்டு எடுத்துட்டு போனா மட்டும் பத்தாது;பாஸாகியும் காட்டிடனும் என்று சொல்லும் அண்ணன்,தனக்கு இருக்கும் ஒரே நண்பனுக்காக‌ எதையும்(?) செய்யத் தயாராகவிருக்கும் சந்தானம்,வேலை வெட்டியே இல்லாத காதலன் மேல் நம்பிக்கையோடு காத்திருக்கும் நயன் தாரா, யாரைப் பற்றியும்,எதைப் பற்றியும் கவலைப்படாமல் தன் வழியிலேயே வாழும் ஆர்யா என்று இவர்களை மட்டும் சுற்றி செல்லும் கதையில்,ஒவ்வொரு சீனையும் காமெடியாக மட்டுமே காட்டுவது என்று கங்கனம் கட்டி எடுத்திருப்பார்கள் போல்,படம் முழுவதும் தொடர்ந்து காமெடி சரவெடி.

ஆர்யா முதல் முறையாக முழு நேர காமெடி படத்தில் நடித்திருக்கிறார்.இன்னும் கொஞ்சம் நன்றாகவே பண்ணியிருக்கலாம் என்று தோன்றினாலும்,தன்னால் முடிந்தவரை நன்றாகவே செய்திருக்கிறார்.சந்தானம் ஷகிலாவை கூப்பிட்டு வருவதைப் பார்த்து அவங்களை 'இங்க' ஏண்டா கூப்பிட்டுட்டு வந்த என்பதும்,அண்ணாமலை படத்தைப் பார்த்து விட்டு கனவுலகிலிருந்து திரும்பியவுடன்,எங்கே என் டிரைவர் நல்லதம்பி(சந்தானம்) என்பதும்,"உன் 'எக்ஸ்பீரியன்ஸைப்' பத்தி எனக்குத் தெரியாதா?" என்று சந்தானம் காலை அடிக்கடி வாருவது என்று நன்றாகவே பண்ணியிருக்கிறார்.வீட்டை விட்டு உணர்ச்சிவசப்பட்டு ஆர்யா வெளியேறும் காட்சியிலும்,அவர் கூலிங் கிளாஸை எடுத்துப் போட்டு செல்கையில் நம் அடி வயிறு குலுங்க ஆரம்பிக்கிறது.

ஆர்யாவிற்கு இணையான வேடம் சந்தானத்திற்கு.ஆர்யாவும்,இவரும் அடிக்கடி சேர்ந்து சொல்லும் 'நண்பேன்டா' என்பதாகட்டும்,பிஸினெஸ் சரியாகப் போகாத போதெல்லாம்,குடும்பத்தோடு தெருவில் நிற்பது போல் நினைத்துப் பார்ப்பதாகட்டும்,திட்டுற மூடு இல்லாமலேயே உங்களை எவ்வளவு திட்டியிருக்கிறான் பாருங்கள் என்று நயன் தாரா அப்பா சித்ரா லட்சுமணனிடம் ஆர்யாவைப் பற்றி போட்டுக் கொடுப்பது,அட்வான்ஸ் கேட்கும் இன்ஸ்டிடியூட் வாத்தியாரிடம் "பல்லு விளக்குறதுக்கு முன்னாடியே பாயாசம் வேணுமா?" என்று கிடைத்த வாய்ப்பை சந்தானம் நன்றாகப் பயன்படுத்தியிருக்கிறார்.

நயன் தாரா சிரிக்கும் போது(மட்டும்) அழகாக இருக்கிறார்.படம் முழுவதும் சிரித்துக் கொண்டே இருக்கிறார்.நயனுக்கு இப்போதெல்லாம் நடனம் வேறு நன்றாகவே வருகிறது(ம்..ம்).

ஜீவா படத்தில் கெஸ்ட் ரோலில் வருகிறார். சரக்கு அடிக்கையில் ஊறுகாய் தீர்ந்தவுடன்,தொட்டுக்கொள்வதற்கு சித்ரா லட்சுமணனைப் பக்கத்தில் உட்கார சொல்வது என்று அவரும் தான் வரும் காட்சிகளில் கலகலப்பாக்கிவிட்டு செல்கிறார்.யுவனின் இசையில் 'பாஸு பாஸு' மற்றும் 'யார் இந்த பெண்தான்' பாடலும்,பின்னணி இசையும் நன்றாக இருக்கின்றன.ப‌ட‌த்தில் வ‌ரும் ஒரே ஒரே ச‌ண்டைக்காட்சியையும் காமெடியாக‌ மாற்றியிருப்ப‌தில் இய‌க்குனரின் சாம‌ர்த்திய‌ம் தெரிகிற‌து.இய‌க்குன‌ர் இளைய‌ராஜா ர‌சிகராக இருப்பார் போலும்.ப‌ட‌ம் முழுவ‌தும் ஆங்காங்கே இளைய‌ராஜா பாட‌ல்க‌ள் வ‌ருகின்ற‌ன.

படம் 2:40 நிமிடங்கள் ஓடுவதால்,ப‌டத்தில் சுவாரசியமில்லாமல் வ‌ரும் சில‌ காட்சிக‌ளை இய‌க்குன‌ர் நீக்கியிருந்திருக்கலாம்.அதேபோல் ட‌புள் மீனிங் வ‌ச‌ன‌ங்க‌ளையும் நீக்கியிருந்தால்,ப‌ட‌ம் இன்னும் ந‌ன்றாக‌வே இருந்திருக்கும்.

முழு நீள காமெடிப் ப‌ட‌ம் எடுக்கும் இய‌க்குன‌ர்க‌ளின் எண்ணிக்கை குறைந்து வ‌ரும் இந்நேர‌த்தில்,இய‌க்குன‌ர் ராஜேஷ் ந‌ம்பிக்கை ஊட்டுகிறார்.

பாஸ் என்கிற‌ பாஸ்க‌ர‌ன்-த‌மாஸ்.

Top 10 Songs-August

2010-09-08T23:37:00.001+05:30

1) இரும்பிலே ஒரு இதயம்-எந்திரன்-‍இசை:A.R ரகுமான்

2) யார் இந்த பெண்தான்‍-‍பாஸ் என்கிற பாஸ்கரன்-‍இசை:யுவன் சங்கர் ராஜா

3) தட தட என்று-‍‍கனி மொழி-இசை:சதீஷ் சக்ரவர்த்தி

4) அடி சாரலே-‍சிக்கு புக்கு‌-இசை:கலோனியல் கசின்ஸ் & பிரவீன் மணி

5) ஆத்தாடி ஆத்தாடி-அய்யனார்-‍இசை:தமன்

6) இறகைப் போலே-‍நான் மகான் அல்ல‌-‍இசை:யுவன் சங்கர் ராஜா

7) ஏதேதோ ஏதே ஏதோ-‍ஊலலா-இசை:சேகர் சந்திரா & வி.குமார்

8) பார்வை உந்தன்‍‍-நில் கவனி செல்லாதே-‍இசை:செல்வகணேஷ்

9) ஒரு வானவில்லின்‍-காதல் சொல்ல வந்தேன்-இசை:யுவன் சங்கர் ராஜா

10) இரவினில் உந்தன்-‍‍நீயே என் காதலி-‍இசை:பிரேம் குமார்

க‌மல்ஹாச‌ன்-ஒரு அற்புத‌க் க‌லைஞன்

2010-09-07T09:46:00.003+05:30

இந்தப் பதிவு கண்டிப்பாக நண்பர் கருந்தேள் எழுதிய பதிவிற்கு எதிர் பதிவு கிடையாது. அவருடைய பதிவுகளை,அவர் ஆங்கிலத்தில் எழுதிக் கொண்டிருந்த காலத்திலிருந்தே விரும்பி படித்து வருகிறேன். ஒவ்வொரு விசயத்தின் மீதும் ஒவ்வொருவருக்கும் ஒவ்வொரு விதமான நம்பிக்கை இருக்கும்.இந்தப் பதிவில் கமலை எனக்கு ஏன் பிடித்திருக்கிறது என்பதற்கான‌ காரணங்களை மட்டுமே கூற விரும்புகிறேன்.

கமல் மீது வைக்கப்பட்டிருக்கும் முதல் குற்றச்சாட்டு அவர் ஆங்கிலப்படங்கள் சிலவற்றை காப்பி அடித்து தமிழில் பெயர் வாங்கிக் கொண்டார் என்பது. நாம் முதலில் ஒன்றைப் புரிந்து கொள்ள வேண்டும்.கமல் ஆரம்ப‌த்திலிருந்து இப்போது வரை தன்னை நடிகனாக மட்டுமே முன்னிறுத்துபவர்.அதற்கப்புறம்தான் அவருடைய மற்ற பரிமாணங்கள்.
கமலின் ஆரம்பக் காலத்துப் படங்களைத் தவிர்த்துப் பார்த்தால், ஒரு காலத்தில் அவரும் ரஜினியுடன் போட்டி போட்டுக் கொண்டு மசாலாப் படங்களிலேயே அதிகமாக நடித்துக் கொண்டிருந்தார்.தமிழ் சினிமாவின் மோசமான காலகட்டமது. அதற்கு முன் மகேந்திரன்,பாரதிராஜா,பாலசந்தர் என்று தொடர்ந்து நல்ல இயக்குனர்களையும் நல்ல சினிமாக்களையும் கொடுத்துக் கொண்டிருந்த தமிழ் சினிமா,தொடர்ந்து மசாலா படங்களையே கொடுத்துக் கொண்டிருந்தது. எப்போதாவது அத்திப்பூத்தாற்போல் நல்ல படங்கள் வந்திருக்கலாம்.அந்தக் காலகட்டத்தில் பல புதிய இயக்குனர்கள் தமிழ் சினிமாவிற்குள் நுழைந்து பண்ண வேண்டிய மாற்றத்தை,வேறு வழியில்லாமல் நடிகரான கமல் பண்ண வேண்டியதாயிருந்தது.

வித்தியாசமான வேடங்களில் நடிக்க ஆர்வம் கொண்டிருந்த கமலுக்கு சரியான தீனி கிடைக்கவில்லை.அதனால்தான்,அவரே வித்தியாசமான படங்களைத் தயாரித்து நடிக்க ஆரம்பித்தார்.இருப‌த்தைந்து ஆண்டுக‌ளுக்கு முன் வ‌ந்த‌ சாதா‌ர‌ண காமெடி ப‌ட‌மாகிய‌ 'எல்லாமே இன்ப‌ மைய‌ம்' ப‌ட‌த்தில் க‌ம‌லின் உழைப்பைப் பார்த்தாலே இதைப் புரிந்து கொள்ள‌லாம்.தன்னுடைய 100 வது படமான 'ராஜபார்வை' யைத் தானே தயாரித்து நடித்தார்.கமலினுடைய ஆசையெல்லாம் வெளி நாட்டில் நல்ல கதைகளோடு வரும் படங்களைப் போன்று தமிழிலும் நல்ல படங்கள் வர வேண்டுமென்பதே.இதில் இன்னொரு முக்கியமான ஒன்றை நாம் கவனிக்க வேண்டும்.கமல் ஏதோ வெளி நாட்டுப் படங்களை படங்களை மட்டுமே தமிழுக்கு கொண்டு வந்தார் என்றில்லை. மற்ற மொழிகளில் தனக்குப் பிடித்த படங்களான 'கடமை கண்ணியம் கட்டுப்பாடு', 'சத்யா','உன்னால் முடியும் தம்பி','குருதிப்புனல்' முதற்கொண்டு 'உன்னைப்போல் ஒருவன்' வரை இங்கு கொண்டு வந்திருக்கிறார்.இந்தப் படங்களையெல்லாம் முடிந்த அளவிற்கு நன்றாகவும் கொடுத்திருக்கிறார்.(குருதிப்புனல் பார்த்துவிட்டு அதன் ஒரிஜினல் டைரக்டர் சொன்னது; "ஒரிஜினலை விடவும் நன்றாக எடுத்திருக்கிறீர்கள்" என்பதுதான்.இதில் கமல் ஏன் வெளிநாட்டுப் படங்களை தமிழ் படுத்தும்போது 'கிரெடிட்' கொடுக்கவில்லை என்பது மற்றொரு பிரச்சனை. இந்தியாவில் உள்ள பெரும்பாலான இயக்குனர்கள் வெளி நாட்டுப் படங்களைக் காப்பி அடித்து இங்கு படமெடுத்திருக்கிறார்கள்.அவர்களெல்லோரும் டைட்டில் கார்டில் ஒரிஜினல் படத்திற்கு 'கிரெடிட்' கொடுத்திருப்பது போலவும், கமல் மட்டுமே இதுவரை அதுபோல் செய்யாமல் இருப்பது போலவும் அவரை 'மட்டுமே' குறை சொல்வது ஏனென்று தெரியவில்லை. அப்படி திட்ட வேண்டுமென்றால் எல்லோரையும்தான் திட்ட வேண்டுமே தவிர கமலை மட்டுமே குறிப்பிட்டு திட்டுவது நன்றாக இருக்காது.(இதில் பொதுவாக காப்பி அடிப்பதைப் பற்றி இந்தியர்கள் யாருமே பெரிதாக கவலைப்படுவதில்லை என்பதுதான் உண்மை.நம்மில் எத்தனை பேர் வின்டோஸ் ஒரிஜினல் வெர்ஷனையோ,திருட்டு விசிடியில் படம் பார்க்காமலோ,MP3 பாடல்களைத் தரவிறக்கம் பண்ணாமலோ இருக்கிறோம்).

இன்னும் சொல்லவேண்டுமானால் இப்படி கமல் நடித்த பெரும்பாலான படங்கள் அவருடைய தயாரிப்பிலோ,இயக்கத்திலோ வ‌ந்த‌வை கிடையாது.க‌ம‌ல் என்ன‌வோ அந்த‌ மாதிரி ப‌ட‌ங்களில் ம‌ட்டுமே ந‌டித்து பெய‌ர் வாங்கிய‌து போல் சில‌ர் சொல்வ‌து ஒப்புக் கொள்ள முடியாது.க‌ம‌ல் த‌ன‌க்குக் கதை பிடித்திருக்கும் பட்சத்தில் அந்த ப‌ட‌ங்கள் எந்த‌ மொழியிலிருந்தாலும் த‌ய‌ங்காம‌ல் ந‌டித்து வ‌ந்தார். அத‌னால்தான் புஷ்பக்,கோகிலா(க‌ன்னட‌ம்),ச‌ல‌ங்கை ஒலி,சிப்பிக்குள் முத்து(தெலுங்கு),ஏக் துஜே கேலியே(இந்தி) என்று அவ‌ரால் எல்லா மொழிக‌ளிலும் நல்ல ப‌ட‌ங்க‌ளைக் கொடுக்க முடிந்த‌து. மேலும்,த‌மிழ்,தெலுங்கு,க‌ன்ன‌ட‌ம்,ம‌லையாளம்,இந்தி என்று அனைத்து மொழிக‌ளிலும் நேர‌டிப்ப‌ட‌ங்க‌ளில் ந‌டித்து பல ஹிட் படங்களைக் கொடுத்த இந்திய ந‌டிக‌ர் கமல் ஒருவர்‌‌ ம‌ட்டும்தான் என்பது மறக்க முடியாத உண்மை.

தமிழ் சினிமாவிற்கு கமல் செய்த மிக நல்ல விசயம் என்னவென்றால், வித்தியாசமான படங்களைத் தொடர்ந்து தந்து கொண்டிருந்ததுதான். மற்ற மொழிகளிலெல்லாம் இப்போதிருக்கும் இளம் நடிகர்கள் கொஞ்சம் நன்றாக நடித்தால் கூட தலையில் தூக்கி வைத்து ஆடுவார்கள். இங்கே விக்ரம்,சூர்யா போன்ற நடிகர்கள், நல்ல நடிகர்கள் என்று பெயர் வாங்குவதற்கு மிகக் கடுமையான உழைப்பைக் கொடுக்க வேண்டியதிருக்கிறது.அதற்குக் காரணம், கமல் தமிழ் சினிமாவில் ஏற்கெனவே ஏற்படுத்தி வைத்திருக்கிற Standard தான். உதாரணத்திற்கு சொல்ல வேண்டுமானால் அமிதாப்பின் நடிப்பை 'பா' படத்தில் எல்லா வட இந்தியப் பத்திரிக்கைகளும் புகழ்ந்து எழுதியிருந்தன. இதேபோல் வேறு ஒரு நடிகர் நடித்து,தமிழில் வந்திருந்தால் மக்கள் என்ன சொல்வார்கள்,கமல்தான் இதே மாதிரி ஏற்கெனவே பண்ணியிருக்கிறாரே என்று சாதாரணமாக நினைப்பார்கள்.(அதற்காக நான் அமிதாப்பின் உழைப்பைக் குறை கூறுகிறேன் என்று யாரும் தயவு செய்து நினைக்க வேண்டாம்). அதுதான் கமலின் வெற்றி. அதனால்தான் இங்கே உள்ள நடிகர்கள் மிகுந்த உழைப்பைக் கொடுத்து வித்தியாசமான வேடங்களில் நடித்துப் பேர் வாங்குவதற்கான ஆரம்ப சுழி கமலிடமிருந்தே ஆரம்பமாகியது என்று கூறுகிறேன்(கமலுக்கு இதே போல் ஆதர்சனமாக விளங்கியவர் சிவாஜி கணேசன்).

கமல் காப்பி அடித்த படங்களை எல்லாம் ஒரு உதாரணத்திற்காக தமிழ் சினிமாவிலிருந்து நீக்கி விடுங்கள்.நமக்கு பல நல்ல படங்கள் கிடைத்திருக்காது;அது மட்டும்தான் உண்மை.விஜய் டிவி அவார்ட்ஸ்ஸில் பாலா பேசியதுதான் ஞாபகத்திற்கு வருகிறது. "நான் கடவுள் படம் எடுப்பதற்கு இன்ஸ்பிரேஸனே அன்பே சிவம்' தான் என்றார். ஒரு வேளை கமல் அன்பே சிவம் போல் ஒரு படம் எடுக்காமல் இருந்திருந்தால் 'நான் கடவுள்' போன்ற ஒரு நல்ல படம் நமக்கு கிடைக்காமலே போயிருந்திருக்கும்.இதில் சில வெளிநாட்டுப் படங்களை இன்ஸ்பிரேஸனாக வைத்துக்கொண்டு கமல் எடுத்த படங்களையெல்லாம் அப்பட்டமான காப்பி என்பது ஒத்துக்கொள்ள முடியாதது.அப்படிப்பார்த்தால் பருத்தி வீரனையே,விருமாண்டியின் காப்பி என்று சொல்லி விடலாம்-அது கொஞ்சம் கூட உண்மையில்லை என்றாலும் கூட‌(இரு படங்களும் மதுரை மண் சார்ந்தவை,ஹீரோ ஊதாரித்தனமாகத் திரிவது,காதல் வயப்பட்டவுடன் திருந்தி நல்ல வாழ்க்கை வாழ நினைப்பது,காதலி கற்பழிக்கப்பட்டு இறப்பது).ஆனால் கமல் பருத்திவீரனுக்காக அமீரைப் பாராட்டித் தள்ளினார். கமல் படங்களைப் பார்த்து விட்டு, பல இளம் இயக்குனர்கள் தமிழ் சினிமாவில் உத்வேகமாக படமெடுக்க ஆரம்பித்தார்கள் என்பதுதான் உண்மை.

க‌ம‌ல் வேறு மொழி ப‌ட‌ங்களைக் காப்பி அடித்து த‌மிழில் எடுத்த‌ பெரும்பாலான ப‌ட‌ங்க‌ள் அவ‌ருக்கு தோல்வியை ம‌ட்டுமே கொடுத்திருக்கின்ற‌‌ன‌‌.அவ‌ர் நினைத்திருந்தால் ச‌க‌ல‌க‌லா வ‌ல்ல‌வ‌ன் போன்ற‌ ப‌ட‌ங்க‌ளில் தொட‌ர்ந்து ந‌டித்து காசு ஈட்டியிருக்க முடியும். ஆனால் சினிமாவில் உள்ள காத‌லால்தான் வித்தியாச‌மான ப‌ட‌ங்களைத் தொட‌ர்ந்து கொடுக்க வேண்டுமென்று நினைத்து,அவரால் அதில் ஓரளவிற்கு வெற்றியும் பெற முடிந்திருக்கிறது.ந‌ன்றாக‌ நினைத்துப் பாருங்கள், ஒரு ந‌ல்ல‌ ப‌ட‌த்தை தேர்வு செய்து,க‌ஷ்ட‌ப்ப‌ட்டு அந்த‌ ப‌ட‌த்திற்காக‌ உழைத்து, ப‌ட‌மும் ந‌ன்றாக‌ வந்திருந்து ஃபிளாப் ஆவ‌து போல் கொடுமையான‌ விச‌ய‌ம் வேறு எதுவும் இருக்க‌ முடியாது. ஒரு த‌ட‌வை ஃபிளாப் ஆகிற‌தென்றால் பர‌வாயில்லை. ஆனால் தொட‌ர்ந்து தோல்வியடைந்தாலும்,தன்னுடைய முயற்சியில் சற்றும் தளராத விக்கிர‌மாதித்ய‌ன் போல் இருந்த ந‌டிக‌ர்க‌ள் இந்திய‌ சினிமாவில் மிக மிக‌ குறைவு.

க‌மலை ம‌ற்றொரு விச‌ய‌த்தில் எல்லோரும் குறை கூறும் விச‌ய‌ம் அவ‌ருடைய‌ 'உல‌க‌ நாய‌க‌ன்' ப‌ட்ட‌ம். அப்ப‌டிப் பார்த்தால் த‌மிழில் ப‌ட்ட‌ம் போட்டுக் கொண்டிருக்கும் எல்லா ந‌டிக‌ர்களையும் குறை கூற‌ வேண்டிய‌திருக்கும்.இதில் கமலை மட்டும் குறை கூறுவது ஏனோ?.க‌ம‌லுக்கும், இந்தியாவில் உள்ள‌ ம‌ற்ற‌ ந‌டிக‌ர்க‌ளுக்கும் உள்ள வித்தியாச‌ம் என்ன‌வென்றால்,மற்றவ‌‌ர்க‌ள் ந‌டித்த‌ எந்த‌ வேட‌த்தை வேண்டுமானாலும் க‌ம‌லால் ஓர‌ளவிற்கு ந‌டிக்க‌ முடியும். ஆனால் கம‌ல் ந‌டித்த‌ அனைத்து வேட‌ங்களையும்,இந்தியாவில் வேறு ஏதாவ‌து ஒரே ந‌டிக‌ர் ந‌டிப்ப‌து இயலாத‌ விச‌ய‌ம். ஏனைன்றால் க‌ம‌ல் வெறும‌னே ஒரு ந‌ல்ல‌ ந‌டிக‌ன் ம‌ட்டும‌ல்ல‌,க‌தை,திரைக்க‌தை,வச‌ன‌ம்,இயக்க‌ம்,த‌யாரிப்பு,ந‌ட‌ன‌ம்,பாட‌ல் எழுவ‌து,பாடுவ‌து,ச‌ண்டை காட்சிக‌ளில் ரிஸ்க் எடுத்து ந‌டிப்பது என்று பல விசயங்களையும் பண்ணிக் கொண்டிருப்பவர். உல‌க‌த்திலேயே வேறு ஏதாவ‌து ந‌டிக‌ர் இத்த‌னை திறமைக‌ளோடு இருப்ப‌தாக‌த் தெரிந்தால் பின்னூட்ட‌மிடுங்க‌ள்(டி.ராஜேந்த‌ர் என்று கூறுபவ‌‌ர்க‌ள் சொர்க்க‌த்திற்குப் போக‌க் க‌ட‌வ‌து).வேறு மொழிகளில் இந்த நடிக‌ரின் காமெடி படங்கள் நன்றாக இருக்கும்(அந்த நடிகருக்கு நடனம் வராமல் இருக்கும் என்பது வேறு விசயம்);மற்றொரு நடிக‌ரின் ஆக் ஷன் படங்கள் நன்றாக இருக்கும்; இந்த நடிகரின் நடிப்பு நன்றாக இருக்கும் என்று வேண்டுமானாலும் கூற முடியும்.ஆனால் ஒரே நடிகர் மேலே குறிப்பிட்ட அனைத்து விதமான வேடங்களிலும் தொடர்ந்து பரிணமிப்பதுதான் கமலின் தனித்துவம்.கமல் நடித்த சிறந்த படங்களான "விருமாண்டி,அன்பே சிவம்,ஹேராம்,மகாநதி,தேவர் மகன்,மைக்கேல் மதன காமராஜன்,அபூர்வ சகோதரர்கள்,பேசும் படம்,நாயகன்,மூன்றாம் பிறை,மரோ சரித்ரா,சலங்கை ஒலி,16 வயதினிலே...என்று பல படங்கள் இருக்கையில் சில படங்களை மட்டும் வைத்துக்கொண்டு அவர் காப்பி அடித்து பெரும் புகழையும் இடத்தையும் அடைந்து விட்டார் என்பது ஒத்துக்கொள்ள முடியாதது.அப்படி என்ன பெரிய இடத்தை நாம் அவருக்கு கொடுத்துவிட்டோம்;அவரிடம் இருந்து பிடுங்கிக் கொள்வதற்கு.50 ஆண்டுகளுக்கு மேலாக சினிமாவை மூச்சாகக் கொண்டு பல சிறப்பான படங்களில் நடித்திருந்தாலும்,தமிழ்நாட்டில் கமலுக்கு இப்போதும் இரண்டாவது இடம்தான்.(கமல் 50 ஆண்டு விழாவில் ரஜினியே ஆச்சரியப்பட்டு சொன்னது,"வட இந்திய நடிகர்களெல்லாம் இப்போது வரை ஆச்சரியப்படும் விசயம்,கமல் இருக்கையில் நான் எப்படி நம்பர் 1 என்பதுதான்"-அப்படி பொது மேடையில் ரஜினி சொன்னது,அவரின் பெருந்தன்மை என்பது வேறு விசயம்)

கமல் புது இயக்குனர்களின் படங்களில் நடிப்பதில்லை என்று குறைப்பட்டுக் கொள்கிறார்கள். இப்போதிருக்கும் மற்ற முன்னணி நடிகர்களை ஒப்பிடும்போது கமல் அதிகமான இயக்குனர்களுடன் வேலை செய்திருக்கிறார்.ஷங்கர்,கவுதம் மேனன் போன்றோருக்கு கமலின் படங்கள் அவர்களுடைய மூன்றாவது படம்தான்.சுரேஷ் கிருஷ்ணாவிற்கு வாய்ப்புக் கொடுத்ததில் இருந்து சரண்,சுந்தர்.c,உன்னைப்போல் ஒருவன் இயக்குனர் என்று பல இன்றைய இயக்குனர்களுடன் பணிபுரிந்திருக்கின்றார். மிஷ்கினோடு கூட படம் செய்வதுதாக இருந்தது வேறு விசயம்.கமலுடன் பணியாற்றிய பல இயக்குனர்களுக்கும் அவர்களின் இயக்கத்தில் சிறந்த படமாக இன்றும் சொல்லப்படுவது கமலுடன் அவர்கள் சேர்ந்து பண்ணிய படங்கள்தான்.

க‌ம‌லின் மீது வைக்க‌ப்ப‌டும் மற்றொரு குற்ற‌ச்சாட்டு அவ‌ரின் த‌னிப்ப‌ட்ட‌ வாழ்க்கையில் இரு முறை ம‌ணமுடித்து விவாகரத்து ஆனது.ஒரு க‌ணவன்,ம‌னைவி இருவ‌ரும் ம‌ன‌முவ‌ந்து ச‌ட்ட‌த்திற்கு உட்ப‌ட்டு விவாக‌ர‌த்து செய்வ‌தில் என்ன‌ பெரிய‌ த‌ப்பு இருக்க முடியும்,அதையும் விட இது அவர்களின் தனிப்பட்ட விசயமும் கூட.ம‌ற்றொன்று அவ‌ருடைய திருமண வாழ்க்கையைத்தான் எல்லோரும் பெரிய‌ குறையாக‌ சொல்கிறார்க‌ளே தவிர, அவரிட‌ம் உள்ள பல ந‌ல்ல‌ விச‌ய‌ங்க‌ளான‌ அர‌சிய‌லுக்கு வ‌ர‌மாட்டேன் என்று சொல்லி இப்பொது வ‌ரை த‌ன் பேச்சைக் காப்பாத்துவ‌து,த‌ன்னுடைய‌ ர‌சிக‌ர் ம‌ன்ற‌ங்க‌ளையெல்லாம் முதல் ஆளாக‌ ந‌ற்பணி ம‌ன்ற‌ங்க‌ளாக‌ மாற்றிய‌து,சினிமாவில் ச‌ம்பாதித்த‌ காசை சினிமாவிலேயே முத‌லீடு பண்ணுவ‌து,த‌ன்னுடைய‌ உட‌லையே தான‌மாக‌க் கொடுத்த‌து,காட்சிக்கு தேவைப்ப‌டாத‌வ‌ரை த‌ண்ணி,சிகரெட் அடிப்ப‌து போன்று த‌ன்னுடைய‌ ப‌ட‌ங்க‌ளில் நடிக்காமல் இருப்பது,முடிந்த வரை தூய தமிழிலேயே பேசுவது போன்றவற்றைப் பற்றி வாயே திறப்பதில்லை.

க‌டைசியாக‌,குறைக‌ள் இல்லாத ம‌னித‌ன் யாரும் கிடையாது. ஆனால் ஒருவ‌ரிட‌ம் உள்ள‌ சில‌ குறைக‌ளை ம‌ட்டும் மிகைப்ப‌டுத்தி,அவ‌ர் இத்த‌னை ஆண்டுகளாக‌ ப‌ண்ணிய‌ சாத‌னைக‌ளை மூடி‌ ம‌றைக்க‌ நினைப்ப‌து,ஒரு உண்மையான‌ க‌லைஞனுக்கு நாம் கொடுக்க‌ நினைக்கும் ம‌ரியாதையாக‌ இருக்க‌ முடியாது.

பலே பாண்டியா-திரை விமர்சனம்

2010-09-05T16:30:00.003+05:30

தன்னுடைய கடைசி ஆசையே உடனடியாக சாவதுதான் என்பதாக வைத்திருக்கும் ஹீரோவின் வாழ்வில், ஒரு தாதாவும்,பெண்ணும் குறிக்கிடுகிறார்கள். அதன் பின் என்ன நடக்கிறது என்பதுதான் 'பலே பாண்டியா' படத்தின் கதை.

பிறந்ததிலிருந்து தான் நினைத்தது எதுவுமே நடக்காமல்,வாழ்க்கையில் விரக்தி அடையும் பாத்திரத்திற்கு விஷ்ணு பொருத்தமாக இருக்கிறார்.ப‌ட‌த்தில் விஷ்ணுவின் காஸ்ட்யூம்க‌ள் ந‌ன்றாக‌ இருக்கின்றன.குறைந்த பட்ஜெட் படமென்பதால் சென்னையின் பெரிய தாதாவைச் சுற்றி எப்போதும் இரண்டு பேர் மட்டுமே இருக்கிறார்கள் போல்.விஷ்ணுவின் 'பேட் லக்கை' காட்டுவதற்காக வரும் காட்சிகளான 'அவருடைய ஜாதகத்தை எழுதின ஜோஸியக்காரர் சாவது;அவர் வருகையில் குறுக்கே வரும் பூனை பஸ்ஸில் அடிபட்டு சாவது' போன்ற ஆரம்பக்கட்ட காட்சிகள் சுவாரசியமாக இருக்கின்றன.தாதா RKP ஆக வருபவர் நல்ல தேர்வு.பிணம் போனாத்தான் அழணும்;பணம் போனா அழக்கூடாது என்று சொல்லி விஷ்ணுவிற்கு படத்தில் கார்டியன் போல் இருக்கிறார். ஜான் விஜய் வாயைத் திறந்தாலே, நம் வயிற்றில் கிச்சு கிச்சு மூட்டுகிறார்.

விஷ்ணு காதல் வயப்பட்டவுடன் அவர் வயிற்றில் பட்டாம்பூச்சி பறப்பதும்,காதலித்த பெண் அவருடைய நண்பரை தேர்வு செய்தவுடன் பட்டாம் பூச்சிகள் இடம் மாறுவதும் நன்றாக இருக்கிறது.படத்தின் ஒரு பாடலுக்கு அதைப் பாடிய அனைத்து பாடகர்களும் நடித்திருக்கிறார்கள்(விஜய் யேசுதாஸ் டீக்கடை சேட்டனாக வருகிறார்).ஹீரோவிற்கு வாழ்வில் பிடிப்பு ஏற்பட்டு வாழ வேண்டும் என்று நினைக்கையில்,அவருடைய சாவு தேதி நெருங்கி வருவது பரபரப்பைக் கூட்டினாலும்,அதன் பின் வரும் காட்சிகள்,படம் பார்த்துக் கொண்டிருக்கும் நம்மைக் கொஞ்சம் கொஞ்சமாகக் கொல்லத் தொடங்குகின்றன.

முதல்பாதியில் கொஞ்சம் சுவாரசியமாக செல்லும் படம், இரண்டாம் பாதியில் நம் பொறுமையை சோதிக்கிறது.குறிப்பாக விவேக் வரும் காட்சிகளிலெல்லாம் தியேட்டரில் மயான அமைதி.ஹீரோ தன்னைக் கொலை செய்யச் சொல்லி தாதாவிடம் கேட்பது(சிந்தனை செய்),அவர் ஸ்கூட்டரில் செல்லும் போது,நடப்பவர்கள் முதற் கொண்டு அவரை முந்திச் செல்வது(ஓரம் போ) என்று சில படத்தின் காட்சிகளை இயக்குனர் அப்படியே உருவியிருக்கிறார்.

சின்ன சின்ன ஐடியாக்கள் ஒரு விளம்பர படத்திற்கு வேண்டுமானால் உதவியாக இருக்கலாமே தவிர, ஒரு முழு படத்தையும் காப்பாற்ற‌ உதவாது என்பது விளம்பரபட இயக்குனராக இருந்து,தன் முதல் படத்தை இயக்கியிருக்கும் சித்தார்த் சந்திரசேகருக்கு இப்போது தெரிந்திருக்கும்.

பலே பாண்டியா-முதல் பாதி 'ஹையோ' பாண்டியா;இரண்டாம் பாதி 'ஐயோ' பாண்டியா.

நான் மகான் அல்ல-திரை விமர்சனம்

2010-08-21T12:54:00.002+05:30

வெண்ணிலா கபடி குழு' பட இயக்குனர் சுசீந்திரன் இயக்கத்தில் கார்த்தி மற்றும் கஜல் அகர்வால் ந‌டித்து வெளி வந்திருக்கும் படம் 'நான் மகான் அல்ல'.

நடுத்தரக் குடும்பத்தில் பிறந்து வேலைக்காக காத்திருக்கும் கார்த்தி,கஜல் அகர்வாலைக் காதலிக்கிறார்.காலேஜில் படித்துகொண்டே பெண்களைக் கடத்திக் கொலை செய்து கொண்டிருக்கும் ஒரு ரவுடி கும்பல் செய்த கொலைக்கு,கார்த்தியின் அப்பா சாட்சியாகிறார்.அதன் பின் என்ன நடக்கிறது என்பதுதான் படத்தின் கதை.

சாதாரண ஒரு கதையை வைத்துக்கொண்டு திரைக்க‌தையின் மூல‌ம் ப‌ட‌த்தை சுவார‌சிய‌ப்ப‌டுத்தியிருக்கிறார்க‌ள்.ம‌ன‌தில் உள்ள‌தை அப்ப‌டியே வெளிக்காட்டிக் கொள்ளும் கேர‌க்ட‌ர் கார்த்திக்கு ந‌ன்றாக‌ப் பொருந்தியிருக்கிற‌து.கார்த்தி மற்றும் க‌ஜ‌ல் அக‌ர்வால் சம்ப‌ந்தப்ப‌ட்ட‌ காத‌ல் காட்சிகள் ந‌ன்றாக‌ப் ப‌ட‌மாக்க‌ப்ப‌ட்டிருக்கின்ற‌ன.கார்த்தியின் சாயலை ஓரளவிற்கு கொண்டிருக்கும் ஜெய்ப்பிர‌காஷ்,அப்பா வேடத்திற்கு ந‌ல்ல‌ தேர்வு.ப‌ட‌ம் முழுவதும் ஆங்காங்கே வ‌ரும் குழந்தைக‌ள் ம‌ன‌தைக் கொள்ளை கொள்கிறார்க‌ள்.மானேஜ‌ரின் பைக்கை யாருக்கும் தெரியாம‌ல் தூக்கிவிட்டு,கார்த்தி ம‌றுப‌டியும் வேலையில் சேருவ‌து சுவார‌சியம். படம் ஆர‌ம்பித்த இடத்திலேயே க்ளைமாக்ஸும் வ‌ருவ‌து ந‌ன்றாக இருக்கிற‌து.வில்லன்களாக வரும் கல்லூரி மாணவர்கள் மிரட்டியிருக்கிறார்கள்.பாஸ்கர் சக்தியின் இயல்பான வசனங்களும்,யுவன் சங்கர் ராஜாவின் இசையும் படத்திற்கு பெரிய‌ பலம்.(நல்ல மெலடியான 'ஒரு மாலை நேரம்' பாடலை படத்தில் வைத்திருந்திருக்கலாம்).

காலேஜ் மாணவ‌ர்கள் பெண்க‌ளைக் கட‌த்தும் காட்சிக‌ள் 'வேட்டையாடு விளையாடு' ப‌ட‌த்தையும் ம‌ற்ற‌ சில காட்சிக‌ள் ஷாம் நடித்த‌ 'பாலா' ப‌ட‌த்தையும் ஞாப‌க‌ப்ப‌டுத்துகின்றன.மிக‌ப் பெரிய‌ தாதாவாக காட்டப்படுபவர் காலேஜ் மாணவர்களிடம் மாட்டிக்கொண்டு சாகும் காட்சி ந‌ம்பும்படியாக‌ இல்லை.இத்த‌னைக்கும் அந்த நேரத்தில் தாதாவின் கையில் செல்ஃபோன் வேறு இருக்கிற‌து.படத்தின் வில்லன்களாக லோக்கல் தாதா,கொலை மற்றும் கொள்ளை அடிப்பவர்களிடமிருந்து தமிழ் சினிமா,கல்லூரி மாணவர்களிடம் வந்திருப்பது உறுத்தலாக‌ இருக்கிற‌து.

ஆனாலும் கார்த்தி மாதிரி ஒரு ந‌டிக‌ரை வைத்துக்கொண்டு பெரிய பட்ஜெட்டில் இல்லாமல்,மிகவும் குறைந்த‌ ப‌ட்ஜெட்டில்,அதிக‌மான‌ ச‌ண்டைக் காட்சிகளோ,பாடல் காட்சிகளோ இல்லாமல் விறு விறுப்பான‌ ஒரு ப‌ட‌த்தைக் கொடுத்த‌‌தில் வெற்றி பெற்றிருக்கிறார் இய‌க்குன‌ர் சுசீந்த‌ர‌ன்.

நான் மகான் அல்ல‌-கார்த்தி காட்டில் ம‌ழை.

பதிவுலகில் நான்-தொடர்பதிவு

2010-08-18T23:21:00.005+05:30

1. வலைப் பதிவில் தோன்றும் உங்கள் பெயர்?

மோக‌ன்.

2. அந்தப் பெயர்தான் உங்கள் உண்மையான பெயரா? இல்லை என்றால் பதிவில் தோன்றும் பெயரை வைக்க காரணம் என்ன?

என்னுடைய‌ முழு பெய‌ர் மோகன் ராம்குமார். ஆனால் எல்லோரும் என்னை மோக‌ன் என்றே கூப்பிடுவ‌தால் நானும் மோக‌ன் என்றே வைத்துக்கொண்டேன்.

3. நீங்கள் தமிழ் வலைப்பதிவு உலகில் காலடி எடுத்து வைத்தது பற்றி?

ரொம்ப‌ நாட்களாக‌வே ப‌ல‌ருடைய ப‌திவை ம‌ட்டுமே ப‌டித்துக் கொண்டிருந்தேன்.ஒரு நாள் க‌ன‌வில் நான் ஒரு ப்ளாக் ஆர‌ம்பித்து ஒரு ப‌திவு போடுவ‌து போல‌வும்,அத‌ற்கு நான்கு பேர் வ‌ந்து க‌மெண்ட் போடுவ‌து போல‌வும் ஒரு க‌ன‌வு வ‌ந்தது.ம‌றுநாளே மிக‌வும் குஷியாகிப்போய் இந்த‌ப் ப‌திவுலகில் என் கால‌டி(கை) எடுத்து வைத்தேன்.

4. உங்கள் வலைப் பதிவை பிரபலமடையச் செய்ய என்னவெல்லாம் செய்தீர்கள்?

என்னுடைய ந‌ண்ப‌ர்க‌ளை க‌மெண்ட் மட்டுமே போட‌ சொன்னால் ஒரு ப‌திவிற்கோ அல்ல‌து இர‌ண்டு ப‌திவிற்கோதான் போடுவார்கள் என்று நினைத்து ந‌ண்ப‌ர்க‌ள் சில‌ரை ப்ளாக் ஆர‌ம்பிக்க‌ தூண்டினேன்(குறைந்த‌ ப‌ட்ச‌ம் அவ‌ர்க‌ளுக்கு நான் க‌மென்ட் போட‌ வேண்டுமே என்ப‌தற்காக‌ எனக்கு வந்து க‌மெண்ட் போடுவார்க‌ள் என்று நினைத்து).பெரும்பாலானோர் ப‌திவு போடுவ‌தற்காக‌ நிறைய‌ விச‌ய‌ங்க‌ள் வைத்து இருந்தாலும் நான் எழுதுகின்ற க‌விதைக்கெல்லாம்(?) க‌மெண்ட் போட‌ வேண்டுமே என்பதற்காக பயந்து த‌ங்க‌ளுடைய‌ ப்ளாக்கையே அப்டேட் பண்ணுவதில்லை. தமிழிஷ்,த‌மிழ்ம‌ணத்தில் இணைப்பதன் வாயிலாக‌ என் ப்ளாக்கை மற்றவர்களிடம் எடுத்து செல்ல முடிகிறது..

5. வலைப் பதிவின் மூலம் உங்கள் சொந்த விஷயத்தை பகிர்ந்து கொண்டதுண்டா? ஆம் என்றால் ஏன்? அதன் விளைவு என்ன? இல்லை என்றால் ஏன்?

என‌க்கு சொந்தமாக‌ எதுவுமே இல்லாமல் போய்விட்டதால், இப்ப‌ வ‌ரைக்கும் சொந்த‌ விச‌ய‌ம் எதுவுமே என் ப‌திவில் எழுதிய‌தில்லை.

6. நீங்கள் பொழுது போக்கிற்காக பதிவுகளை எழுதுகிறீர்களா? அல்லது பதிவுகள் மூலம் சம்பாதிப்பதற்காகவா?

ப‌திவுகள் மூல‌ம் ச‌ம்பாதிப்பதற்காக‌-ந‌ண்ப‌ர்க‌ளை ம‌ட்டும்.

7. நீங்கள் எத்தனை வலைப் பதிவிற்கு சொந்தக்காரர்? அதில் எத்தனை தமிழ் வலைப் பதிவு?

தாய் மொழி தமிழிலேயே பெரிதாக எதுவுமே எழுத‌ முடிய‌வில்லை என்ப‌தால் நீங்கள் படித்து கொண்டிருக்கின்ற இந்த‌ ஒரு ப்ளாக் ம‌ட்டும்தான்.

8. மற்ற பதிவர்கள் மேல் கோபம், அல்லது பொறாமை ஏற்பட்டது உண்டா? ஆமாம் என்றால் யார் அந்த பதிவர்? ஏன்?

தின‌மும் ஒரு ப‌திவு போட‌வேண்டுமென்ப‌த‌ற்காக‌ சுவாரசியமில்லாத ஒன்றை ப‌திவாய் போடும் ப‌திவ‌ர்க‌ள் மேல் கோப‌ம். பொறாமைப் ப‌ட‌ வைத்த பதிவ‌ர்க‌ள் என்றால் நான் நெடு நாட்க‌ளாய் ப‌டித்து வ‌ரும் அய்ய‌னார்,ஜ்யோவ்ராம் சுந்த‌ர்,மோக‌ன் தாஸ்,ராஜா சந்திரசேகர் ம‌ற்றும் ப‌ல‌ர்.

9. உங்கள் பதிவை பற்றி முதன் முதலில் உங்களை பாராட்டிய மனிதர் யார்? அவரைப் பற்றி, அந்த பாராட்டை பற்றி?

என் முதல் ப‌திவை ப‌டித்து பாராட்டிய‌து ப‌ழனிய‌ப்ப‌ன்(க‌மென்ட் போட‌ சொல்லி அவனை ரொம்ப‌வே டார்ச்ச‌ர் ப‌ண்ணினேன் என்ப‌து வேறு விச‌ய‌ம்)

10. கடைசியாக- விருப்பம் இருந்தால் உங்களைப் பற்றி பதிவுலகத்துக்கு தெரிய வேண்டியது அனைத்தையும் கூறுங்கள்.

வாழும் வாழ்க்கையின் ஒவ்வொரு நொடியையும் முழுமையாக அனுப‌விப்ப‌தற்கு ப‌திவுல‌க‌ம் மிக‌வும் உறுதுணையாக இருக்கிற‌து.ப‌திவுல‌கின் மூல‌மாக‌ என்னுடைய‌ வேலை விச‌ய‌மாக‌வும் அதிக‌மாக க‌ற்றுக் கொண்டிருக்கிறேன்.பதிவுலகம் கூட பெண் போன்றுதான்,நம்மை ஆக்கவும் செய்யும்;அழிக்கவும் செய்யும்.

தொடர் பதிவிற்கு அழைத்த நண்பர் மனோவிற்கு மிக்க நன்றி!

பாணா காத்தாடி-திரை விமர்சனம்

2010-08-08T23:47:00.004+05:30

அறிமுக இயக்குனர் பத்ரி வெங்கடேஷ் இயக்கத்தில், புதுமுகங்கள் அதர்வா,சமந்தா நடித்து வெளிவந்திருக்கும் பட்ம் 'பாணா காத்தாடி'.

வட சென்னையில் வசிக்கும் அதர்வாவுக்கும், ஃபேசன் டெக்னாலஜி படிக்கும் சமந்தாவிற்கும் நடுவில் காதல் அரும்புகிறது.இவர்களின் காதலில் ஏற்படும் பிரச்சனைகளுக்கு நடுவே, அதர்வா ஒரு கொலையை நேரில் பார்க்க நேரிடுகிறது.இதிலிருந்து அதர்வா எப்படி 'விடுபடுகிறார்(?)' என்பதுதான் 'பாணா காத்தாடி' படத்தின் கதை.

அதர்வாவும்,சமந்தாவும் அவர்களின் அறிமுகப் படங்கள் என்ற நினைப்பே நமக்கு தோன்றாத‌வாறு நன்றாக நடித்திருக்கிறார்கள். பாடகி-‍நடிகை வசுந்தரா தாஸ் மற்றும் காமிலினி முகர்ஜி இருவரையும் ஒன்றாக வைத்து குழைத்தது போல் அழகாக இருக்கிறார் சமந்தா.இதே போன்று நல்ல படங்களைத் தேர்ந்தெடுத்து நடித்தால் தமிழ்,தெலுங்கு இரண்டிலும் ஒரு ரவுண்டு வருவார் என்று தோன்றுகிறது.பிரசான்னா தாதாவாக ஆர்ப்பாட்டமான அமைதியான நடிப்பில் வந்து மனதைக் கொள்ளை கொள்கிறார்.

அதர்வாவுடன் சண்டையிட்டபின் அவரை சமாதானப்படுத்துவதற்காக அவரை தியேட்டருக்கு வரவழைத்து,சமந்தா காட்டும் 'குறும் படம்' நன்றாக இருக்கிறது.படத்தில் நம்மை பெரிதும் கவர்பவர் படத்தின் வசனகர்த்தா. 'சில சமயம்,நமக்கு தேவைப்படுறது நமக்கு கிடைக்காது;ஆனால் நமக்கு கிடைச்சது நமக்கு தேவைப்பட்டதை விட நல்லாவே இருக்கும்' என்பதாகட்டும், மௌனிகா அதர்வாவிடம் சொல்லும் 'என்னமோ அண்ணா சிலை மாதிரி எப்பவும் கையில புக்கை வைச்சிருக்க' மற்றும் 'கிட்ட வா நாயேன்னா, மூஞ்சியை நக்குற' என்று கிடைத்த‌ இடங்களிலெல்லாம் சிக்ஸ்ர் அடித்திருக்கிறார். ஜெயிலிலிருந்து வரும் அதர்வாவிடம்,மௌனிகா சொல்லும் 'என்னைப் பெத்தவங்களும் சரி,என்னைக் கட்டினவரும் சரி, என் பையன் அளவுக்கு என்னை சந்தோஷப்ப்டுத்தினதில்லை' என்பது உருக்கம்.

வட சென்னையைக் களமாகக் கொண்டு வரும் படங்களுக்கெல்லாம் மொத்த குத்தகை எடுத்தது போல் இந்தப் படத்திலும் காமெடி கருணாஸ்.அவரின் காமெடியும் படத்திற்கு கை கொடுத்திருக்கிறது.படத்தில் வரும் எல்லா பாடல்களும்(கடைசி குத்துப்பாட்டு தவிர்த்து),படமாக்கப்பட்ட விதமும் நன்றாக இருக்கின்றன.அதர்வாவை ஒரு தலையாகக் காதலிக்கும் அந்த ஸ்கூல் பெண் கேரக்டர் நன்றாக இருக்கிறது.

பல முடிச்சுகளைப் போட்டு விட்டு அதனூடே அழகாக பயணிக்கவும் செய்து விட்டு, அதிலிருந்து வெளிவரத் தெரியாமல் 'அபிமன்யு' மாதிரி இரண்டாம் பாதியில் இயக்குனர் மாட்டிக் கொண்டிருப்பது நன்றாகத் தெரிகிறது. பரபரவென நகர வேண்டிய இரண்டாம் பாதி காட்சிகள் சமந்தா அதர்வாவிடம் மன்னிப்பு கேட்பதும்,அவர் அதை நிராகரிப்பதுமாக நமக்கு சலிப்பை ஏற்படுத்துகிறது. இயக்குனர் இரண்டாம் பாதியைக் கொஞ்சம் இழுத்துப் பிடித்திருந்தால் 'பாணா காத்தாடி' இன்னும் கொஞ்சம் உயரப் பறந்திருக்கும்.

Top 10 Songs-July

2010-08-01T22:03:00.002+05:30

1) அரிமா அரிமா-எந்திரன்-‍இசை:A.R ரகுமான்

2) ஓ ஷலா-காதல் சொல்ல வந்தேன்-‍இசை:யுவன் சங்கர் ராஜா

3) முழு மதி-‍‍கனி மொழி-இசை:சதீஷ் சக்ரவர்த்தி

4) ஒரு மாலை நேரம்-‍நான் மகான் அல்ல‌-இசை:யுவன் சங்கர் ராஜா

5) பச்சைக்கிளி போலே-அய்யனார்-‍இசை:தமன்

6) தாக்குதே கண் தாக்குதே-பாணா காத்தாடி-‍இசை:யுவன் சங்கர் ராஜா

7) Missing Something-அரிது அரிது-இசை:தமன்

8) இதுதான் காதல்-‍நந்தி-‍இசை:பரத்வாஜ்

9) சஞ்சீவனா-‍வந்தே மாதரம்-இசை:D.இமான்

10) கண்டேனே காதல்‍-மாசி-‍இசை:தினா

ஊசி இதழ் காதல்

2010-07-28T22:33:00.002+05:30

தொடர்ந்து இருமிக் கொண்டிருந்த என்னை கவலையோடு பார்த்தார்கள் அம்மா. "ஆஸ்பத்திரிக்குப் போகலாமா?" என்று அம்மா கேட்டவுடன் உடனே சந்தோஷமாகத் தலையசைத்தேன்."வா! கணபதி டாக்டரிடம் செல்லலாம்,அவர் ஊசி போட்டால் உடனே சரியாகிவிடும்" என்று சொன்ன அம்மாவை முறைத்துப் பார்த்து விட்டு அதெல்லாம் ஒன்றும் வேண்டாம்,நாம் புருஷோத்தமிடமே செல்லலாம். அவர் ஊசி போட்டால்தான் எனக்கு 'உடனே' சரியாகி விடுகிறது என்றவனை பரிதாபமாகப் பார்த்தார்கள் அம்மா.

எங்கள் ஊரில் டாக்டர் புருஷோத்தமைப் பார்த்தாலே அனைத்து குழந்தைகளும் பயந்து அழுவார்கள்.சாப்பிட அடம் பிடிக்கும் குழந்தைகளை சாப்பிட வைக்க எங்கள் ஊரில் உள்ள எல்லா அம்மாக்களும் பயன்படுத்தும் ஆயுதம் அவர் ஒருவர்தான்.அதற்கு காரணம் அவர் பயன்படுத்தும் ஊசி. மற்ற மருத்துவர்கள் எல்லாம் 5 சென்டிமீட்டரில் ஊசி வைத்திருந்தால் அவர் பயன்படுத்தும் ஊசி மட்டும் முழு அடி ஸ்கேல் அளவிற்கு இருக்கும். வெட்டினரி டாக்டர்களிடம் இருக்கும் இரக்கம் கூட ஊசி போடும்போது அவரிடம் கொஞ்ச‌ம் கூட‌ இருக்காது.அந்த ஊரிலே அவரிடம் ஊசி போட சந்தோஷமாக செல்லும் ஒரே ஆள் நான்தான்.

நான் அப்போது ஆறாவது 'பி பிரிவு படித்துக் கொண்டிருந்தேன்.என்னுடன் ஆறாவது 'ஏ' பிரிவு படித்துக் கொண்டிருந்த பிரியாதான் என் வாழ்க்கையை அப்போது மிகவும் சுவாரசியப்படுத்திக் கொண்டிருந்தாள். அவள் வேறு பிரிவில் படித்துக் கொண்டிருந்தாலும், அவளை தினமும் பார்க்கும் பாக்கியம் மட்டுமே,பள்ளிக்கு செல்லும் என் வாழ்க்கையை உயிர்ப்போடு வைத்திருந்தது. அவளுடன் ஒரு முறை கூட பேசியதில்லையென்றாலும், என்னைப் பார்க்கும் போதெல்லாம் அவள் ஒரு புறம் உதட்டசைத்து சிரிக்கும் சிரிப்பு,எனக்காகவே அவள் பிரத்யோகமாகக் கண்டுபிடித்தது போலிருக்கும்.அவளுடைய அப்பாதான் டாக்டர் புருஷோத்தம்.

அவரின் கிளினிக் அவருடைய வீட்டின் ஒரு ப‌குதியிலேயே இருப்ப‌தால்,அவரின் ஆஸ்ப‌த்திரிக்கு எப்போது சென்றாலும் அவ‌ளையும்,எனக்கான அவ‌ளின் பிரத்யோக சிரிப்பையும் தரிசித்து விட‌லாம்.அவ‌ரின் கிளினிக்கிற்கு நானும் அம்மாவும் சென்ற‌போழுது அவ‌ள் நோட்டில் ஏதோ வரைந்து கொண்டிருந்தாள்.பள்ளிக்கூடத்தில் ஸ்கூல் யூனிபாஃர்மில் பார்ப்பதையும் விட அவள் வீட்டில் அணிந்திருந்த கலர் பாவாடை சட்டையில் வண்ணத்துப் பூச்சி போல் இருந்தாள்.காற்றில் இரு புறமும் அசையும் முடி வண்ணத்துப் பூச்சியின் சிறகுகளை நினைவூட்டியது.என்னைப் பார்த்து விட்டு அவள் சிந்திய‌ எனக்கான பிர‌த்யோக சிரிப்பிலேயே காய்ச்ச‌ல் பாதியாய் குறைந்த‌து போலிருந்தது. ஒரு அடி ஸ்கேல் ஊசியை எடுத்துக் கொண்டே டாக்ட‌ர் அவருக்கே கூட புரியாத ஒரு ஜோக்கைக் கூறியவாறு எனக்கு ஊசி போட்டார்.ஊசியினால் ஏற்பட்ட வ‌லி என்னிட‌மிருந்து அம்மாவின் க‌ண்களுக்கு மாறியிருந்தது.

ப‌த்தாவ‌து வ‌ரை நாங்க‌ள் இருவ‌ரும் ஒன்றாக‌வே ப‌டித்து வ‌ந்திருந்தாலும் பிரியாவிட‌ம் ஏனோ பேச‌வே தோன்றிய‌தில்லை;பேசுவ‌தற்கான வாய்ப்பும் கிடைக்க‌வே இல்லை.அத‌ன் பிறகு வெளியூருக்குப் படிக்க செல்லும் சூழ்நிலை வந்த‌போது அவளை விட்டுப் பிரிவதுதான் அப்போது மிகவும் கஷ்டமாக இருந்தது.அம்மாதான் அது பற்றி ஏதும் அறியாமல் அடிக்கடி வந்து ஹாஸ்டலில் என்னைப் பார்ப்பதாக ஆறுதலளித்துக் கொண்டிருந்தாள்.அடிக்க‌டி ஹாஸ்ட‌லிலிருந்து ஊருக்கு ஓடி வ‌ரும் என்னைப் பார்த்து விட்டு, ஹாஸ்ட‌லில் ச‌மைக்கும் ச‌மைய‌ல்கார‌ர்களையும் திட்டிக் கொண்டிருந்தார்க‌ள்.

பிரியாவும்,நானும் வெவ்வேறு ஊர்க‌ளுக்குப் ப‌டிக்க‌ சென்றதால் இத்துட‌ன் அவளைப் பார்த்து ஏழு வ‌ருட‌ங்க‌ளாகி விட்ட‌து.அவ‌ளைத் தாவ‌ணியில் தரிசிக்கும் பாக்கிய‌ம் கிடைக்காத‌தை நினைத்து மிக‌வும் வ‌ருத்த‌மாக‌வும் இருந்த‌து.ஆறு மாதங்க‌ளுக்குப் பிறகு ஊருக்குள் வ‌ந்த எனக்கு ப‌ய‌ணக் க‌ளைப்பினாலோ அல்ல‌து ஊரில் தொட‌ர்ந்து பெய்து கொண்டிருந்திருந்த ம‌ழையினாலோ அல்லது வேறு ஏதோ காரணத்தினாலோ காய்ச்ச‌லும் வ‌ந்திருந்தது.

ரொம்ப வ‌ருட‌ங்க‌ளுக்குப் பிற‌கு டாக்ட‌ர் புருஷோத்த‌மைப் பார்ப்ப‌த‌ற்காக ச‌ந்தோஷமாக கிளம்பிக் கொண்டிருந்தேன்.ஆடி மாதத்து சாரல் மழை வேறு குழந்தையின் வாயிலிருந்து ஒழுகும் நீர் போன்று விட்டு விட்டு பெய்து கொண்டிருந்தது.நான் கிளம்பியதைப் பார்ப்பவர்கள் எவரும் எனக்கு காய்ச்சல் இருப்பதாகவே ஒத்துக் கொள்ள மாட்டார்கள்.அவ‌ளுடைய அழகான இதழ்கள் வேறு எனக்கு அடிக்கடி ஞாபகத்தில் வந்து கொண்டிருந்தது.அவளுடைய இதழ்கள் அவ்வளவு மென்மையாக,மிருதுவாக சற்று முன் பெய்த மழைத் துளிகளை தன்னகத்தே கொண்டிருக்கும் ரோஜாப் பூவைப் போன்று எப்போதும் ஈரப் பதத்துடன் இருக்கும்.அவள் இதழ்களைப் பார்த்துவிட்டு ரோஜாப் பூவைப் பார்த்தால்,ரோஜாப் பூ ஒன்றும் அவ்வளவு அழகாகத் தெரியாது.அவளும் அவளின் இதழ்களும் இப்போது எப்ப‌டியிருக்கும் என்ற‌ நினைப்பே பேஷண்டைப் பார்த்த புருஷோத்தம் போன்று ச‌ந்தோஷம‌ளித்துக் கொண்டிருந்த‌து. இன்று பார்க்கையில் க‌ண்டிப்பாகப் பேசிவிட‌வேண்டும் என்றும் முடிவெடுத்திருந்தேன்.

அவள் வீடு எந்த வித மாற்றமுமில்லாமல் அப்படியே இருந்தது.அவ‌ள் வீட்டு வாச‌லை அடைந்த‌துமே எங்கேயோ வெளியே கிளம்பிக் கொண்டிருந்தவள் என்னைப் பார்த்து சிரித்தாள். வாழ்க்கையில் முதல் முறையாக அன்று என்னுட‌ன் பேசினாள்.இப்போது நான் என்ன படித்துக் கொண்டிருக்கிறேன் என்று கேட்டு விட்டு பின்னால் வ‌ந்து கொண்டிருந்த த‌ன் க‌ணவ‌னை அறிமுக‌ப்படுத்தினாள்.அதன் பின் காய்ச்சலினாலே என்னவோ அவர்கள் இருவரிடமும் என்னால் சரியாகப் பேச முடியவில்லை.அன்று டாக்ட‌ர் புருஷோத்தம் போட்ட ஊசி வாழ்க்கையில் முதல் முறையாக என‌க்கு வ‌லித்தது.சார‌ல் மழையும் வானத்திலிருந்து என் க‌ண்களை நோக்கி கொஞ்சம் கொஞ்சமாய் இட‌ம் பெயர்ந்து வந்து கொண்டிருந்த‌து.

ம‌த‌ராச‌ப‌ட்டின‌ம்-திரை விமர்சனம்

2010-07-12T10:27:00.004+05:30

இதற்கு முன் இரு படங்களை(கிரீடம்,பொய் சொல்லப் போறோம்) 'ரீமேக்' கிவிட்டு முதன் முறையாக தன்னுடைய சொந்தக் கதையில் இயக்குனர் விஜய் விஸ்வரூபமெடுத்திருக்கும் படம் 'மதராசபட்டின‌ம்'.

கதை என்னவே ஏழைப் பையன்,பணக்காரப் பெண்ணைக் காதலிக்கும் பழைய கதையாக இருந்தாலும்,படம் நடக்கும் காலமும்,படத்தை சுவாரசியமாக எடுத்திருக்கும் விதமும் நம்மை 'ஆஹா' என சொல்ல வைக்கின்றன.பொக்கிஷம் படத்தில் சேரன் விட்ட கோட்டையை விஜய் இந்தப் படத்தில் கட்டியிருக்கிறார்.

சலவைத் தொழில் செய்யும் ஆர்யாவிற்கும்,மதராஸ் கவர்னர் பெண் ஏமி ஜாக்சனுக்கும் ஏற்படும் காதல் இயல்பாக இருக்கின்றது.ஏமிக்காக‌ அ,ஆ போன்றே ஆர்யா ஏ,பி,சி,டி க‌த்துக் கொள்வ‌தும், ஏமியிட‌ம் சிர‌ம‌ப்ப‌ட்டு இவ‌ர் ஆங்கில‌த்தில் பேச‌ப் போக,அவர் இவ‌ரிட‌ம் கொஞ்சும் த‌மிழில் பேசுவ‌தும் சுவார‌சிய‌ம்.ஏமி ஆர்யாவிற்கு ஒரு ப‌ரிசு அளிப்ப‌தும்,என்னிட‌ம் கொடுக்க‌ என்ன‌ இருக்கிற‌து என்று ஆர்யா சொல்லுகையில் ஏமி அவ‌ரிட‌ம் 'தாலி'யைப் ப‌ரிசாக‌க் கேட்ப‌தும்,ரொம்ப‌ நாட்க‌ளுக்கு அப்புறம் தாலி சென்டிமென்ட் கூட‌ ந‌ன்றாக‌ப் ப‌ட‌மாக்க‌ப்ப‌ட்டிருக்கிறது.துணி காயப் போடும் இடத்தை சுட்டிக் காட்டி முன்னாடியெல்லாம் இங்கே துணி காயும்;இப்ப எங்க வயிறு காயுது என்கையில் வசனகர்த்தா பளிச்சிடுகிறார்.ப‌ட‌த்தின் முத‌ல் பாதி கொஞ்சம் பெரிதாக இருந்தாலும், முதல் பாதி முழுவ‌தும் இழையோடும் ந‌கைச்சுவை ந‌ம்மைக் க‌ட்டிப்போட்டு விடுகின்ற‌து.

த‌மிழ் ந‌டிகைக‌ளின் லிப் மூவ்மென்ட்டே பாட‌ல்க‌ளில் ஒழுங்காக‌ இல்லாமல் இருக்கும் இக்கால கட்டத்தில்,ஆருயிரே பாட‌லில் ஏமியின் லிப் மூவ்மென்ட் ஆச்ச‌ரிய‌ப்ப‌டுத்துகிற‌து.இந்தியாவிற்கு விடுத‌லை கிடைக்க‌ இருக்கும் க‌டைசி நாளில், காத‌ல் ஜோடிக‌ளும் சுத‌ந்திர‌ப் ப‌றவைகளாக‌ ப‌றக்க,தப்பி ஓடும் காட்சிக‌ள் நெகிழ்வாகப் படமாக்கப்பட்டிருக்கிறது.க‌டைசிக் காட்சியில் ஆர்யாவின் கை ப‌ல‌மாகப் ப‌ட‌கைப் பிடித்திருப்ப‌தும்,ஏமி அவ‌ரின் கையை விடுவிப்ப‌த‌ற்காக ப‌ல‌ம் கொண்ட‌ ம‌ட்டும் அவ‌ர் கையைக் காய‌ப்ப‌டுத்துவ‌தும் உருக்க‌ம்.

ந‌ல்ல‌ ப‌ட‌த்தில் எல்லாமே ந‌ன்றாக‌ அமைந்து விடுவ‌து போல்,இப்ப‌ட‌த்திலும் கேம‌ரா,இசை,ந‌டிக‌ர்க‌ள் தேர்வு ம‌ற்றும் ப‌ட‌த்தில் ப‌ணிபுரிந்த‌ அனைவ‌ரின் உழைப்பும் நம்மை பிர‌மிக்க‌ வைக்கிறது.

ம‌த‌ராச‌ப‌ட்டின‌ம்-MADARASAPATINAM

ஆனந்தபுரத்து வீடு-திரை விமர்சனம்

2010-07-10T11:06:00.002+05:30

தன்னுடைய மகன் கஷ்டத்தில் இருக்கும்போது அவனுடைய விபத்தில் இறந்துபோன பெற்றோர் எப்படி ஆவியாக மாறி அவனுக்கு உதவுகிறார்கள் என்பதுதான் 'ஆனந்தபுரத்து வீடு' படத்தின் கதை.

நந்தா தன் மனைவி சாயா சிங் மற்றும் குழந்தையுடன் சென்னையிலிருந்து தன்னுடைய பரம்பரை வீடு இருக்கும் ஆனந்தபுரத்திற்கு வரும் ஆரம்பக் காட்சிகளும்,அந்த சூழலும் நம் ஆர்வத்தைத் தூண்டுகின்றன.அதன் பின்னர் நம் ஆர்வம் கொஞ்சம் கொஞ்சமாகக் கரைந்து படம் முடியும்போது முற்றிலும் இல்லாமல் போய் விடுகின்றது.

ப‌ட‌த்தில் ந‌டித்திருக்கும் வாய் பேச‌ முடியாமல் வரும்‌ குட்டிக் குழந்தையும் அத‌ன் ந‌டிப்பும் கொள்ளை அழகு.அதுவும் பேய் செய்யும் வித்தைக‌ளுக்கெல்லாம் அந்தக் குழந்தை ப‌ழி ஏற்க‌ நேர்வ‌தும்,அத‌ன் முக‌ பாவ‌ங்க‌ளும் அருமை.இரண்டாம் பாதியில் படு பயங்கரமான த்ரில்லிங் காட்சிகள் வருமென்று எதிர்பார்த்தால் நம்மை வயிறு குலுங்க சிரிக்க வைக்கிறார்கள்.வீட்டை வாங்க‌ வ‌ருப‌வ‌ரிட‌ம் பேய் செய்யும் மாயாஜால‌க் காட்சிகளாகட்டும்;நந்தாவின் ந‌ண்ப‌னுடைய காத‌லியும் ஆன‌ந்த‌புர‌த்து வீட்டிற்கு வ‌ந்த‌வுட‌ன், வில்லன் சொல்லும் 'நாலும்,ஒண்ணும் அஞ்சு;யாரும் வீட்டை விட்டுப் போக‌க்கூடாது' என்ப‌தும் 'ப‌தினெட்டு ரூபாய்க்கு இந்த மேஜிக் ஒர்த்' என்ப‌தும்‌ பேசாம‌ல் இந்தப் பட‌த்தை முழு காமெடி பட‌மாக‌வே எடுத்திருக்க‌லாமென்று தோன்றுகிற‌து.

சின்னத் திரையில் மர்ம சீரியல்கள் எடுத்துக் கொண்டிருக்கும் இயக்குனர் 'நாகா', பெரிய திரையிலும் இரண்டே கால் மணி நேரத்திற்கு ஒரு சீரியலை விளம்பர இடைவேளை மட்டும் இல்லாமல் எடுத்திருக்கின்றார்.இப்ப‌ வருகின்ற‌ த‌மிழ் பட‌ங்களெல்லாம் ந‌ன்றாக இருக்குமா என்று ப‌ய‌த்துட‌ன் பார்க்க‌ வேண்டியதாயிருக்கிற‌து.ஆனால்,இந்த‌ப் ப‌ட‌த்தை ஒரு பயமுமில்லாம‌ல் பார்க்கலாம் என்ப‌துதான் ப‌ட‌த்தின் ப‌ல‌வீன‌ம்.இருந்தாலும்,இந்த‌ப் ப‌ட‌த்தைப் பார்த்துவிட்டு ப‌ட‌த்தின் த‌யாரிப்பாளரான‌ இய‌க்குன‌ர் 'ஷங்க‌ருக்கு' க‌ண்டிப்பாக 'கிலி' ஏற்ப‌ட்டிருக்கும்.

ஆன‌ந்த‌புர‌த்து வீடு-பாழடைந்த‌ வீடு.

Top 10 Songs-June

2010-07-07T09:07:00.001+05:30

1) பனியே பனியே-அய்யனார்-‍இசை:தமன்

2) உசுரே போகுதே-ராவணன்-‍இசை:A.R ரகுமான்

3) முதல் முதலாய்-ஆர்வம்-இசை:ரோணி ராஃபேல்

4) அன்புள்ள சந்தியா-காதல் சொல்ல வந்தேன்-‍இசை:யுவன் சங்கர் ராஜா

5) மருதாணி பூவுமேலே-‍வம்சம்-இசை:தாஜ் நூர்

6) பைத்தியம் பிடிக்குது-பாணா காத்தாடி-‍இசை:யுவன் சங்கர் ராஜா

7) சித்திர வானம்-ஆனந்தப்புரத்து வீடு-இசை:ரமேஷ் கிருஷ்ணா

8) சொல்பேச்சு-தில்லாலங்கடி-‍இசை:யுவன் சங்கர் ராஜா

9) அடங்காத வேகம்-பட்டாபட்டி 50/50-இசை:அருள் தேவ்

10) ஆசை அரக்கி-விருந்தாளி-‍இசை:S.S.குமரன்

மழையின் வலி

2010-06-29T09:15:00.002+05:30

மழைக் காலங்களில்

மரத்தின் இலையிலிருந்து

நீர் சொட்ட சொட்ட ஒழுகுவது போல்

உன் மீதான காதல்

என் இதழ்களிலிருந்து

சொற்களாய் பிரவாகம் கொண்டு

உருண்டோடிக் கொண்டிருக்கிறது.

பாலையினால் செய்த

மனத்தினுள்ளே

மழையோ,கண்ணீரோ

எதையும் கரைக்க முடிவதேயில்லை.

மழையில்லாத

கொடும் வெம்மை காலத்தில்

உனக்குப் புரிய நேரிடலாம்

பாலையில் பெய்யும்

மழையின் வலி!

வேதம்-திரை விமர்சனம்(தெலுங்கு)

2010-06-23T23:39:00.005+05:30

1)மிலிட்டரி ஆஃபிஸராக்கிப் பார்க்க நினைக்கும் தன் அம்மாவின் ஆசைக்கு எதிராக மியூசிக் பேண்ட் வைத்து பெரிய ஆளாகி விடலாம் என்று நினைத்து போட்டியில் கலந்து கொள்வதற்காக பெங்களூரிலிருந்து ஹைதரபாத்திற்கு பயணிக்கிறார் மனோஜ்.

2)ஏழையான அல்லு அர்ஜுன்,தான் பெரிய பணக்காரன் என்று பொய் சொல்லி ஒரு பணக்கார பெண்ணைக் காதலிக்கிறார். அந்த பெண்ணிற்கு ஒரு பெரிய பார்ட்டி கொடுப்பதற்காக 40,000 ரூபாய் பணத்திற்காக யாரிடமிருந்தாவது நகையை திருடுவதற்காக ஹைதரபாத் தெருக்களில் அலைந்து கொண்டிருக்கிறார்.

3)வறுமையில் வாடும் சரண்யா கந்து வட்டிக் கொடுமையால்,பள்ளிக்கூடத்தில் படித்துக் கொண்டிருந்த தன் பையனைப் பண முதலைகளிடம் கொத்து அடிமை போல் இழக்க நேரிடுகிறது. தன்னுடைய கிட்னியை விற்றுப் பையனை மீட்டு விடலாம் என்று கிராமத்திலிருந்து ஹைதரபாத்திற்கு பயணிக்கிறார்.

4)சார்ஜாவிற்கு மறுநாள் பயணப்பட இருக்கும் நிலையில்,போலிஸால்

முஸ்லிம் தீவிரவாதி என்று தப்பான முத்திரை குத்தப்பட்டு ஜெயிலில் இருக்கிறார் மனோஜ் பாஜ்பாய்.

5)உள்ளூர் விபச்சார தொழிலில் பெரும் பணத்தை அந்த விடுதி முதலாளியே அபகரித்து விடுவதால்,தனியாக சென்று தொழில் செய்ய ஹைதரபாத்திற்கு செல்கிறார் அனுஷ்கா.

இவ்வாறு ஐந்து கிளைக் கதைகளும் ஒவ்வொரு புள்ளியில் பயணப்பட்டு, கடைசியில் அரசாங்க ஆஸ்பத்திரியில் சந்திக்க நேரிடுகிறது.அப்போது என்ன நடக்கிறது என்பதுதான் 'வேதம்' படத்தின் கதை.

இந்த‌ மாதிரி ஒரு சிக்க‌லான‌ திரைக்க‌தையை வைத்துக் கொண்டு ப‌ட‌த்தை ந‌க‌ர்த்தியிருக்கும் இய‌க்குன‌ருக்கும்,மாஸ் ஹீரோ இமேஜை தூக்கி எறிந்து விட்டு இது போல் ஒரு க‌தையில் ந‌டித்திருக்கும் அல்லு அர்ஜீனும் பார‌ட்ட‌ப்ப‌ட‌ வேண்டிய‌வர்க‌ளாகிறார்க‌ள்.சில‌ வ‌ருட‌ங்க‌ளுக்கு முன் 'தாஜ் ஹோட்ட‌லில்' ந‌டந்த‌ தீவிர‌வாத‌ தாக்குதலைப் பட‌த்தின் க‌ளனாக‌க் கொண்டு வ‌ந்திருப்ப‌தில் டைர‌க்ட‌ரின் புத்திசாலித்த‌னம் பளிச்சிடுகிறது.

ஒவ்வொரு கிளைக்க‌தையும் ஒவ்வொரு வித‌மான‌ பின்ன‌ணியைக் கொண்டிருப்ப‌து ந‌ன்றாக‌ இருக்கிறது. படத்தின் வசனங்கள் பல இடங்களில் நன்றாக இருக்கிறது.அனுஷ்கா பேசும் "ம‌த்த வேலையில் அனுப‌வ‌ம் அதிகமாக‌ இருந்தாத்தான் காசு அதிக‌மாக‌க் கிடைக்கும்.ந‌ம்ம‌ வேலையில அனுப‌வ‌ம் குறைய‌ குறைய‌த்தான் காசு அதிக‌மாக‌ கிடைக்கும்.அனுப‌வ‌மே இல்லைனா இன்னும் அதிக‌மாக‌ காசு கொடுப்பாங்க‌" என்ப‌தாக‌ட்டும்;மனோஜ் சொல்லும் "ஆங்கிலத்தில் 'வாட்டர்',தெலுங்கில் 'நீலு',இந்தியில் 'பானி' என்பது மாதிரி ஒருத்தருக்கு 'அல்லா',மற்றொருவருக்கு 'இயேசு',இன்னொருவருக்கு 'ராமன்'.எந்த கடவுளைக் கும்பிட்டாலும் அதன் அர்த்தம் ஒன்றுதான்" என்பதில் வசனம் பளிச்சிடுகிறது.‌தன்னிட‌ம் லஞ்ச‌ம் கேட்கும் போலிஸ் அதிகாரியிட‌ம் அனுஷ்கா சொல்லும் "என்னிடம் ப‌டிப்பு,உத்தியோக‌ம் இல்லாததினால் நான் விபச்சார‌த் தொழில் பண்றேன்,உங்க‌ளுக்குத்தான் ப‌டிப்பு,ந‌ல்ல‌ உத்தியோக‌ம் இருக்குதே,அப்புறமும் ஏன் லஞ்ச‌ம் வாங்குறீங்க‌" என்ப‌து சாட்டைய‌டி.

ப‌ட‌த்தில் ந‌டித்திருக்கும் அத்த‌னை பேரும் அவ‌ர்க‌ளுடைய‌ பாத்திர‌த்தை உணர்ந்து ந‌டித்திருக்கிறார்க‌ள். தீவிர‌வாத தாக்குத‌லுக்கு உள்ளாகி உயிர் ம‌டியும் தறுவாயில் அல்லு அர்ஜூன் ம‌னோஜிட‌ம் அவ‌ர் பெய‌ரைக் கேட்ப‌து ட‌ச்சிங். அதே போல் தான் மிலிட்ட‌ரி ஆஃபிஸராக்க‌ நினைத்த‌ த‌ன் பைய‌ன் ச‌ட‌ல‌த்தைப் பார்த்த‌ அவ‌ன் தாய் உருகுவ‌தாக‌ட்டும்;தன்னால் முஸ்லீம் தீவிர‌வாதியாக்க‌ப்ப‌ட்ட‌ ம‌னோஜ் பாஜ்பாயால் உயிர் பிழைத்த‌ போலிஸ் அவ‌ருக்கு ந‌ன்றி சொல்லும் காட்சிக‌ளும் ந‌ன்றாக‌ப் ப‌ட‌மாக்க‌ப்ப‌ட்டுள்ள‌ன‌.
ப‌ட‌த்தின் க‌டைசி அரை ம‌ணி நேர‌ம் த‌விர்த்து ம‌ற்ற‌ காட்சிக‌ள் மிக மெதுவாக‌ப் ப‌ட‌மாக்க‌ப்ப‌ட்டிருப்பதைத் தவிர்த்திருக்க‌லாம்.அதே போல் ச‌ர‌ண்யா,மனோஜ் பாஜ்பாய் ச‌ம்பத்த‌ப‌ட்ட‌ காட்சிக‌ளும் அதிகமான சென்டிமட்டுடன் நாட‌க‌த்த‌ன‌மாய் ப‌ட‌மாக்க‌ப்ப‌ட்டிருக்கின்ற‌ன.

பத்து வெவ்வேறு கதைகளை ஒரே புள்ளியில் இணைக்கும் கேரளா கஃபே(மலையாளம்) போன்று இல்லாவிடினும்,க‌டைசி அரை ம‌ணி நேர‌ காட்சிக‌ளிலும்,இந்து முஸ்லீம் ஒற்றுமையை வலியுறுத்துவ‌திலும் இய‌க்குன‌ர் வெற்றி பெற்றிருக்கின்றார்.

வேத‌ம்-ஆந்திர‌ ர‌ங் தே ப‌ச‌ந்தி

ராவ‌ணன்- திரை விமர்சனம்

2010-06-21T10:55:00.003+05:30

கமல் 'விருமாண்டியில்' முயற்சித்த உக்தியையே கொஞ்சம் மாற்றி,மலையூர் மம்பட்டியான் காலத்திய கதையை இராமயண முலாம் பூசி மணிரத்னம் கொடுத்திருக்கும் படம்தான் 'ராவணன்'.

தன்னுடைய‌ த‌ங்கையின் வாழ்க்கையை சீர‌ழித்த போலிஸ்கார‌ர்க‌ளைப் ப‌ழி வாங்குவ‌தற்காக, SP பிருத்விராஜின் ம‌னைவி ஐஸ்வ‌ர்யாராயைக் காட்டுக்குள் தூக்கிக் கொண்டு வ‌ந்து விடுகிறார் விக்ர‌ம். பிருத்விராஜ் காட்டுக்குள் சென்று எப்ப‌டி த‌ன்னுடைய‌ ம‌னைவியை மீட்கிறார் என்ப‌துதான் கதை.

ப‌ட‌த்தில் பாட‌ல்க‌ள்,ஆக்ஷன் காட்சிகள் முதற்கொண்டு எந்த‌க் காட்சியுமே ம‌னதில் நிற்ப‌து போல் இல்லை. ஃப்ளாஸ்பேக் கூட‌ ந‌ம் ம‌ன‌தைத் தைப்ப‌த‌ற்கு முன்பே முடிந்து விடுகிற‌து.விக்ர‌மிற்கு ஐஸ்வ‌ர்யாராயின் மேல் காதல் வ‌ருவ‌தற்கு அழுத்த‌மான‌ காட்சிக‌ள் எதுவுமே இல்லாம‌ல் இருக்கிறது."சிவ‌ப்பாக‌ இருக்கிற‌வ‌னெல்லாம் கட‌வுளும் கிடையாது. க‌ருப்பாக‌ இருக்கிற‌வ‌னெல்லாம் க‌ய‌வ‌னும் கிடையாது" என்ப‌துதான் மணிரத்னம் சொல்ல வந்த விசயமாக இருந்தாலும் கூட,படத்தில் விக்ரம்,ஐஸ்,பிருத்விராஜ் போன்றவர்களின் பாத்திரப்படைப்பில் குழப்பமே மேலோங்கி இருக்கிறது.

ஐஸ்வ‌ர்யாவின் சுடிதாரைக் கூட‌ விர‌லால் தொடாம‌ல் விக்ர‌ம் த‌விர்ப்ப‌து,உங்க‌ளுக்கு க‌ல்யாணம் ஆகாம‌ இருந்திருந்தா எங்கூட‌ இருப்பீங்க‌ளா? என்று விக்ர‌ம் ஐஸிட‌ம் கேட்ப‌து என்று சில‌ இட‌ங்க‌ளில்தான் விக்ர‌ம் ஐஸ்வ‌ர்யா ராயின் மீதான த‌ன் காத‌லை வெளிப்படுத்துகிறார்.

"பொம்பளைங்க கெட்ட வார்த்தை பேசுனாக் கூட தாங்கிக்கிடலாம்;ஆனால் அழுதாத்தான் தாங்கிக்க முடியாது.என் புருஷன் ஒத்த கையில பைக் ஓட்டினா சர்க்கஸ்ல ஓட்டுற மாதிரி இருக்கும்" என்று படத்தின் மிக சில இடங்களில்தான் சுகாசினியின் வசனம் நன்றாக இருக்கிறது.படம் முடியும்போது வரும் 'நான் வருவேனே,மீண்டும் வருவேனே' என்று ரகுமான் பாடும் பாடல் நன்றாக இருக்கிறது.அபிஷேக் பச்சன் நடிப்பு போன்று செயற்கையாக இல்லாமல் விக்ரமின் நடிப்பு படத்தில் இயல்பாக இருக்கிறது. இந்தியாவில் நாம் பார்க்க வேண்டிய இடங்கள் அதிகமாக இருக்கின்றன என்பது படத்தை பார்க்கும்போது தெரிகிறது.

ஆர‌ம்ப‌த்தில் வில்லனாக‌த் தெரியும் விக்ர‌ம் க‌டைசியில் ந‌ல்ல‌வ‌னாக‌த் தெரிகிறார்.ஆர‌ம்ப‌த்தில் ந‌ல்ல‌வ‌னாக‌த் தெரியும் பிருத்விராஜ் க‌டைசியில் கெட்ட‌வ‌னாக‌த் தெரிகிறார்.ஆர‌ம்பத்தில் போர‌டிக்கும் ப‌ட‌ம் க‌டைசியில்(ம‌ட்டும்) ந‌ன்றாக‌ இருக்கிறது.

ம‌ணிர‌த்ன‌ம் சார்,நீங்க‌ள் த‌மிழுக்காக‌ ம‌ட்டும் எடுக்கும் ப‌ட‌ங்க‌ளும் ந‌ன்றாக‌ இருக்கின்றன‌.இந்திக்காக‌ ம‌ட்டும் எடுத்த‌ தில்சே,குரு போன்ற ப‌ட‌ங்க‌ளும் ந‌ன்றாக‌வே இருந்தன‌.இர‌ண்டு மொழிக்கும் சேர்த்து எடுக்கும் ப‌ட‌ங்க‌ள் ம‌ட்டுமே(இத‌ற்கு முன்பு யுவா-ஆயுத‌ எழுத்து) ச‌ரியாக‌ வ‌ருவ‌தில்லை.இனிமேலாவ‌து ஏதாவது ஒரு மொழியை மட்டும் மனதில் வைத்துக் கொண்டு படம் எடுங்களேன்.

இந்த‌ப் ப‌ட‌த்தின் த‌மிழ் ப‌திப்பில் விக்ர‌ம் ராவ‌ணனாக‌வும்,இந்தி ப‌திப்பில் ராம‌னாக‌வும் ந‌டித்துள்ளார்.ம்...நாம் ராம‌னாக‌ இருப்ப‌தும்,ராவ‌ணனாக‌ இருப்ப‌தும் ந‌ம்மை 'இய‌க்குப‌வர்' கையில்தான் இருக்கிற‌து போல்.

ராவ‌ணன்‍‍-க‌தாக‌லாட்சேப‌ம்

Top 10 Songs-May

2010-06-09T10:06:00.002+05:30

1) காட்டுச் சிறுக்கி-ராவணன்-‍‍இசை:A.R ரகுமான்

2) தொடாதே கண்ணால் நீ என்னை-எதிர்மறை-‍‍இசை:முருகன் மோகன்

3) Stole My Heart-சிங்கம்-‍‍இசை:தேவி ஸ்ரீ பிர‌சாத்

4) என் நெஞ்சில்-பாணா காத்தாடி-‍‍இசை:யுவன் சங்கர் ராஜா

5) ஒரு முறை இரு முறை-களவாணி-‍‍இசை:S.S.குமரன்

6) இதுவரை இதுவரை-பட்டாபட்டி 50/50-‍‍இசை:அருள் தேவ்

7) ஆருயிரே-மதராஸ் பட்டினம்-‍‍இசை:G.V.பிரகாஷ்குமார்

8) எப்போது உன் ஜன்னல்-விருந்தாளி-‍‍இசை:S.S.குமரன்

9) நீ இல்லை நான் இல்லை-பயம் அறியான்‍‍-‍‍இசை:PC சிவன்

10) விழியே விழியே-அறியான்-‍‍இசை:விக்ரம் வர்மன்

சிங்க‌ம்‍- திரை விமர்சனம்

2010-05-31T18:21:00.002+05:30

சென்னையில் தாதா தொழில் செய்யும் பிரகாஷ்ராஜும்,தூத்துக்குடி பக்கம் ஒரு குக்கிராமத்தில் சப் இன்ஸ்பெக்டராக வேலை செய்யும் சூர்யாவும் எப்படி சந்திக்க நேருகிறது? அதன் பின் சூர்யா எப்படி சென்னை சென்று பிரகாஷ்ராஜின் சாம்ராஜ்யத்தை அழிக்கிறார் என்பதுதான் 'சிங்கம்' படத்தின் கதை.

பெரும்பாலான‌ போலீஷ் ப‌ட‌ங்க‌ளில் ஹீரோ எப்ப‌டி அறிமுக‌மாவாரோ அதேபோல் இந்த‌ப் ப‌ட‌த்திலும் சூர்யா அறிமுக‌மாகிறார்.சூர்யாவிற்கு அனுஷ்கா ச‌ரியான‌ பொருத்தமாக‌ இல்லாவிட்டாலும்,அனுஷ்கா வ‌ரும் காட்சிக‌ளிலெல்லாம் அவ‌ரை ம‌ட்டுமே பார்த்துக் கொண்டிருப்ப‌தால் அது ஒரு பொருட்டாக‌த் தெரிய‌வில்லை.காவ‌ல் துறையை மைய‌ப்ப‌டுத்தி வ‌ரும் ப‌ட‌ங்க‌ளில் வில்ல‌ன் ம‌ட்டும் ச‌ரியாக‌ அமைந்து விட்டாலே ப‌ட‌த்தின் பாதி வேலை முடிந்த‌ மாதிரிதான்.இந்த‌ப் ப‌ட‌த்திலும் பிர‌காஷ்ராஜ் மூல‌மாய் அது க‌ச்சித‌மாய் அமைந்திருக்கிற‌து.

இந்த‌ மாதிரி ப‌ட‌ங்க‌ளில் நாம் என்ன‌வெல்லாம் எதிர்பார்ப்போமோ அதில் எந்த‌ வித‌ மாற்ற‌முமில்லாம‌ல் அப்ப‌டியே கொடுத்திருக்கிறார் டைர‌க்ட‌ர் ஹ‌ரி.'வேலை இருக்கும்போது செத்த‌தை சாப்பிட்டா மூளை செத்துடும்' என்பது முதற்கொண்டு ப‌ட‌ம் முழுவ‌தும் ச‌ளைக்காம‌ல் வ‌ச‌ன‌ம் எழுதித் தள்ளியிருக்கிறார்க‌ள்.அதுவும் சூர்யா பேசிப் பேசியே AC நிழல்க‌ள் ர‌வியை ஸ்டேச‌னுக்கு உள்ளிருந்து ரோட்டிற்கு கொண்டு வ‌ருவ‌து கொஞ்ச‌ம் ஓவ‌ர்.அனுஷ்காவின் பிளாட்டின‌ ந‌கையை பார்த்து‌ ம‌னோர‌மா சொல்லும் நாலு ஏக்க‌ர் தென்னந்தோப்பை கழுத்தில போட்டிருக்கிறாய்..பத்திரம் என்ப‌‌து சுவார‌சிய‌ம்.ஒரு பையன்,பொண்ணு பின்னாடி சுத்தின‌ பிர‌ச்ச‌னையை சூர்யா காவ‌ல் நிலைய‌த்தில் வைத்து தீர்த்துக் கொண்டிருக்கும்போது,அனுஷ்கா சூர்யாவை சுற்றி வ‌ருவ‌து ந‌ன்றாக‌ இருக்கிற‌து.இந்த மாதிரி ப‌ட‌ங்க‌ளிலும் அவ்வப்போது ந‌டிப்ப‌துதான் தன்னுடைய சினிமா வாழ்க்கைக்கு நல்ல‌து என்ப‌தை புரிந்து கொண்டு சூர்யா அனாய‌ச‌மாக‌ ந‌டித்திருக்கிறார்.

ப‌ட‌த்தோட‌ பின்னணி இசைக்கு இசைய‌மைப்ப‌ளர் தேவி ஸ்ரீ பிர‌சாத் அலுங்காம‌ல் அவ‌ரே 'ச‌ந்தோஷ் சுப்ர‌ம‌ணிய‌ம்' ப‌ட‌த்திற்கு போட்ட இசையையே இத‌ற்கும் ப‌ய‌ன்ப‌டுத்தியிருக்கிறார்.ச‌ண்டைக் காட்சிக‌ளிலேல்லாம் ஸ்ட‌ன்ட் ந‌டிக‌ர்க‌ளின் உழைப்பு பிர‌மிக்க‌ வைக்கிற‌து.

சிங்க‌ம் ப‌டம் ந‌ன்றாகயிருப்ப‌தாக‌ தெரிவ‌தற்குக் காரணம் படத்தின் இயக்குனர் ஹரியோ அல்லது சூர்யாவோ அல்ல,மிக 'ச‌மீப‌த்தில்' வ‌ந்த‌ ம‌ற்ற தமிழ் ப‌ட‌ங்க‌ள்தான்.

சிங்க‌ம்‍-சூர்யா

பிரிய‌சகி-5

2010-05-31T13:35:00.002+05:30

உன் தலைமுதல் பாதம் வரை

என்

தலையனைக்குள் அடங்குதடி!

மழை மண்வாசத்தை எழுப்புவது போல்

உன் வாசம்

என்னை எழுப்பி செல்கிறது!

உன்னுடம்பின்

ஒவ்வொரு பாகங்களையும்

தேடி செல்கையில்

எனக்கான Google search நீதான்!

நீ கை கொடுக்கும்போதெல்லாம்

உன் உள்ளங்கை ரேகைகள்

என் ஆயுள் ரேகையை

அதிகமாக்கி செல்கின்றன!

நிலவில் உட்கார்ந்திருக்கும் பாட்டியை

உத்துப் பார்த்து

உறுதி செய்து கொண்டேன்

உன் பாட்டிதானென்று!

நாலும் அறிந்த‌வ‌ள்!

2010-04-20T09:59:00.002+05:30

1) என்னிடம்

யார் என்ன வாங்கி சென்றாலும்

என் குறிப்பு புத்தகத்தில்

எழுதி வைத்துக் கொண்டிருந்தேன்

நீ வந்து

குறிப்பு புத்தகத்தை வாங்கி சென்றாய்!

2) நான் எதையாவது

மறந்து விட்டுச் செல்லும் போதெல்லாம்

நீதான் தவறாமல் வந்து

ஞாபகப்படுத்தி விட்டு செல்வாய்

உன்னை மறக்க நினைக்கும்

இக்கணம் உட்பட!

3) மெழுகுவர்த்தியாய்

என்னுள் இறங்கி

கொஞ்சம் கொஞ்சமாய்

என்னை எரித்துக் கொண்டிருக்கிறாய்

இப்போதும் உன்

கண்ணீருக்காய் கவலைப்பட்டுக் கொண்டிருக்கிறேன் நான்!

4) உன்னை மறக்க நினைத்து

ஒவ்வொரு முறை

என்னை எரித்துக் கொள்ளும்போதும்

சாம்பலிலிருந்து

உன் ஞாபகங்கள்

ஃபீனிக்ஸ் பறவையாய் கிளர்ந்தெழுகின்றன!

அங்காடித் தெரு- திரை விமர்சனம்

2010-03-29T20:08:00.001+05:30

மிகப் பெரிய அங்காடிகளில் உள்ள 'அலங்கார பொம்மைகளை'ப் போன்று தங்களுடைய அனைத்து உணர்ச்சிகளையும் இழந்து விட்டு வேலை பார்க்கும் இன்றைய இளைய தலை முறையினருக்குள்,காதல் என்ற உணர்வு வருகையில் அவர்களுடைய வாழ்க்கை எவ்வாறு திசை திரும்புகிறது என்பதை,தி.நகர் சாலைகளை மூன்று மணி நேரம் நம் கண் முன் நடமாட விட்டு வசந்தபாலன் காட்டியிருக்கும் படம்தான் 'அங்காடித் தெரு'.

ப‌ட‌த்தில் வ‌ரும் அனைத்து க‌தாபாத்திர‌ங்க‌ளுமே த‌ங்க‌ளுடைய‌ இய‌ல்பான‌ ந‌டிப்பினால்,நாம் பார்த்துக் கொண்டிருப்ப‌து ப‌டம் என்ற உணர்வு எழாம‌ல் பார்த்துக் கொள்கிறார்கள்.படத்தின் வசனங்களும் மிகவும் இயல்பாக இருக்கின்றன்.அஞ்ச‌லி மீண்டும் ஒரு முறை த‌ன்னுடைய‌ அழகான‌ ந‌டிப்பினால் ந‌ம் ம‌னதைக் கொள்ளை கொள்கிறார்.அஞ்ச‌லியைப் பார்க்கும் போது,ந‌ம் ப‌ழைய‌ காத‌லிக‌ளில் யாரவது ஒருவ‌ரை ஞாப‌க‌ப்ப‌டுத்தும் அதே நேர‌த்தில்,புது காத‌லுக்கான‌ விதையையும் விதைத்துவிட்டு செல்கிறார்.ஹூரோ ம‌கேசும் இந்த‌ப் ப‌ட‌த்திற்குப் பொருத்த‌மான‌ தேர்வு.

ம‌ற்றவர்க‌ளுக்கு கீழே அடிமாடு போல் வேலை செய்வ‌தை விட,சொந்தமாக‌‌ தொழில் செய்யும் ம‌க்க‌ள் மிக‌வும் ம‌கிழ்ச்சியாகவும்/கவுரவத்தோடும் இருக்கிறார்கள் என்பதை கண் பார்வை இல்லாத பெரியவர்,கழிவறையை சுத்தம் செய்து காசு வசூலிப்பவர் போன்றவர்களின் மூலம் காட்டியிருப்ப‌து ந‌ன்றாக‌ உள்ளது.இன்னும் சொல்ல‌ப் போனால் இந்த‌ உலகத்தில் ப‌ணம் சம்பாதிப்ப‌த‌ற்கு எவ்வெளவுக்கெவ்வ‌ளவு கெட்ட‌ வ‌ழிக‌ள் உள்ளதோ,அதை விட‌ மிக‌ மிக‌ அதிக‌மான ந‌ல்ல‌ வ‌ழிக‌ள் ந‌ம் கண் முன்னே இருக்கின்ற‌ன என்று காட்சிப்படுத்தியிருப்பதும் மிகவும் அருமை.'உன் பேரைச் சொல்லும் போதே உள் நெஞ்சில் உற்சாக‌ம்' ம‌ற்றும் 'க‌தைக‌ளைப் பேசும் விழிய‌ருகே எதை நான் பேச‌ என்னுயிரே' பாட‌ல்க‌ள் இன்னும் ம‌ன‌துக்குள் ரீங்கார‌மிட்டுக் கொண்டிருக்கின்ற‌ன‌.காத‌ல் ஏற்ப‌ட்ட‌வுட‌ன் பெண் 'உணர்வு' பூர்வ‌மாய் மாறுவ‌தையும்,அதே நேர‌த்தில் ஆண் அந்தப் பெண்ணிற்கும் சேர்த்து 'நாளை' யைப் ப‌ற்றி யோசிக்க ஆர‌ம்பிப்ப‌தையும் 'செல்வ‌ராணி-சௌந்தர‌பாண்டி' எபிசோடின் மூல‌ம் அழகாக‌ முன் வைத்திருக்கிறார்க‌ள்.

மிக‌ப் பெரிய‌ அங்காடிக‌ளில் வேலை பார்க்கும் இளைஞர்க‌ள் ப‌டும் துய‌ர‌ங்க‌ளை மிக‌வும் விரிவாக‌க் காட்டிவிட்டு,அதே விச‌ய‌ங்களைப் பாட்டிலும் காட்டுவ‌து சோர்வை ஏற்ப‌டுத்துகிறது.அதே போல் அவ‌ர்களின் சிரமங்களை சொல்லும் சில‌ காட்சிக‌ள் 'கொஞ்சம்' மிகைப்படுத்த‌ப்ப‌ட்ட‌து போல் இருப்பதாகத் தோன்றுவது ப‌ட‌த்தின் மிக‌ப் பெரிய‌ ப‌ல‌வீன‌ம்.அது ப‌ட‌த்தின் ந‌ம்ப‌க‌த்த‌ன்மையைக் குலைப்ப‌தாக‌ உள்ளது.ப‌ட‌த்தில் இட‌ம் பெறும் சில காட்சிக‌ள் ந‌ம்முள் மிகப் பெரிய தாக்கத்தை ஏற்ப‌டுத்தாமல் வெறுமனே ந‌க‌ர்வ‌து ப‌ட‌மாக்க‌ப்ப‌ட்ட‌ வித‌த்தினாலா அல்ல‌து ப‌ட‌த்தின் பின்ன‌ணி இசையினாலா என்று புரிய‌வில்லை.

எது எப்ப‌டியாகினும் நாம் பார்க்க‌ ம‌றந்த‌ உலக‌த்தை ந‌ம் க‌ண் முன் ம‌ட்டும‌ல்லாம‌ல் ம‌ற்ற‌ இய‌க்குன‌ர்க‌ளுக்கும் காட்டியதில் வ‌ச‌ந்த‌ பால‌ன் பார‌ட்ட‌ப்ப‌ட‌ வேண்டிய‌வ‌ராகிறார்.

அங்காடித் தெரு‍-'வெயில்' போல சுள்ளென்று நம் முக‌த்தில் அடிக்காவிட்டாலும்,ந‌ம் 'நிழல்'க‌ளை நமக்கு காட்டியதில் வெற்றி பெற்றிருக்கிறது.

முன் தினம் பார்த்தேனே‍‍-திரை விம‌ர்ச‌ன‌ம்

2010-03-22T17:40:00.000+05:30

நம் எதிர்பார்ப்புகளுக்கு ஏற்ற மாதிரியான பெண்,இந்த உலகத்தில் 'ஒருவர்' மட்டுமே கிடையாது.ஒரே மாதிரி உருவ அமைப்பிலேயே ஏழு பேர் இருக்கும் போது,நம் மனதுக்கு/எண்ணத்துக்கு ஏற்ற மாதிரி அதிகமான பெண்கள் இவ்வுலகத்தில் இருப்பார்கள்.ஒருவர் நம்மை விட்டு விலகிச் சென்றாலும்,மற்றொருவர் நாம் நினைத்தபடியே நமக்கு கிடைப்பார் என்பதை சொல்லும் படம்தான் 'முன் தினம் பார்த்தேனே'.

இந்தப் படத்தின் கதாநாயகனுக்கு காதலிப்பதைத் தவிர வேறு 'வேலை' எதுவும் இல்லையா என்று யாரும் கேட்டு விடக் கூடாது என்பதற்காகவே,கதாநாயகனை Software Company-ல் Project Manager ஆக காட்டியிருக்கும் டைரக்டரின் சமயோசிதத்தைப் பாராட்டாமல் இருக்க முடியவில்லை.அவர் Software Company போல் காட்டியிருக்கும் இடத்தையும்,ஆட்களின் நடவடிக்கைகளையும் பார்க்கும் போது,மதுரைப் பக்கத்தில் வாழும் கதாநாயகன் சென்னை பாஷை பேசுவது போல் உள்ளது.

படத்தை ஒரளவிற்கு பார்க்க வைப்பது தமனின் இசையும்,சாய் பிரசாந்த்தின் காமெடியும் மட்டும்தான்.சாய் பிரசாந்த்திற்கு நிச்சயம் செய்த பெண் லெட்டர் எழுதி வைத்து விட்டு,வீட்டை விட்டு ஓடியவுடன்,ஹுரோ சஞ்சய்,லெட்டர் மட்டும் எழுதி வைச்சிருந்திருக்கலாமே என்று சாய் பிரசாந்த்திடம் கேட்பது கலக்கல்.நான் காய்ஞ்சு போயிருந்தாலும் என்னோட Taste அவ்வளவு Worst கிடையாது என்று ஹுரோ சஞ்சயின் நண்பனாக வருபவர் ஆஃபிஸ் தோழியிடம் கலாய்ப்பது,சாய் பிரசாந்த்தை அவர் தங்கை கலாய்ப்பது,டான்ஸ் கிளாஸ் காட்சிகள்,பிரியா உனக்கான ஒருத்தனோ/ஒருத்தியோ கண்டிப்பாகக் கிடைச்சிடுவாங்க‌ என்று படத்தின் பல இடங்களில் சின்ன சின்ன நகைச்சுவைக் காட்சிகளால் தோரணம் கட்டியிருக்கிறார்கள்.பொண்ணுங்க எல்லாம் நம்முடைய‌‌‌‌ கழுத்தை நம்மளவே அறுக்க வச்சு,அது நம்ம உடம்புக்கு நல்லதுன்னு நம்மளவே நம்பவும் வைச்சுடுவாங்க என்று படத்தின் வசனகர்த்தாவும் கிடைக்கும் இடங்களில் புகுந்து விளையாடுகிறார்‍‍.ஏற்கெனவே காதலில் தோல்வியுற்ற கதாநாயகன்,தான் விரும்பும் பெண்ணிற்கும் பழைய காதல் ஒன்று உள்ளது என்று தெரிய வந்தவுடன்,அவளை விட்டு விலகி வருவதும் பின்பு அவளையே நினைத்து உருகுவதும் யதார்த்தம்.

தன்னோட அடுத்த‌ படத்துக்காக T.ராஜேந்தர் தேர்வு செய்து வைத்திருந்த ஹீரொயின்ஸை எல்லாம்,படத்தின் டைரக்டர் மகிழ் திருமேனி இந்தப் படத்துக்காகக் கடத்தி கொண்டு வந்துவிட்டார் போல.அத‌னாலேயே,இந்தப் படம் பார்க்கும் போது,ஹிந்தி டப்பிங் படம் பார்ப்பதைப் போன்று உணர்வு ஏற்படுவதைத் தவிர்க்க முடியவில்லை.

ஒவ்வொரு மனிதனும் தான் நேசிப்பதைத் தானே கொன்று விடுகிறான் என்று படத்தில் டைரக்டர் சொல்கிறார்-அவரும் கூட இந்தப் படத்தை ரொம்பவும் நேசித்துவிட்டார் போல்.

முன் தினம் பார்த்தேனே‍‍-படமும் ஏற்கெனவே பார்த்த மாதிரியே இருக்கிறது!

Top 10 Songs-March

2010-03-22T13:32:00.000+05:30

1. ஹோசானா-விண்ணைத் தாண்டி வருவாயா-‍‍இசை:A.R ரகுமான்

2. கொரே கொரே-மாஸ்கோவின் காவேரி-‍‍இசை:தமன்

3. கடவுளே கடவுளே-கச்சேரி ஆரம்பம்‍‍-இசை:இமான்

4. கனவென கனவென-முன் தினம் பார்த்தேனே‍‍-இசை:தமன்

5. துளி துளியாய்-பையா-‍‍இசை:யுவன் சங்கர் ராஜா

6. கங்கை நதி-காவலர் குடியிருப்பு-‍‍இசை:ஜேம்ஸ் வசந்தன்

7. இன்று நான் தனியாளானேன்-தம்பிக்கு இந்த ஊரு-‍‍இசை:தரன்

8. வானத்து நிலவு-அழகான பொண்ணுதான்‍‍-இசை: சுந்தர் சி பாபு

9. கதறக் கதறக் காதலிப்பேன்-குரு சிஷ்யன்‍‍-இசை: தினா

10. மெதுவாய் மெதுவாய்-மாத்தி யோசி-‍‍இசை:குரு கல்யாண்

விண்ணைத் தாண்டி வ‌ருவாயா‍-திரை விம‌ர்ச‌ன‌ம்

2010-03-01T16:33:00.000+05:30

கவுதம் மேனன் இயக்கத்தில்,ரகுமான் இசையமைப்பில்,சிம்பு மற்றும் த்ரிஷா நடிப்பில் வெளிவந்திருக்கும் படம் விண்ணைத் தாண்டி வருவாயா.

மெக்கானிக்கல் இஞ்சியனரிங் முடித்த சிம்புவிற்கு, சினிமா டைரக்டராவதுதான் கனவு.தன்னுடைய வீட்டிற்கு மேல் வீட்டில் குடியிருக்கும், தன்னை விட ஒரு வயது மூத்த,Software Engineer ஆக வேலை பார்க்கும் த்ரிஷாவைக் காதலிக்கிறார்.சிம்புவின் காதலைத் த்ரிஷா ஏற்றுக் கொண்டு,சிம்புவிற்காகத் தன் வீட்டைத் தாண்டி வருகிறாரா என்பதுதான் 'விண்ணைத் தாண்டி வருவாயா' படத்தின் கதை.

தமிழில் முழுமையான ஒரு நல்ல காதல் படம் வந்து பல நாட்களாகி விட்டதால்,படத்தின் முதல் பாதி முழுவதும் இளமைக் கொண்டாட்டமாகச் செல்கிறது.சிம்புவும் சரி,த்ரிஷாவும் சரி,இதற்கு முன் எந்தப் படத்திலும் இவ்வளவு அழகாக இருந்ததுமில்லை;நடித்ததுமில்லை.AR ரகுமானின் குரல்,சிம்புவிற்குப் பொருந்துவது போல்,இந்த அளவு அழகாக யாருக்கும் பொருந்தியதாகத் தெரிய‌வில்லை.உலகத்தில் எத்தனையோ பொண்ணு இருந்தாலும்,அவள் மேல் ஏன் காதல் ஏற்பட்டது என்று சிம்பு,சிம்புவின் நண்பராக வரும் கேமராமென்,த்ரிஷா போன்றோர் காட்சிக்கு ஏற்ற‌ மாதிரி கேட்டுக்கொள்வது நன்றாக இருக்கிறது.அதேபோல்,இதற்கு முன் யாரும் உன்னைக் காதலித்ததில்லையா என்று சிம்பு த்ரிஷாவிடம் கேட்கும் போது,அதற்கு அவர் 'உன் கண் வழியா அவங்க யாரும் என்னைப் பார்க்கலை போல்' என்று சொல்வது அருமை.

அளவுக்கு மீறினால் அமிர்த‌மும் ந‌ஞ்சு என்பது போல்,ப‌ட‌த்தில் ர‌குமானின் இசை,காமிரா,ந‌டிப்பு என்று எவ்வளவோ விச‌ய‌ங்க‌ள் ந‌ன்றாக‌ இருந்தாலும், ப‌ட‌த்தின் முத‌ல் காட்சியிலிருந்து க‌டைசிக் காட்சி வ‌ரைக் காத‌ல்,காத‌ல் என்று காத‌லையே காட்டிக் கொண்டிருப்ப‌து அசுவாரசிய‌மாக‌ இருக்கிற‌து.ஹீரோயின்,ஹீரோவைப் பிரிந்து செல்வ‌தற்கான கார‌ணம் க‌டைசி வ‌ரை ஹீரோவிற்கு வேண்டுமென்றால் தெரியாம‌ல் இருக்கலாம்.அத‌ற்காக‌ப் பட‌ம் பார்க்கும் பார்வையாளர்க‌ளுக்கு கூட‌வா தெரியாம‌ல் இருப்ப‌‌து.அப்படியே,த்ரிஷா த‌ன்னுடைய‌ குடும்ப‌த்திற்காக‌த்தான் 'திடீரென்று' அந்த‌ மாதிரி முடிவு எடுக்கிறார் என்ப‌து,க‌வுத‌ம் மேனன் காலேஜில் ப‌டித்துக் கொண்டிருந்த‌ கால‌த்திற்கு வேண்டுமென்றால் ச‌ரியாக இருக்க‌லாம்.

எந்த‌க் குத்துப்பாட்டும் இல்லாம‌ல்,ட‌புள் மீனிங் இல்லாம‌ல்,ஒரு முழுமையான‌ காத‌ல் ப‌ட‌த்தைக் குடுக்க 'நினைத்த‌த‌ற்காக' க‌வுதம் மேனனைப் பாராட்ட‌லாம்.நாமெல்லாம் த‌க‌வ‌லைப் ப‌ரிமாற்றிக் கொள்வ‌தற்கு Email,SMS போன்றவற்றைப் ப‌ய‌ன்ப‌டுத்துகிறோம்,க‌வுதம் மேனன்,த‌ன்னுடைய‌ ப‌ட‌ங்க‌ளைப் ப‌ய‌ன்ப‌டுத்திக் கொள்கிறார்.இந்த‌ப் ப‌ட‌த்தை வெள்ளிக்கிழமையே பார்த்து விட்டேன்.அன்றே,பட‌த்தின் விம‌ர்ச‌ன‌த்தையும் போட்டுவிட‌லாம் என்று நினைத்தபோது,இந்தப் ப‌ட‌த்தில் டைர‌க்ட‌ர்,உண்மையான விம‌ர்ச‌ன‌மெல்லாம் இப்போது திங்க‌ள் கிழமைதான் வெளிவ‌ருகிறது என்று கூறிய‌தால்,இன்று விம‌ர்ச‌ன‌த்தைப் போட‌வேண்டிய‌தாயிற்று.

விண்ணைத் தாண்டி வ‌ருவாயா-காதலைப் போலவே படமும்,ஆரம்பத்தில் Interesting;கடைசியில் Torture.

விண்ணைத் தாண்டி வருவாயா?

2010-02-26T09:41:00.000+05:30

காய்ந்த சருகாய்

உதிர்ந்து கிடக்கின்றன

உன் ஞாபகங்கள்.

மிச்சமிருக்கும் இலைகளுக்கு

என்னையும் அறியாமல்

உயிரூட்டிக் கொண்டிருக்கின்றன

என் நிழல்கள்.

பொலிவிழந்து பட்டுப் போய்

உனக்காக காத்துக் கிடக்கும்

என் மரத்திற்கு

சிதையூட்டும் முன்

. . . .

விண்ணைத் தாண்டி வருவாயா?

Top 10 Songs-February

2010-02-16T13:32:00.000+05:30

1)விண்ணைத் தாண்டி வருவாயா-மன்னிப்பாயா-‍இசை:A.R.ரகுமான்

2)கோவா-இது வரை இல்லாத உணர்விது-‍இசை:யுவன் சங்கர் ராஜா

3)முன் தினம் பார்த்தேனே-பேசும் பூவே-‍இசை:S.தமன்

4)சித்து +2-பூவே பூவே-‍இசை:தரன்

5)பையா-என் காதல் சொல்ல‌-‍இசை:யுவன் சங்கர் ராஜா

6)தம்பிக்கு இந்த ஊரு-யாரடி நீ யாரடி-‍இசை:தரன்

7)அப்பாவி-ர‌யிலின் பாதையில்-‍இசை:ஜோஷ்வா ஸ்ரீத‌ர்

8)லீலை-உன்னைப் பார்த்த பின்பு-‍இசை:சதீஷ் சக்கரவர்த்தி

9)தீராத‌ விளையாட்டுப் பிள்ளை-ஒரு புன்ன‌கைதானே-‍இசை:யுவன் சங்கர் ராஜா

10)அவ‌ள் பெயர் த‌மிழர‌சி-வ‌ட‌க்கா தெற்கா-‍இசை:விஜய் ஆண்ட‌னி

தீராத விளையாட்டுப் பிள்ளை‍-திரை விமர்சனம்

2010-02-15T11:09:00.000+05:30

இன்றைய இளைஞர்கள் விருப்பப்பட்டு தேர்ந்தெடுப்பது கல்வியா?செல்வமா?வீரமா? என்பதைச் சொல்ல 'முற்போக்கு சிந்தனையுடன்(?)' வந்திருக்கும் படம்தான் 'தீராத விளையாட்டுப் பிள்ளை‍'.

தான் தேர்ந்தெடுக்கும் எதுவுமே மிகச் சிறந்ததாக இருக்க வேண்டும் என்ற கொள்கையுடன் வாழ்ந்து கொண்டிருக்கும் விஷால்,கல்யாணம் என்று வரும்போது,மூன்று பெண்களைக் காதலித்து,அந்த மூவரில் மிகச் சிறந்த ஒரு பெண்ணைத் தேர்ந்தெடுக்க நினைக்கிறார்.இதற்காக அவர் தேர்ந்தெடுக்கும் மூன்று பெண்கள் காலேஜில் படித்துக் கொண்டிருக்கும் சரா ஜானே,கோடீஷ்வரியான நீத்து சந்திரா,விளையாட்டில் சிறந்த தனுஸ்ரீ தத்தா.இந்த மூன்று பெண்களில் விஷால் யாரைத் தேர்ந்தெடுக்கிறார் என்பதுதான் தீராத விளையாட்டுப் பிள்ளை‍யின் கதை.

ஆக் ஷன் அதிரடியைக் கைவிட்டு விட்டு இந்த மாதிரி படத்தில் 'நடிக்க' முயற்சித்ததற்காகவே விஷாலைப் பாராட்டலாம்.மூன்று பெண்களும் அறிமுகமாகும் போது 'யுவன் சங்கர் ராஜா' கொடுக்கும் 'Intro Music' நன்றாக இருக்கிறது.படத்தின் மிகப் பெரிய பலமே சந்தானம்,மயில்சாமி,சத்யன் இவர்களோடு விஷால் சேர்ந்து பண்ணும் காமெடிதான்.இதுக்கும் மேல காசு புரட்டனும்னா 'ட்ரெயினைத்தான்' போய் நிப்பாட்டனும் என்று சத்யன் சொல்வதெல்லாம் 'ரொம்பவே' ஓவர்.

பத்து வருடங்களுக்கு ஒரு முறை தமிழ்ப்படம் பார்ப்பவர்கள் கூட ஆரம்பத்திலேயே மிக எளிதாகச் சொல்லிவிடலாம்,விஷால் எந்தப் பெண்ணைத் தேர்ந்தெடுக்கப் போகிறார் என்று.தன்னைப் போலவே மற்ற இரு பெண்களையும் விஷால் காதலித்துக் கொண்டிருக்கிறார் என்று தெரிய வரும்போது,அந்த பெண்ணை விஷால் உடனே நிராகரிப்பதும்,அந்த பெண்தான் ஏதோ தப்பு செய்தது போல் பழியைத் தூக்கிப் போட முயற்சிப்பதும் உறுத்தலாக உள்ளது.'Annonymous' இடமிருந்து ஒரு பெண் 'பாம்' வைத்திருப்பதாக வரும் 'Call'கெல்லாம் 'போலீஸ்' இப்படித்தான் நடந்து கொள்வார்களா எனத் தெரியவில்லை.மூன்று ஹுரோயின்களில் தனுஸ்ரீ தத்தாதான் நடிப்பு,கவர்ச்சி என்று இரண்டுக்கும் வழி இல்லாமல் 'தேமே' வென்று இருக்கிறார்.

படத்தின் இரண்டாம் பாதியைக் கொஞ்சம் குறைத்திருந்தால் படம் இன்னும் சுவாரசியமாக இருந்திருக்கும்."உண்மையான காதல் எதையும் சந்தேகப்படாது,அப்படி சந்தேகப்பட்டால் அந்தக் காதல் நிலைக்காது" என்பதை சொல்ல வந்த படம்,அதைச் சொல்லிய முறையில் கொஞ்சம் சொதப்பினாலும்,'ஜாலியாக' இரண்டரை மணி நேரத்தை செலவழிக்க விரும்பினால்,இந்தப் படத்திற்கு போகலாம்.

தீராத விளையாட்டுப் பிள்ளை‍-நான் அவன் இல்லை

பிரிய‌ச‌கி-4

2010-02-11T19:56:00.000+05:30

உன்னைப் பார்க்க
வரும் போதெல்லாம்
என் இதயம்
ஆம்புலன்ஸ் சைரனாகிறது!

எல்லாக் குழந்தைக‌ளும்
அழகாய் இருப்ப‌துபோல்-உன்
எல்லா பாக‌ங்க‌ளும் அழகு!

தொட்டு விடும் தூரத்தில்
இருக்கிறேன் நான்
மொட்டு பூவாகிடும் கணத்தில்
பார்க்கிறாய் நீ!

ஏழையின் சிரிப்பினில்
இறைவனைக் காண்கிறேன்
உன் சிரிப்பினில்
இறைவனாய் ஆகின்றேன்!

தாவணியில்
தாவும் அணிலாகிறாய்
சுடிதாரில்
சுடர் விடும் ஒளியாகிறாய்
புடவையிலோ
புறாக் கூண்டாகிறாய்!

க‌விதைக் காத‌லி

2010-02-11T10:27:00.000+05:30

அவனுக்கு அவளை முதலில் எப்போது பார்த்தோம்,எப்போதிலிருந்து அவள் மேல் காதல் வந்தது என்று எதுவும் நினைவில் இல்லை.ஆனால்,அவளைப் பற்றியே தினமும் சிந்தித்துக்கொண்டிருக்கிறான் என்பது மட்டும் புரிந்தது.எத்தனையோ பெண்களைத் தினமும் பார்க்க,பேச நேர்ந்தாலும் ஒரு பெண்ணைப் பற்றியே நினைத்துக் கொண்டும்,அவள் இப்போது என்ன செய்து கொண்டிருப்பாள் என்றே யோசித்துக் கொண்டும் இருப்பது அவனுக்கு புது வித அனுபவமாகவும் இருந்தது.

எல்லாப் பெண்களையும் போல் இவளும் அழகாக சிரிப்பாள்;அதிகமாக பேசுவாள்.இவனுக்கு அவளென்றால் உயிர்.அவளுக்கு கவிதைகள் என்றால் உயிர்.எப்போதும் ஏதாவது கவிதைகளைப் படித்துக் கொண்டிருப்பாள்;இல்லையென்றால் கவிதைகளைப் பற்றி பேசிக் கொண்டிருப்பாள்;இல்லையென்றால் ஏதாவது கவிதை எழுதிக் கொண்டிருப்பாள்.இவனுக்கோ கதைகளே புரியாது;இதில் எப்படி கவிதைகளைப் படித்து புரிந்து அவளிடம் பேசுவது.ஆனாலும்,கடந்த மூன்று மாதங்களாக, ஒவ்வொரு வார இறுதி நாளன்றும் மாலை வேளைகளில் அருகில் இருக்கும் "Coffee Shop"-ல் சந்திப்பது இருவரின் வழக்கமாயிருந்தது.அவளுடன் இருக்கும் வேளைகளிலெல்லாம் தாயின் கதகதப்பில் அமைதியாகத் தூங்கும் குழந்தை போல் அவனுக்கு நிம்மதியாக இருந்தது.தான் அவளை விரும்புவது போன்றே அவளும் தன்னை விரும்புவதாக அவனுக்குத் தோன்றிற்று.ஒரு பொண்ணு எப்ப ஒரு பையன் மேல் அக்கறை செலுத்த ஆரம்பிக்குறாளோ, அப்பவே பசங்களுக்குப் பெண்களைப் பிடித்துப் போய்விடுகிறது.அதனால்தான் எல்லாப் பசங்களுக்கும் அவர்களுடைய அம்மா மற்றும் சகோதரிகளை அதிகமாகப் பிடிக்கிறது என்று அவனுக்குத் தோன்றியது.

ஒவ்வொரு முறை அவளை சந்திக்கும்போதும்,அவளிடம் எப்படியாவது தன் காதலை சொல்லிவிட வேண்டும் என்று நினைப்பான்.அவள் தனக்குப் பிடித்த ஆரஞ்சு கலர் சுடிதாரில் வரும் நாளன்று அவளிடம் காதலை சொல்லிவிடலாம் என்று முடிவு செய்திருந்தான் அவன்.
"இன்னைக்கு ஒரு அழகான கவிதை ஒன்றை எழுதினேன்" என்றாள் அவள் மஞ்சள் சுடிதாரின் நுனியைப் பிடித்துக் கொண்டே.
"என்ன கவிதை என்றான்?" இவன்
"ஒரு பெண் தன் கனவு காதலனைப் பிரிந்து படும் துயரங்களை பற்றிய கவிதை" என்றாள் அவள்.
சுவாரசியம் ஏதுமில்லாமல் "ம்" என்றான்.அவளிடம் கவிதை வரிகளைப் பற்றி எதுவும் கேட்கவில்லை.எங்கே சொல்லி விடுவாளோ என்றும் பயந்தான்.
தன் கவிதை கேட்டு நன்றாக இருக்கிறது என்று சொல்வான் என்று நினைத்தவளுக்கு பெருத்த ஏமாற்றமாக இருந்தது.அவள் எழுதிய கவிதைகளிலே இதுதான் அவளுடைய "Best" என்று வேறு நினைத்திருந்தாள் அவள்.

"உனக்கு ஏன் கவிதைகள் என்றாலே பிடிப்பதில்லை"?.சிலருக்கு கவிதை எழுதுவது வராவிட்டாலும் படிப்பதிலோ,கேட்பதிலோவாவது விருப்பம் இருக்கும்.வர வர உன்னிடம் என்ன பேசுவதென்றே எனக்குத் தெரியவில்லை.உனக்கு கவிதை,இலக்கியம் போன்றவற்றிலெல்லாம் விருப்பமே இருப்பதில்லை.என்னுடைய கவிதைக் கேட்டு என்னைப் பாராட்டுவாய் என்று வந்தேன்.உன்னுடன் இருக்கும் நேரங்களிலெல்லாம் நான் வெறுமையாக உணர்கிறேன் என்று கோபமாகக் கிளம்பிச் சென்றாள்.

அவளுக்கு அவனிடம் கோபமாக பேசியது மிகுந்த வருத்தத்தை தந்தது.அதுவும் அவனைப் பார்க்க வருவதற்கு சற்று முன்புதான் அவள் அம்மாவிடம் எதற்கோ சண்டை போட்டு விட்டு வந்தாள்.அம்மா மேல் உள்ள கோபத்தைத் தேவையில்லாமல் அவனிடம் காட்டியது புரிந்தது.அவன் மேல் அவளுக்கு பரிதாபம் ஏற்பட்டது.அவனுக்குக் கவிதையைப் பற்றி ஏதும் தெரியாவிட்டாலும்,நன்றாக ஓவியம் வரைவான் என்பது அவளுக்கும் தெரியும்.தேவையில்லாமல் அவனைத் திட்டியதை நினைத்து வருந்தி அவனுக்கு "Sorry" என்று மெசேஜ் அனுப்பினாள்.

ஒவ்வொருவருக்கும் ஒவ்வொன்றின் மேல் விருப்பம் இருக்கும் என்பது இவளுக்கு ஏன் புரிவதில்லை;நான் மட்டும்தான் அவளை காதலித்துக் கொண்டிருக்கிறேன்;அவள் தன்னை ஒரு நல்ல நண்பனாக கூட நினைப்பதில்லை என்று அவள் மேல் கோபத்தில் இருந்ததால் அவன் பதில் எதுவும் அனுப்பவில்லை.சிறிது நேரம் சென்ற பிறகு "I am really very Sorry" என்று அவளிடமிருந்து மெசேஜ் வந்தது.அதன் பின் அவளிடமிருந்து மீண்டும் ஒரு மெசேஜ்.

"கரையில் நிற்கும் உன் கால்களுக்கு

என் அலைகளைக் கொண்டு

எத்தனை முறை மன்னிப்பு கோருவது"

நான்கு,ஐந்து முறை படித்தபிறகுதான் அவள் எழுதியிருந்தது அவனுக்குப் புரிந்தது. அவளுக்குத் தொலைபேசி உன் மேல் கோபம் ஏதுமில்லை.அடுத்த வாரம் சந்திக்கலாம் என்றான்.காதலுக்காக ஒவ்வொருவனும் எது எதையோ செய்யும் பொழுது,அவளுக்குப் பிடித்த மாதிரி தானும் கவிஞனாகி விடலாம் என்று முடிவு செய்து,இனிமேல் அவளை சந்திக்கையில் தன் கவிதைகளோடுதான் சந்திப்பது என்றும் நினைத்துக்கொண்டு சங்க காலப் பாடல்களிலிருந்து நவீன கவிதைகள் வரை படிக்க ஆரம்பித்தான்.அடுத்த வாரம் அவள் அவனை "Coffee Shop" ற்கு அழைத்த பொழுது,வேலையில் 'பிஸி' என்று சந்திப்பதை தவிர்த்தான்.அவளுக்கோ, அன்று அவனிடம் கோபமாகப் பேசியதால்தான் தன்னை சந்திப்பதைத் தவிர்ப்பதாகத் தோன்றிற்று.

அவனுக்கு,அவன் மேலேயே மிகவும் கோபமாக இருந்தது.இத்துடன் அவளைப் பார்த்து முழுமையாக 90 நாட்கள் ஆயிற்று.அவனால் ஒரு வரி கூட இதுவரை எழுத முடியவில்லை.படிக்கின்ற காலத்தில் அல்ஜுப்ரா,Chemistry Equations,Java போன்றவற்றையெல்லாம் அவனுக்கு சுத்தமாகப் பிடிக்காவிட்டாலும் கூட,அவனால் கொஞ்சமாவது அவற்றைப் புரிந்து கொள்ளவும்,எழுதவும் முடிந்தது.எத்தனையோ கவிதைப் புத்தகங்களைப் படித்தும்,ஒரு கவிதை கூட எழுத முடியாததின் காரணங்களும் அவனுக்குப் புரியவில்லை.கவிதை எழுதியபிறகுதான் அவளைப் பார்ப்பதென்றால் அது இந்த ஜென்மத்தில் நடக்காது என்றும் தோன்றியது.ஒருத்தவங்களை விட்டு விலகி இருக்கும்போதுதான்,அவங்க கூட நாம எவ்வளவு நெருக்கமாக இருந்திருக்கின்றோம் என்பதே தெரிய வருகிறது என்று நினைத்துக் கொண்டான்.அந்த நேரம் பார்த்து அவளும் Call பண்ணி இப்போது சந்திக்கலாமா என்று கேட்டாள்.தன்னைவிட அவளுக்குத் தன்னை சந்திக்க ஆர்வமிருப்பதை நினைக்கையில் அவனுக்கு மிகவும் சந்தோஷமாக இருந்தது.

இன்று தன் காதலை எப்படியாவது சொல்லி விடுவது என்று முடிவெடுத்தான் அவன்.தான் பெற்ற பிள்ளையிடம் தான்தான் அதனுடைய அம்மா என்று சொல்ல முடியாத தாயின் வலியை விட,காதலிக்கும் பெண்ணிடம் 'காதலை' சொல்ல முடியாததின் வலி அதிகம் என்று அவனுக்குத் தோன்றியது.இன்னும் பத்து நிமிடங்களில் அவள் இங்கு இருப்பாள்.முழுமையாக தொன்னூறு நாட்களுக்குப் பிறகு அவளை சந்திக்கப் போகின்றான்.

ஆரஞ்சு கலர் சுடிதாரில் அட்டகாசமாக வந்தாள் அவள்.இன்னும் கூட என் மேல் கோபமா என்ன?போன வாரம் கூட சந்திக்கலாமென்றால் வெளியூர் போகிறேன் என்றாயே என்றாள்.உன்னைப் பார்க்காமல் இருந்தப்பதான் உன்னை எவ்வளவு தூரம் Miss பண்றேன்னு புரிஞ்சது.எப்படி இருக்க? வேலையெல்லாம் எப்படி போயிக்கிட்டிருக்கு என்றாள்.அப்புறம், எனக்கு கல்யாணம் முடிவாயிடுச்சு.நேரில் உன்னைப் பார்த்துக் கொடுக்கலாம் என்று Phone பண்ணினால் நீ பிஸியாகவே இருந்தாய்.இந்தா Invitation,கண்டிப்பாக கல்யாணத்திற்கு வரணும் என்றாள்.

நீ கல்யாணம் பண்ணிக்கப் போகிறவருக்கு கவிதை எழுத வருமா என்றான்.அவரும் உன்னை மாதிரிதான் "கவிதைனா என்னன்னே தெரியாது" என்று சொல்லி சென்றவளையே பார்த்துக் கொண்டிருந்த அவன்,அன்று இரவு தன்னுடைய முதல் கவிதையை எழுத ஆரம்பித்தான்.

காதலைக் கொலை செய்தல்

------------------------------------
உன் அன்பும் கிடைக்காமல்

என் பிரியங்களும் கிடைக்காமல்

தனித்து விடப்பட்ட

ஒரு வெயில் காலத்தில்

நம் கால்களையே சுற்றித் திரிந்து

கத்திக் கதறி

தனித்து விடப்படப்பட்டதின் அவமானத்தில்

ஜீவித்திருக்க வேறு வழி தெரியாமல்

நம் காதல் தற்கொலை செய்து கொண்டது

கொலை செய்த குற்றவுணர்ச்சி

ஏதும் இல்லாமல்

அடுத்த கொலைகளுக்காக

ஆயத்தமாகிறோம் நாம்...

SMS

2010-02-09T11:02:00.000+05:30

கொடும் கனவுகளூடே
கரையும் யாருமற்ற இரவு
மயான அமைதியைக் கிழிக்கும்
நாய்களின் ஊளல்
தானாகவே திறந்து மூடும்
சன்னல்களும்,கதவுகளும்
பேயறைந்த உணர்வில்
தூக்கமில்லாமல் தவிக்கும் கண்கள்
பயம் நிறைந்து நீளும் இரவை
ஒரே நொடியில்
இல்லாமல் செய்து விடுகிறது
உன்னிடமிருந்து வரும் ஒரு SMS.

அச‌ல்‍-விம‌ர்ச‌ன‌ம்

2010-02-08T11:15:00.000+05:30

விஜய்க்கு சரியான போட்டியாளன் தான் மட்டுமே என்பதை நிரூபிக்க சரண் இயக்கத்தில்,அஜித் நடிப்பில் வெளிவந்திருக்கும் படம்தான் அசல்.

அப்பா அஜித்திற்கு,இரண்டு மனைவிகள்.மூத்த மனைவிக்கு பிறந்தவர்கள் சம்பத்தும்,ராஜிவ் கிருஷ்ணாவும்.இரண்டாவது மனைவியின் பிள்ளை அஜித்.இதில் அப்பாவிற்கு விசுவாசமான 'அசல்' பிள்ளை யார் என்பதுதான் அசல் படத்தின் கதை.

படத்தின் பெரும் பகுதி ஃப்ரான்சில் நடப்பதால் ஒளிப்பதிவாளரின் கை வண்ணத்தில் காட்சிகளெல்லாம் அழகாக இருக்கின்றன்.'Fashion Show'-ல் மாடல்கள் நடப்பது போல் இன்னும் எத்தனை படங்களில் அஜித் இப்படியே நடந்து கொண்டிருக்கப் போகிறாரோ தெரியவில்லை.படத்தின் டைட்டிலில் 'கோ-டைரக்டர்' மற்றும் கதை,திரைக்கதை,வசனம் உதவி 'அஜித்' என்று போட்டிருந்ததைப் பார்த்த பொழுது,சரணுக்கு தன்னுடைய படத்தை இயக்க வாய்ப்பளித்ததற்காக,பதிலுக்கு சரண் பண்ணிய உதவியோ என்று தோன்றியது.முழுப் படத்தையும் பார்க்கும் பொழுதுதான் அஜித் உண்மையிலேயே 'Involve(?)' பண்ணியிருப்பது தெரிகிறது.தன் பெயருக்கு முன்னால் 'அல்டிமேட் ஸ்டார்' என்று போடுவதை இந்தப் படத்திலிருந்து நிறுத்தியிருப்பது போல்,படத்தின் வசனங்களிலும் 'தலை' என்பதைத் தவிர்த்தால் மிகவும் நன்றாக இருக்கும்.அதைத் தொடர்ந்து கேட்கும் பொழுது நமக்குத்தான் 'தலை' வலிக்கிறது.

யூகி சேதுவின் சில காட்சிக‌ளும்,பட‌த்தின் இர‌ண்டாம் ப‌குதியில் ச‌மீரா ரெட்டியும்,பாவ‌னாவும் பேசிக் கொள்ளும் சில‌ வ‌ச‌ன‌ங்களும் நன்றாக‌ இருக்கின்றன.எல்லாப் படங்களிலும் 'ஹீரோ' பறந்து பறந்து அடியாட்களை அடிப்பார்.இந்தப் படத்தில் 'பறந்து பறந்து' வரும் அடியாட்களை 'ஹீரோ' அடிக்கிறார்.‌டைரக்டருக்கு அஜித்துடன்,பாவனாவைத்தான் கடைசியில் சேர்த்து வைக்க வேண்டும் என்று ஆசை இருந்தால்,சமீரா கேரக்டரையே,பாவனாவிற்கு கொடுத்திருந்திருக்கலாம்.

ஒரு திறமையான‌ பேட்ஸ்மேன்,மிக‌ச் சாத‌ர‌ண பாலுக்கு அவுட்டாவ‌து போல்,அஜித் போன்ற ந‌ல்ல‌ ந‌டிக‌ர் 'அச‌ல்' மாதிரி ப‌ட‌ங்க‌ளைத் தேர்ந்தெடுத்து ந‌டிப்ப‌தைப் பார்க்கும் பொழுது வ‌ருத்த‌மாக‌த்தான் இருக்கிற‌து.

இந்த‌ப் ப‌ட‌ம் பார்த்த‌திலே ஏற்ப‌ட்ட‌ ஒரே உருப்ப‌டியான‌ விச‌ய‌ம் 'Mercy' என்கின்ற‌ ஃபிரென்ச் வார்த்தைக்கு 'ந‌ன்றி' என்பது‌ அர்த்த‌ம் என்பதைத் தெரிந்து கொண்ட‌துதான்.

அச‌ல்‍-ப‌ழைய‌ ப‌ட‌ங்க‌ளின் நக‌ல்.

த‌மிழ்ப்ப‌ட‌ம்‍-விம‌ர்ச‌ன‌ம்

2010-02-02T16:54:00.000+05:30

பிறந்தவுடனே சாவின் கோரப் பிடியிலிருந்து தப்பிப் பிழைத்த குழந்தை ஒன்று,எப்படி 'வளர்ந்தவுடன்' பெரிய ஹீரோவாகிறது (அ) தன்னுடைய‌ பேரனைப் பெரிய ஹீரோவாக்க வேண்டும் என்பதற்காக,ஒரு பாட்டி அனுபவிக்கும் இன்னல்களும்,துயரங்களும் கொண்ட 'கண்ணீர் காவியம்தான்' தமிழ்ப்படம் (அ) அட போங்கப்பா....கதையா இப்ப முக்கியம்.

வெங்கட்பிரபு தன்னுடைய படங்களில் சின்னதாக ஆரம்பித்து வைத்த ஒரு விசயத்தையே 'முதலாகக்' கொண்டு,எல்லோரும் இரசிக்கக்கூடிய வகையில்,முழுப்படத்தையும் காமெடியாக எடுத்திருக்கிறார் இயக்குனர் அமுதன்.

கருத்தம்மா,தளபதி,பாட்ஷா,பாய்ஸ்,காதலுக்கு மரியாதை,7G ரெயின்போ காலனி,நாயகன்,சிவாஜி,மொழி,கஜினி,தூள்,மௌன ராகம்,காதலன்,காக்க காக்க,அபூர்வ சகோதரர்கள்,வைதேகி காத்திருந்தாள்,பாண்டவர் பூமி,சமுத்திரம்,அந்நியன்,ரன்,கந்தசாமி,போக்கிரி,பில்லா...இப்படி ஹிட்டான படங்களையே கிண்டல் பண்ணுவதால்,படத்தோடு ஒன்றி,எல்லாக் காட்சிகளையும் இரசிக்க முடிகிறது.

ஹீரோ சிவா ஒவ்வொரு வில்லன்களையும் கொல்வதற்குப் பயன்படுத்தும் 'உக்தி' யாருமே நினைத்துப் பார்க்க முடியாத அளவிற்கு 'அட்டகாசமாக' உள்ளது.தன்னை நெருங்கவிடாமல் செய்ய, வில்லன் ஏற்படுத்தும் மின்சாரம்,புயல்,தீ போன்ற மூன்று தடைகளை முறியடிப்பதாகட்டும்,முக்கியமான வேலையாக(?) பாண்டிச்சேரி செல்வதற்காக மேலதிகாரியிடம் 'லீவ்' அப்ளை பண்ணுவதாகட்டும், சிவாவைத் தவிர இந்தப் படத்திற்கு ஹீரோவாக வேறு யாரையும் நினைத்துப் பார்க்க முடியவில்லை.படத்தில் ஹீரோவின் குடும்பப் பாடல் வரும்பொழுது சிரிக்காதவர்கள் யாரும் இருக்க முடியாது.

இந்தப் படத்தில் மிகவும் பாராட்டப்பட வேண்டியவர் படத்தின் வசனகர்த்தாதான்.'நான் சாகறதுக்குள்ளே பரத நாட்டிய அரங்கேற்றம் பண்ணனும்‍‍-அப்ப உங்களுக்கு சாவே வராதா' என்று காட்சிக்கு காட்சி நம்முடைய வயிற்றைப் பதம் பார்க்கிறார்.படத்தின் மிகப் பெரிய மற்றொரு பலம்,படத்தின் டைரக்டர் எல்லாவற்றையும் 'மாற்றி யோசி'த்திருப்பது.பொதுவாக தமிழ் படங்களில் ஹீரோவின் வயது '50'ற்கு மேல் இருந்தாலும் அவரின் நண்பர்களின் உண்மையான வயது '25' ஆக இருக்கும்.ஆனால் இந்தப் படத்தில் ஹீரோவிற்கு 25 வயது. அவருடைய நண்பர்களுக்கெல்லாம் வயது '50'ற்கு மேல்.கிட்டத்தட்ட 'எல்லா' காட்சிகளையும் இப்படி 'உல்டா' வாக்கியிருப்பதுதான் படத்தை சுவாரசியமாகக் கொண்டு செல்கிறது.இடைவேளைக்குப் பிற‌கு சிறிது நேர‌ம் ப‌ட‌ம் தொய்வாக‌ செல்வ‌து ஒரு குறை.

பாலசந்தர்,பாரதிராஜா,மகேந்திரன்,மணிரத்னம்... போன்றோரின் பல படங்களால் எப்படி தமிழ் சினிமா மற்றொரு தளத்திற்கு சென்றதோ,அதேபோல் இந்தப் படமும் கூட மாற்றத்தைக் கொண்டு வரலாம்.இனி வரும் படங்களில் எந்த ஹீரோவும் 'பஞ்ச்' டயலாக் பேசினாலோ அல்லது 'Opening Song'-ல் 'ப‌ந்தா' காட்டினாலோ,ம‌க்க‌ள் ம‌ன‌தில் இந்த‌ப் ப‌ட‌ம் ஞாப‌க‌த்திற்கு வ‌ந்து சிரிப்பைக் கூட‌ உண்டு ப‌ண்ணலாம்.

ஏறக்குறைய‌ எல்லா நடிக‌ர்க‌ளும் '2011'‍ல் முத‌ல‌மைச்சர் ப‌த‌விக்கு க‌ன‌வு கொண்டிருக்கும் இந்த‌ வேளையில்,இந்த‌ப் ப‌ட‌த்தை எடுத்த‌த‌ற்காக‌ த‌யாரிப்பாளரை,அவ‌ருடைய‌ தாத்தா,அப்பா,சித்த‌ப்பா ம‌ற்றும் குடும்ப‌த்தின‌ர் அனைவ‌ரும் க‌ண்டிப்பாக‌ப் பாராட்டியிருப்பார்க‌ள்.

த‌மிழ்ப்ப‌ட‌ம்‍-I.S.I முத்திரை குத்த‌ப்ப‌ட்ட‌ 'அக்மார்க்' த‌மிழ்ப்ப‌ட‌ம்

கோவா-திரை விமர்சனம்

2010-02-02T14:27:00.000+05:30

கிராமத்தில் வெட்டியாக ஊர் சுற்றித் திரியும் மூன்று இளைஞர்கள்,ஊர் கட்டுப்பாட்டை உடைத்தெறிந்து விட்டு,ஒரு 'உயர்ந்த' இலட்சியத்துடன் கோவா செல்கிறார்கள்.தங்களுடைய இலட்சியத்தை அவர்களால் அடைய முடிகிறதா என்பதுதான் கோவா படத்தின் கதை.

இந்தப் படத்திலும் வெங்கட் பிரபு தன்னுடைய முந்தையப் படங்களைப் போலவே பழைய படங்களை நன்றாகவே கிண்டலடித்திருக்கிறார்.ஜெய்,பிரேம்ஜி அமரன்,வைபவ் காதலோடு 'இன்னொரு' காதலும் ஒரே ட்ராக்கில் போவது நன்றாகவே இருக்கிறது.ஜெய்-பியா,பிரேம்ஜி அமரன்-வெள்ளைக்காரப் பொண்ணு காதலோடு ஒப்பிடும்போது,வைபவ்-சினேகா காதல் படத்துடன் ஒட்டவே இல்லை.வெள்ளைக்காரப் பொண்ணை ரொம்ப நன்றாகவே நடிக்க வைத்திருக்கிறார்கள்.சம்பத்தை தன்னுடைய முந்தைய படங்களைப் போலவே,இந்தப் படத்திலும் வெங்கட் பிரபு 'அழகாகப்' பயன்படுத்தியிருக்கிறார்.சிம்புவையும் மிக அழகாக கதைக்குள் பொருந்திப் போகச் செய்திருப்பது வெங்கட் பிரபு 'டச்'.

6 Packs coming soon,தமிழ் நாட்டையே உங்களுக்கு கொடுக்கிறேன்னு சொல்லி-தமிழ்நாடு மேப்பைக் கொடுப்பது என்று பல சின்ன சின்ன விசயங்கள் நன்றாகவே இருந்தாலும்,முழுப் படமாகப் பார்க்கும் போது பல காட்சிகள் மனதில் ஒட்டாமலேயே இருக்கின்றன.எமோஷனாலான சில காட்சிகளையும் காமெடியாக மாற்றும் பொழுது சிரிக்கவும் முடிவதில்லை.அதிகமான பாடல்களும் படத்தின் வேகத்திற்கு தடையாகவே இருக்கின்றன.

கோவா‍‍-'பாண்டிச்சேரி'.

ஆயிரத்தில் ஒருவன்-விமர்சனம்

2010-01-20T17:18:00.000+05:30

பாண்டிய இனத்தினுடைய குலத் தெய்வ சிலையை,சோழ இனம் பறித்துக் கொள்கிறது.இதற்காக இவர்களுக்குள் மூளும் போரில்-சோழ நாடு எல்லாவற்றையும் இழந்து-எஞ்சிய சில மக்களுடன்-கண் காணாத இடத்தில் வாழ்ந்து கொண்டிருக்கிறார்கள்.தங்களுடைய நாட்டிற்கு என்றாவது ஒரு நாள் திரும்பிச் செல்வோம் என்ற நம்பிக்கைதான்,சோழ இன மக்களை அவ்வளவு சிரமமான வாழ்விற்கு இடையிலேயும் உயிர்ப்பித்துக் கொண்டிருக்கிறது.எங்கோ கஷ்டப்பட்டு வாழ்ந்து கொண்டிருக்கும் அந்த இனத்தைத் தேடிக் கண்டிபிடித்து,சிலையை மட்டும் கவர்ந்து வர எண்ணாமல்,பல நூறு ஆண்டுகள் கழிந்த பின்னும்,அதே பழைய வன்மத்துடன்,அந்த இன மக்களை-திட்டமிட்ட சதி,நம்பிக்கைத் துரோகம் போன்றவற்றின் துணை கொண்டு,போர் தர்மங்களையும் காற்றில் பறக்க விட்டு,கூண்டோடு அழித்தொழிக்க முயலும் மற்றொரு இனத்தின் கதைதான்,செல்வராகவன் 'Fantasy' யோடு கொடுத்திருக்கும் 'ஆயிரத்தில் ஒருவன்'.

M.G.R படத்துப் பேரை வைத்திருப்பதினாலேயே,M.G.R படப் பாடல்கள்,படத்தின் முதல் பாகம் முழுவதும் ஒலிக்கின்றன.செல்வராகவன் தன்னுடைய பழைய பாடத்தின் சாயல்களை கவனமாகத் தவிர்த்திருந்தாலும்,'கட்டிப்பிடி' வைத்தியம் போன்ற சில காட்சிகளில் பழைய செல்வராகவனைப் பார்க்க முடிகிறது.முதல் பாதியின் வேகத்திற்கு ஈடு கொடுக்க முடியாமல்,கொஞ்சம் தடுமாறுகிறது படத்தின் இரண்டாவது பாதி.பாம்பு,புதை குழியிலிருந்து தப்பிப்பது போன்று நம்ப முடியாத சில விஷயங்கள் இருந்தாலும்,இப்படிப்பட்ட படங்களைத் தமிழிலும் எடுக்க முடியும் என்று நிருபித்ததுற்காகவே செல்வராகவனைப் பாராட்டலாம்.இளையராஜா அல்லது ரகுமான் இசை அமைத்திருத்தால் படத்தின் பின்னணி இசை இன்னும் அழகாய் அமைந்திருக்கும்.

இந்தப் படத்தில் நடித்துள்ள/பங்களித்துள்ள கலைஞர்கள் அனைவருமே பாராட்டப்பட வேண்டியவர்கள்.

பின் குறிப்புகள்:

1) நான் தங்கியிருக்கும் இடத்திற்கு அருகிலுள்ள தியேட்டரில் ஒரு மாதத்தில் எடுக்கப்பட்ட ஒரு கோடி பட்ஜெட் படமாக இருந்தாலும் சரி,மூன்று வருடங்களாக எடுக்கப்பட்ட நூறு கோடி பட்ஜெட் படமாக இருந்தாலும் சரி,டிக்கெட்டின் விலை நூறு ரூபாய்தான்.அந்த வகையில் இந்தப் படம் எனக்கு திருப்தியளித்தது.

2) இந்தியா,ஆஸ்திரேலியா போன்ற 'டீம்' களுடன் கிரிக்கெட்டில் நன்றாக விளையாடி,ஜெயிக்கும் நிலைமைக்கு சென்று,கடைசி நேரத்தில் சில தவறுகள் செய்து,நூலிழையில் தோற்றாலும் எனக்கு இந்திய'டீம்' மேல் கோபம் வருவதில்லை.அதற்குப் பதிலாக அவர்களைப் பாராட்டவே தோன்றும்.அதே நேரத்தில் 'பங்களாதேஷ்' போன்ற 'சொத்தை' 'டீம்' களுடன் விளையாடி,மிகவும் கஷ்டப்பட்டு கடைசி பந்தில் ஜெயித்தாலும்,இந்தியன் 'டீமை' அப்போதைக்கு திட்டத்தான் தோன்றுகிறது.

3) தமிழில் இப்பொழுது 'ரிலீஸ்' ஆகும் படங்களை,அதனுடன் வெளி வந்த அல்லது அந்த படத்திற்கு சில மாதங்களுக்கு முன் வந்த மற்ற படங்களுடன்தான்(குறைந்த பட்சம் தென் இந்திய மொழிப் படங்கள்) ஒப்பிடத் தோன்றுகிறது‍‍-இங்கிலீஸ் படங்களுடன் அல்ல.(இந்தப் படம் தெலுங்கு 'அருந்தியை' விட நன்றாகவே இருப்பதாகத் தோன்றுகிறது)

4) ஒலிம்பிக் போன்ற போட்டிகளில்,இந்திய நாட்டின் சார்பாக விளையாடச் செல்லும் நபர் வெண்கலப் பதக்கமோ அல்லது நான்காவது இடமே பெற்றாலும் கூட எனக்கு அவரைத்தான் பாராட்ட தோன்றுகிறது.ஏனென்றால் இங்கே கிடைக்கும் வசதி வாய்ப்புகளையும்,பல முட்டுக்கட்டைகளையும் தாண்டி ஒருவர் வெண்கலப் பதக்கம் வாங்குவது,அமெரிக்கா அல்லது சீனா போன்ற நாடுகளைச் சேர்ந்தவர்கள் தங்கப் பதக்கம் வாங்குவதை விட மேன்மையானது என்பது என்னுடைய தனிப்பட்ட அபிப்ராயம்.

5) தமிழில் மிக,மிக குறைவாக படம் பார்க்கும் ஒருவர் கூட 'மூன்று' அல்லது 'நான்கு' மாதங்களுக்கு இடையில் ஒரு படமாவது பார்த்து விடுவார்.அதன்படி,கடந்த மூன்று மாதங்களில் இதற்கு இணையான அல்லது இதைவிட 'நல்ல' படம் எதுவும் வந்து இருப்பதாக‌ எனக்குத் தோன்றவில்லை.

ஆயிரத்தில் ஒருவன்-'ரொம்ப' நல்ல படம் என்று சொல்ல முடியாவிட்டாலும்-நல்ல படம் என்று தயங்காமல்,மனம் திறந்து மற்றவர்களுக்கு சொல்லலாம்.

நிராகரிப்பு

2010-01-12T18:35:00.000+05:30

தனிமை என்னை

கொஞ்சம் கொஞ்சமாய் தின்னத் தொடங்கிய

வெம்மையான ஒரு பகல் வேளையில்

எறும்பு ஒன்று என்னுள்

ஊர்ந்து செல்வதையே பார்த்துக் கொண்டிருந்தேன்..

என் பிரியங்களையும்,வலிகளையும்

எறும்பின் மேல் ஏற்றிவிட்ட கணத்தில்

பாரம் தாங்காமல் கீழே விழ ஆரம்பித்தது

என் பிரியங்களை

என்னிடமே விட்டு விட்டு...

[உரையாடல் கவிதைப் போட்டிக்காக எழுதியது]

பிரிய‌ச‌கி-3

2010-01-07T10:51:00.000+05:30

நீரும் நெருப்பும்-அது

M.G.R படம்

நீயும் நானும்

காதலின் பிறப்பிடம்!

நீ பார்த்து செல்லும்

ஒவ்வொரு முறையும்

என் இதயம் Restart ஆகிறது!

உன் முகத்தில் விழும்

ஒற்றை முடி கற்றை

என் விரல்களுக்கு ஊஞ்சலாகிறது!

உன் பெயரை மட்டுமே

உச்சரித்துக் கொண்டிருக்கிறேன்

இரவு நேரத்துப் பூனை போன்று!

தேவதைகளும் வந்து

அழகுக் குறிப்புகள்

வாங்கிச் செல்லும் அழகி நீ!

என் பிறந்த நாளுக்கு

என்ன பரிசு வேண்டுமென்று கேட்டுவிட்டு

பரிசைச் சொன்னவுடன்-அப்போதைக்கு

கன்னத்தில் மட்டும் முத்தமிட்டு செல்கிறாய்!

Top 10 Movies-2009

2009-12-31T20:50:00.000+05:30

இந்த வருடத்தில் நான் பார்த்த தமிழ் படங்கள் பின் வருமாறு:

1.படிக்காதவன்
2.வில்லு
3.காதல்னா சும்மா இல்லை
4.வெண்ணிலா கபடிக்குழு
5.த.நா.07-அல-4777
6.சிவா மனசுல சக்தி
7.தீ
8.யாவரும் நலம்
9.அயன்
10.கார்த்திக் அனிதா
11.குங்குமப்பூவும் கொஞ்சுப்புறாவும்
12.பசங்க
13.நீயூட்டனின் மூன்றாம் விதி
14.சர்வம்
15.ராஜாதிராஜா
16.மாயாண்டிகுடும்பத்தார்
17.மாசிலாமணி
18.முத்திரை
19.வால்மீகி
20.நாடோடிகள்
21.வாமனன்
22.இந்திரவிழா
23.அச்சமுண்டு அச்சமுண்டு
24.மோதி விளையாடு
25.மலை மலை
26.சிந்தனை செய்
27.பொக்கிஷம்
28.நினைத்தாலே இனிக்கும்
29.ஈரம்
30.உன்னை போல் ஒருவன்
31.சொல்ல சொல்ல இனிக்கும்
32.திரு திரு துறு துறு
33.பேராண்மை
34.கண்டேன் காதலை
35.ஆதவன்
36.யோகி
37.வேலுபிரபாகரனின் காதல் கதை
38.ரேனிகுண்டா
39.கந்தசாமி
40.லாடம்
41.வேட்டைக்காரன்
42.நான் கடவுள்

இந்த‌ வ‌ருட‌ம் தமிழில் வ‌ந்த‌ நல்ல‌ ப‌ட‌ங்க‌ளின் எண்ணிக்கை மிக‌வும் குறைவு என்ப‌தாக‌த்தான் தோன்றுகிற‌து.என‌க்குப் பிடித்த‌ 10 ப‌ட‌ங்க‌ளில் நான் 'ரீமேக்' ப‌ட‌ங்க‌ளை சேர்க்க‌வில்லை.

1.வெண்ணிலா கபடிக்குழு
2.யாவரும் நலம்
3.நான் கடவுள்
4.அச்சமுண்டு அச்சமுண்டு
5.ஈரம்
6.ரேனிகுண்டா
7.அயன்
8.திரு திரு துறு துறு
9.சிவா மனசுல சக்தி
10.பசங்க

அனைவ‌ருக்கும் இனிய‌ புத்தாண்டு நல்வாழ்த்துக‌ள்!

Top 10 Songs-2009

2009-12-30T10:40:00.000+05:30

தினம் தினம் எத்தனையோ பாடல்களைக் கேட்க நேர்ந்தாலும்,சில பாடல்கள் மட்டும்,ஏதோ சில காரணங்களினால் நம் மனதுக்கு மிக பிடித்த பாடலாகிவிடுகின்றன.இந்த வருடத்தை திரும்பி பார்க்கும் பொழுது,இந்த 10 பாடல்கள்தான் நான் அதிகமான முறை கேட்ட,கேட்க‌ விருப்பப்படுகின்ற‌‌ பாடல்களாக இருக்கின்றன.

1. அங்காடித் தெரு‍‍‍‍‍‍‍‍-‍‍‍உன் பேரை சொல்லும்‍‍-இசை:G.V.பிரகாஷ்குமார்
2. அய‌ன்‍-விழி மூடி யோசிக்கையில்-இசை:ஹாரிஸ் ஜெயராஜ்
3. அச்ச‌முண்டு அச்ச‌முண்டு-க‌ண்ணில் தாக‌ம்-இசை:கார்த்திக் ராஜா
4. நினைத்தாலே இனிக்கும்-அழகாய் பூக்குதே‍-‍இசை:விஜய் அந்தோனி
5. பொக்கிஷம்-நிலா நீ காற்று-‍இசை:ச‌பேஷ் முர‌ளி
6. குளிர் 100-ம‌ன‌செல்லாம் உன்னை -இசை:பாபோ ச‌ஷி
7. ஈர‌ம்-ம‌ழையே ம‌ழையே-இசை:தம‌ன்
8. குங்கும‌ப் பூவும் கொஞ்சும் புறாவும்-சின்ன‌ஞ் சிறுசுக‌-‍இசை:யுவ‌ன் ஷங்க‌ர் ராஜா
9. லீலை-ஜில்லென்று ஒரு கலவரம்‍-‍இசை:சதீஷ் சக்ரவர்த்தி
10. யாவரும் நலம்-காற்றிலே வாச‌மே‍-ச‌ங்க‌ர்-எசான்-லாய்

வேட்டைக்காரன்-விமர்சனம்

2009-12-22T20:55:00.000+05:30

பாபு சிவன் இயக்கத்தில், விஜயின் 49- வது படமாக வெளிவந்திருக்கும் படம்தான் 'வேட்டைக்காரன்'. ஏற்கெனவே 'ஃப்ளாப்' ஆன 'சத்யம்' படத்தோட கதையவே உல்டா பண்ணி வேட்டைக்காரனாக எடுத்திருக்கும் பாபுசிவன்,விஜய் இருவரின் 'மன உறுதியையும்' கண்டிப்பாக பாராட்ட வேண்டும்.முந்தைய படங்களில் திருப்பாச்சி,மதுரை..யிலிருந்து சென்னைக்கு வருவது போல்,இந்தப் படத்தில் விஜய் தூத்துக்குடியிலிருந்து சென்னைக்கு வருகிறார்.இந்தப் படத்திலும் சின்ன வில்லன்,பெரிய வில்லன் மற்றும் இன்னும் கொஞ்சம் பெரிய வில்லனோடு மோதி அவர்களை துவம்சம் செய்கிறார்.

திருப்பாச்சி படத்திலாவது விஜய் முகத்தில் சந்தனம் பூசியிருப்பதால் வில்லனுக்கு அவரை அடையாளம் தெரியாமல் இருந்தது. ஆனால்,இந்தப் படத்தில் டைரக்டர்,இன்னும் பல படி மேலே போய்,விஜய் நெற்றியில் மஞ்சள் கலர் ரிப்பன் இல்லையென்றால்,வில்லனுக்கு அவரை அடையாளம் தெரியாதபடி 'வித்தியாசமாக' யோசித்திருக்கிறார்.வேட்டைக்காரனை பார்க்கும் பொழுதுதான் அழகிய தமிழ் மகன்,வில்லு படங்களின் அருமை தெரிகிறது.

விஜயின் தீவிர ரசிகர்களுக்கே படத்தின் இரண்டாவது பாதி பிடிக்குமா என்று தெரியவில்லை.விஜயிற்கு பின் சினிமா உலகில் நுழைந்து,அவரோட நடிப்பை 'காப்பி' அடித்த நடிகர்களே,இன்று வித்தியாசமான (அ) நல்ல படங்களில் நடிக்க முயற்சிக்கும் பொழுது,விஜய் மட்டும் 'ஒரே' மாதிரி படங்களில் நடிப்பதை பார்க்கும் பொழுது அவர் மேல் பரிதாபம்தான் எழுகிறது.ரஜினி 'ஃபார்முலாவில்',ரஜினியே இன்று படம் நடித்தாலும் ஓடாது என்பதுதான் உண்மை.

இந்தப் படம் பார்த்து மூன்று மணி நெரம் 'Waste' பண்ணதும் இல்லாமல்,இந்தப் படத்துக்கு விமர்சனம் வேற எழுதணுமானு யோசிச்சப்ப விஜய் இந்தப் படத்தில் சொன்ன ஒரு வசனம்தான் ஞாபகத்திற்கு வந்தது, "தெரிஞ்சவங்களுக்கு செய்கின்ற உதவி நம்மளை மட்டும்தான் காப்பாத்தும்;தெரியாதவங்களுக்கு செய்கின்ற உதவியோ நம்ம வம்சத்தையே காப்பாத்தும்".

வேட்டைக்காரன்‍-விஜய்

ஊடல்

2009-12-04T09:39:00.000+05:30

உன்னை பிரிந்திருக்கும்
ஒவ்வொரு நொடியும்
ஓடாத கடிகாரம் போல்
அசைவற்றுக் கிடக்கிறேன்!
*******
ஆறு வளைகையில்
கரையும் வளைவது போல்
நீ சிரிக்கையில்
நானும் சிரிக்கிறேன்
நீ அழுகையில்
நானும் அழுகிறேன்!
*******
ஊடலுற்ற ஒரு தருணத்தில்
காய்கறிகளை நறுக்கிக்கொண்டே
என் வார்த்தைகள்
ஒவ்வொன்றாய்
வெட்டத் தொடங்கினாய்
கடைசியில்
காயம் பட்ட உன் விரல்களுக்கு
என் வார்த்தைகளே மருந்தாகியது!
*******

கிழ‌க்கே போகும் ர‌யில்

2009-12-02T10:11:00.000+05:30

ஒரே நேர் கோட்டிலிருந்த‌

தண்டவாளங்களை

பின் தொடர்ந்து சென்ற

மயக்கும் மாலை பொழுதில்

சற்று முன் பெய்த

மழையின் ஈரத்தோடு

பூ ஒன்று

தண்டவாளத்தின் மேல்

தலை வைத்து படுத்திருந்தது

அதன் ஈரத்தை

நெஞ்சில் ஏந்திய தருணத்தில்

எதிரே வந்து கொண்டிருந்த ரெயிலில்

நீ பயணித்துக் கொண்டிருந்தாய்.

NH-4

2009-11-26T17:22:00.000+05:30

நீண்ட தூர சாலையோர பயணமொன்றின்

NH-4 சாலையில்

ஒரு Lane-ல் நானும்

மறு Lane-ல் நீயும்

பயணித்துக் கொண்டிருந்தோம்

உனக்கான வாழ்வை என் கண்களிலும்

எனக்கான கனவுகளை உன் சிரிப்பினிலும்

செதுக்கிக் கொண்டிருந்தோம்.

இருவரும் இணைய நேரிடும் புள்ளியொன்றில்

திடீரென்று

யு-டர்ன் எடுத்து எனை கடந்து

கனவுகளை காற்றில் வீசிச் சென்றாய்

எதிரே தெரியும்

பள்ளத்தாக்கில் தெரிகிறது

எனக்கான வாழ்வு.

16 வயதினிலே...

2009-10-16T10:25:00.000+05:30

சிறு வயதில்
கிளி ஒன்று வளர்த்தேன்
சிறகு முளைத்ததும்
பறந்து சென்றது.

ஆசையாய்
வளர்த்த கோழி
சொந்தக்காரர் ஒருவரின்
வருகையால் கறியாகியது.

அழகாக நீந்தித் திரிந்த மீன்கள்
என் தவறால்
ஒரு நாள் நீர்தொட்டி உடைந்து
மதிய சாப்பாட்டிற்கு குழம்பாயின

ஆசையாய் வளர்க்கும்
அத்தனையையும்
ஒரு நாள் பிரிய நேர்வதால்
எதையும் வளர்க்காமல்
சும்மாவே இருந்தேன்...

பின்னொரு நாள்
உன்னை பார்த்த பின்பு
காதலை வளர்க்க ஆரம்பித்தேன்
வழக்கம் போல்
நீயும் எனை பிரிந்து சென்றாய்

ஆனால்
இன்று வரை புரியாத ஒன்று
கிளி,கோழி,மீனை பிரிந்ததற்காவது
ஏதோ ஒரு காரணமிருந்தது...

தூண்டில்

2009-10-13T20:23:00.001+05:30

தூண்டிலில் சிக்கிய மீனொன்று
துடி துடித்துக்கொண்டே
கடைசியாய்...
ஒரு முறை
என்னை பார்த்து சிரித்தது
அந்தக் கணத்தில்
நான்
உன்னை பார்த்து சிரித்தேன்!

Cigarette Kills...

2009-10-12T10:19:00.001+05:30

நடு நடுங்க வைக்கும்
கொடுங் குளிர் பனிக் காலத்தில்
உன் நினைவுகள்
ஒவ்வொன்றாய் எடுத்து
குளிர் காய்ந்து கொண்டிருந்தேன்
எரியும் தீக்கனல்களில் தெரிகிறது உன் முகம்...

உனை மறக்க நினைத்து
கிளாஸில் ஊற்றும்
ஆல்கஹாலிலும்
பற்ற வைக்கும்
சிகரெட் முனையிலும்
என்னை பார்த்து சிரிக்கின்றாய்
இப்பொழுது தெரிகிறது
"CIGARETTE SMOKING IS INJURIOUS TO HEALTH"

Top 10 Songs-September

2009-10-06T10:37:00.000+05:30

1) பேராண்மை-காடு களை கட்ட-‍இசை:வித்யாசாகர்

http://www.123musiq.com/SOURCE/latest%20tamil%20movie%20songs/Peraanmai/02%20-%20Kaadu%20Kalai%20Katta%20-%20Madhu%20Balakrishnan.mp3

2) லீலை-ஜில்லென்று ஒரு கலவரம்‍-‍இசை:சதீஷ் சக்ரவர்த்தி

http://www.123musiq.com/SOURCE/latest%20tamil%20movie%20songs/Leelai/Jilendru%20Oru%20Kalavaram%20-%20Satish%20Chakravarthy.mp3

3) ஆத‌வ‌ன்-‍‍வாராயோ வாராயோ-‍இசை:ஹாரிஸ் ஜெயராஜ்

http://www.123musiq.com/SOURCE/latest%20tamil%20movie%20songs/Aadhavan/04%20-%20Vaarayao%20Vaarayao%20-%20Unnikrishnan,%20Chinmayee,%20Mega.mp3

4) யோகி-‍யாரோடு யாரோ-‍இசை:யுவ‌ன் ஷங்க‌ர் ராஜா

http://www.123musiq.com/SOURCE/latest%20tamil%20movie%20songs/Yogi/02%20-%20Yaarodu%20Yaaro%20-%20Yuvanshankar%20Raja,%20Ustad%20Sultan%20Khan.mp3

5) க‌ண்ணுக்குள்ளே-நான் பிறந்த‌ நேர‌மா-இசை:இளைய‌ராஜா

http://www.123musiq.com/SOURCE/latest%20tamil%20movie%20songs/Kannukulle/Naan%20Pirandha%20Nerama%20-%20Priya.mp3

6) ஈர‌ம்-ம‌ழையே ம‌ழையே-இசை:தம‌ன்

http://www.123musiq.com/SOURCE/latest%20tamil%20movie%20songs/Eeram/Mazhaiye%20Mazhaiye%20-%20Ranjith.mp3

7) யாதுமாகி-தகிட‌ தகிட‌-இசை:ஜேம்ஸ் வசந்தன்

http://www.123musiq.com/SOURCE/latest%20tamil%20movie%20songs/Yathumagi/Thigatta%20Thigatta%20-%20Deepa%20Miriam.mp3

8) அகம் புறம்-‍கண்கள் மோதி-இசை:சுந்தர் C பாபு

http://www.123musiq.com/SOURCE/latest%20tamil%20movie%20songs/Agam%20Puram/Kangal%20Modhi%20-%20Naresh%20Iyer,%20Vijitha.mp3

9) அங்காடி தெரு‍‍‍‍‍‍‍‍-‍‍‍கதைகளைப் பேசும்‍‍-இசை:G.V.பிரகாஷ்குமார்

http://www.123musiq.com/SOURCE/latest%20tamil%20movie%20songs/Angadi%20Theru/Kadaigal%20Pesum%20-%20Benny%20Dayal,%20Himshika.mp3

10) ஜக்குபாய்-ஏழு வண்ணத்தில்‍-இசை ரஃபி

http://www.123musiq.com/SOURCE/latest%20tamil%20movie%20songs/JagguBhai/3%20-%20Yezhu%20Vannathil%20-%20Hariharan,%20Maheswari%20Rani.mp3